Hramadstva55

Biełaruski mastak z ułasnaj inicyjatyvy zrabiŭ siabie Hierojem Rasii. I prymusiŭ pravieści akcyi ŭšanavańnia ŭ rasijskich škołach

Biełaruski mastak Uładzisłaŭ Bochan praciahvaje svoj prajekt pa vyvučeńni miež absurdnaha. Hetym razam jon vyrašyŭ inicyjavać ušanavańnie ŭ škołach Smalenskaj vobłaści novaha Hieroja Rasii. 

Akcyja "Stvary kumira" Promotion "Create an idol" Akcija «Sotvori kumira»
Fota: telehram-kanał Uładzisłava Bochana

Jak piša sam aŭtar u telehram-kanale, jaho novaja inicyjatyva, jak i papiarednija, jość častkaj mastackaha prajekta Herzland.schaft.

Pavodle słoŭ Bochana, asnoŭnaja meta akcyi —

«daśledavańnie miež absurdnaha, za vykanańnie jakoha hatovyja ŭziacca abjekty majho tvorčaha ekśpiryjensa».

Mastak nahadvaje, što ŭsio pačynałasia z taho, što jon prymusiŭ byłych kaleh z ustanovy, u jakoj jon pracavaŭ da aryštu, abmiarkoŭvać papraŭki ŭ Kanstytucyju napiaredadni refierendumu ŭ Biełarusi. Dalej byŭ subotnik pad łozunham Treciaha rejcha. Praŭda, jon užo pravodziŭsia ŭ rasijskich škołach.

Niadaŭna rasijskim škołam Kurskaj vobłaści aktyvist ad imia partyi «Adzinaja Rasija» razasłaŭ zahad pravieści chresny chod. Praŭda, daviałosia surova nahadvać, kab nastaŭniki nie sabatavali mierapryjemstva.

Hetym razam jon vyrašyŭ «padniać płanku» i pravieści akcyju «Stvary kumira».

Bochan z humaram piša: «Padpisčyki majho kanała niejak addali mnie pieravahu pierad Cichanoŭskaj i abrali mianie nacyjanalnym lidaram… Niadaŭna ja adkryŭ u sabie zdolnaści duchoŭnaha lidara i pastara i adpraviŭ biudžetnikaŭ u pałomnictva. Ale i hetaha akazałasia mała majmu niastomnamu eha! Ja zadaŭsia spraviadlivym pytańniem: ale dzie ž maje šmatlikija prychilniki, što iduć strojnym maršam pa vulicach haradoŭ, skałanajučy pavietra skandavańniem majho imia?»

Tamu mastak vyrašyŭ abviaścić siabie nie mienš jak Hierojem Rasii. Zhodna ź lehiendaj, hetaje zvańnie jon atrymaŭ za nieadnarazovaje praniknieńnie ŭ tył voraha i sabataž jaho sistem suviazi. 

Akcyja "Stvary kumira" Promotion "Create an idol" Akcija «Sotvori kumira»
Fota: telehram-kanał Uładzisłava Bochana

I hetym razam akcyja prajšła paśpiachova.

Bochan adznačaje: «Voś tak, chłopcy i dziaŭčaty, u mianie vieryć usia Rasija! Tolki ja nie vieru im. Jany vierać tolki ŭ strach pierad panam».

Lubaja aŭtakratyja, jak adznačaje Uładzisłaŭ, pačynajecca z kultu asoby.

«Ludzi ŭvohule schilnyja kultyvavać hierojaŭ. Tak im zdajecca, što možna skinuć ź siabie adkaznaść, uzvalić na inšaha. Žyć stanie lahčej i viesialej».

Akcyja "Stvary kumira" Promotion "Create an idol" Akcija «Sotvori kumira»
Fota: telehram-kanał Uładzisłava Bochana

Pa słovach mastaka, na prykładzie jaho akcyi možna nazirać, jak lohka stvaryć niavolnikam hieroja. Novaja akcyja, jak i ŭvieś prajekt Herzland.schaft, kaža aŭtar, nahoda dla razvažańniaŭ, nakolki realnyja fantazii ab novych Biełarusi i Rasii budučyni.

