CUM pryrastaje pavierchami nie tolki ŭvierch, ale i ŭniz. Minus pieršy pavierch i abnoŭleny piaty adkrylisia 27 lipienia.
U cyrymonii adkryćcia rekanstrujavanaha ŭniviermaha ŭdzielničali staršynia Minskaha haradskoha Savieta deputataŭ Andrej Buhroŭ i pieršy namieśnik staršyni Minharvykankama Nadzieja Łazarevič, pišuć «Minsk-Naviny».
U 1990-ja CUM naviedvała ad 30 da 40 tysiač pakupnikoŭ. U śviatočnyja dni — 60—70 tysiač. Ciapier z ulikam vielmi žorstkaj kankurencyi i taho, što roźničny retejł istotna napoŭniŭ nie tolki Minsk, ale i inšyja harady, naviedvalnaść varjirujecca ŭ miežach 15-ci tysiač. Tym nie mienš praciahvajecca zmahańnie za pakupnikoŭ, kaža dyrektar univiermaha Alaksiej Sokał.
Madernizacyja zakranuła centralny ŭniviermah stalicy litaralna z noh da hałavy: adkryta prastora «Domdačaramont» na minus pieršym paviersie i abnoŭlena siekcyja «Tavary dla domu i pobytu» — na piatym.
Instrumient pierabraŭsia na cokalny pavierch, na piatym źjavilisia svabodnyja handlovyja płoščy, tamu ŭ abnoŭlenaj siekcyi «Tavary dla domu i pobytu» asartymient pašyrany. Kansultanty dapamohuć z vybaram paścielnych rečaŭ i machrovych vyrabaŭ, pakažuć madeli dyvanoŭ, tavary dla interjera i meblu.
Televizijščyki pakazali žachlivuju jaŭku na ŭčastku, dzie hałasavaŭ Łukašenka29
Kamientary
a-to u nas babaschoviščaŭ dla prostych hraždan niama (