Parłamienckija vybary va Ukrainie musili b adbycca sioleta ŭ kastryčniku. Pavodle admysłovaha zakona, jany pravodziacca ŭ apošniuju niadzielu kastryčnika piataha hoda paŭnamoctvaŭ Viarchoŭnaj Rady. Ale Viarchoŭnaja Rada Ukrainy padtrymała zakanadaŭčuju inicyjatyvu ab praciahnieńni vajennaha stanovišča ŭ krainie jašče na try miesiacy.
Termin vajennaha stanovišča pradoŭžyli da 16 listapada, a zhodna z zakanadaŭstvam Ukrainy, u pieryjad takoha stanovišča pravodzić vybary zabaroniena. Parłamienckija vybary musili adbycca sioleta ŭ kastryčniku.
Apošnija parłamienckija vybary va Ukrainie byli ŭ lipieni 2019 hoda paśla taho, jak novaabrany prezident Ukrainy Uładzimir Zialenski raspuściŭ Viarchoŭnuju Radu ŭ pieršy dzień paśla svajoj inaŭhuracyi.
Pavodle zakona ab pravavym režymie vajennaha stanovišča, paŭnamoctvy Viarchoŭnaj Rady buduć pradoŭžanyja da dnia pieršaha pasiadžeńnia pieršaj siesii parłamienta, abranaha paśla skasavańnia vajennaha stanovišča.
Što da vybaraŭ prezidenta, to ich Viarchoŭnaja Rada pryznačaje na apošniuju niadzielu sakavika piataha hoda paŭnamoctvaŭ prezidenta. Takim čynam, čarhovyja prezidenckija vybary musiać adbycca nie paźniej jak 31 sakavika. Ale ŭ vypadku pradaŭžeńnia vajennaha stanovišča i hetyja vybary buduć skasavanyja, a paŭnamoctvy dziejnaha prezidenta praciahnuć da momantu praviadzieńnia novych vybaraŭ paśla skasavańnia vajennaha stanovišča.
Ukraina bolš nie budzie bajkatavać mižnarodnyja spabornictvy, kali biełarusy i rasijanie buduć na ich u niejtralnym statusie
Viarchoŭnaja Rada Ukrainy ŭchvaliła sankcyi suprać biełaruskich spartyŭnych čynoŭnikaŭ
Viarchoŭnaja Rada Ukrainy denansavała pahadnieńnie ź Biełaruśsiu ŭ śfiery piensijnaha zabieśpiačeńnia
Kamientary