Źjaviŭsia sajt «Kinakipa» ź vializnaj kalekcyjaj filmaŭ na biełaruskaj movie
Prajekt «Kinakipa» abzavioŭsia ŭłasnym sajtam kinakipa.site, na jakim vykładzienyja filmy i sieryjały pa-biełarusku. Da hetaha prajekt prysutničaŭ tolki ŭ sacsietkach, dzie karystaŭsia vialikaj papularnaściu siarod biełarusaŭ, tak kolkaść padpisčykaŭ telehram-kanała dasiahnuła 12 000 čałaviek.
Prajekt źbiraje zbolšaha zamiežnyja filmy, ahučanyja abo z subcitrami pa-biełarusku, ale jość i aryhinalnyja biełaruskija stužki. Siarod navinak možna adšukać ahučanyja pa-biełarusku sieryjały «Apošnija z nas», «Dom cmoka», «Viadźmar», «Mandałorac», «Hambit karalevy» abo kinastužki z subcitrami: «Doktar Strendž u multysuśviecie varjactva» i «Tor: Kachańnie i Hrom».
Jość i dobra viadomyja hledačam «Hary Poter», «Hładyjatar», «Matryca», «Ameli», «Interstełar», «Palot nad hniazdom ziaziuli» i šmatlikija inšyja filmy. Ahułam ža kolkaść stužak na sajcie siahaje za 700, ź ich bolš za 40 — sieryjały.
Filmy i sieryjały vykładalisia prajektam raniej u telehram-kanale, ale taki varyjant stvaraje peŭnyja niazručnaści ŭ čas prahladu, źviazanyja z tym, što telehram — heta ŭ pieršuju čarhu miesiendžar. Ciapier ža dastatkova nacisnuć knopku «płej» na staroncy lubimaha filma, kab pahladzieć jaho pa-biełarusku ź luboj pryłady.
«Naša Niva» — bastyjon biełaruščyny
PADTRYMAĆChto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?12
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1616
Kamientary