Akcyja "Stvary kumira" Promotion "Create an idol" Akcija «Sotvori kumira»
Fota: telehram-kanał Uładzisłava Bochana

Uładzisłaŭ Bochan padkreślivaje, što jość ludzi, jakija mohuć žyć i bieź ćviordaj ruki hieroja. Ale pytańnie ŭ tym, «što rabić z tymi, chto pryvyk inakš, što rabić z bolšaściu, jakaja pry peŭnych abstavinach abiare dla nas novaha «hieroja» ci kumira».

«Dzie zadajuć pytańnie, tam znojduć adkaz», — ličyć Bochan.

Čytajcie jašče:

Biełarus dasłaŭ u rasijskija škoły zahad pravieści malebien. Jaho praviali, ale daviałosia surova nahadvać

Prankier, jaki pierad refierendumam dresiravaŭ biełaruskich piedahohaŭ, vyjšaŭ na rasijski prastor. I znoŭ paśpiachova 

Pravincyjnaja škoła znoŭ paviałasia na razvod prankiera

Kamientary5

  • Dzied
    26.07.2023
    Smalenščyna... - hladžu na hetych niaščasnych i baču biełaruskija tvary ŭ pałovy.
  • Gorliwy Litwin
    26.07.2023
    Nu i jakoje moža być Bieła-Ruskaje Adradžeńnie aproč Łukašyzmu? Ščyryja viečna pryhonnyja luccajki. A ŭsiakija etnakulturolahi amatary jeździać pa Ščyrych Viosačkach, šukajuć Sapraŭdnaj Hłybini
  • Janka
    26.07.2023
    Jadviha, heta nia dury - heta bieśpiarečnyja biazvolnyja vykanaŭcy. Darečy, kali ŭ
    Biełoruśsii i lepiej, to nie našmat. Bo mienavita z hetkich robataŭ, asabliva
    miełkaha ŭzroŭniu na pieryfieryi, adbudavana lubaja dyktatarskaja viertykal,
    jakaja va ŭmovach biaspraŭja vyroščvała ich dziasiacihodździami. Jany bajacca ŭsiaho -
    načalnika-samadura, supiarečyć "hienieralnaj linii partyi", admovicca vykonvać
    dadatkovyja abaviazki, biaspłatna adpracavać na "subotnikie" albo sdać
    hrošy na niešta sa svaich nizkich zarobkaŭ. Ale jany ž buduć pieršymi
    danosić na svaich vučniaŭ albo susiedziaŭ "bo nia daj boža niechta daznajecca,
    što jany viedali i biaździejničali". I zrazumieła, što jany prosta pabajacca zajmacca pravierkami "daručeńniaŭ" kštałtu bochanaŭskaha, kali tyja spasyłajucca na načalstva albo ŭładu.

Pad Varšavaj trahična zahinuŭ 31-hadovy biełaruski ravaryst Alaksandr Pustavitaŭ1

Pad Varšavaj trahična zahinuŭ 31-hadovy biełaruski ravaryst Alaksandr Pustavitaŭ

Usie naviny →
Usie naviny

Kantraktnik u Biełharadskaj vobłaści Rasii zastreliŭ troch tavaryšaŭ i ŭciok sa zbrojaj

U Kalinkavičach u 40 hadoŭ pamior praparščyk patrulna-pastavoj słužby 

Eduardu Babaryku dadali paŭtara hoda źniavoleńnia2

Bajden nazvaŭ vice-prezidenta Charys Trampam. Toj rezka adreahavaŭ1

Milinkievič raskazaŭ, što biełarusy mohuć dać Jeŭropie8

Razhramili kvateru byłoha viadučaha ANT Ivana Padreza11

Siamiejnuju paru rasijan zatrymali ŭ Aŭstralii pa padazreńni ŭ špijanažy

Šmatdzietnaj maci dali 6 hadoŭ kałonii pa 6 artykułach. Syn-padletak ź invalidnaściu čakaje jaje na voli7

Pamior biełaruski saksafanist Vital Jamuciejeŭ

bolš čytanych navin
bolš łajkanych navin

Pad Varšavaj trahična zahinuŭ 31-hadovy biełaruski ravaryst Alaksandr Pustavitaŭ1

Pad Varšavaj trahična zahinuŭ 31-hadovy biełaruski ravaryst Alaksandr Pustavitaŭ

Hałoŭnaje
Usie naviny →