Kali Pucin pamre, Irłandyja naŭrad ci vykaža spačuvańnie Rasii — premjer
Choć Irłandyja nastojvaje na tym, što jana praciahvaje prytrymlivacca palityki niejtralitetu, vysokapastaŭlenyja čynoŭniki kažuć, što heta tyčycca, chutčej, vajennaha niejtralitetu, čym palityčnaha.
Premjer-ministr Irłandyi Lea Varadkar zajaviŭ, što nie dumaje, što irłandski ŭrad vykaža spačuvańnie Rasii ŭ vypadku śmierci rasijskaha prezidenta Uładzimira Pucina, piša «Ukrainskaja praŭda».
Jon dadaŭ, što nie vieryć, što irłandckaja delehacyja budzie prysutničać na pachavańni rasijskaha prezidenta.
Irłandski ŭrad prytrymlivaŭsia strohaj palityki niejtralitetu na praciahu ŭsioj Druhoj suśvietnaj vajny.
Adnak tahačasny ministr zamiežnych spraŭ Ejman de Vajlera vyklikaŭ abureńnie mižnarodnaj supolnaści, kali vykazaŭ spačuvańnie ŭ suviazi sa śmierciu Adolfa Hitlera ŭ vyniku samahubstva ŭ 1945 hodzie.
Heta padzieja naniesła značny reputacyjny ŭron de Vajlera i dziaržavie i ličycca važnym momantam u historyi irłandskaha niejtralitetu.
Choć Irłandyja nastojvaje na tym, što jana praciahvaje prytrymlivacca palityki niejtralitetu, vysokapastaŭlenyja čynoŭniki kažuć, što heta tyčycca, chutčej, vajennaha, čym palityčnaha niejtralitetu.
Na minułym tydni Varadkar paabiacaŭ być z Ukrainaj stolki, kolki spatrebicca, padčas vizitu ŭ Kijeŭ.
Jon taksama abviaściŭ ab vydzialeńni niekalkich miljonaŭ jeŭra dadatkovaha finansavańnia na humanitarnuju dapamohu Ukrainie.
Kamientary