Renars Hryškievičs, kiraŭnik pradpryjemstva VNĪ, jakoje zajmajecca ŭźviadzieńniem aharodžy, zajaviŭ, što jahonaja i inšyja arhanizacyi raspracavali niekalki rašeńniaŭ, jakija dazvolać paskoryć budaŭnictva aharodžy na ŭsioj daŭžyni łatvijska-biełaruskaj miažy.
Pryjarytetam hetaha leta stała ŭźviadzieńnie 63,9 km płota na druhim učastku.
«Budaŭnictva pamiežnaj infrastruktury na miažy pamiž Łatvijaj i Biełaruśsiu — najvažniejšy prajekt VNĪ. Pracujučy ŭ niepasrednaj blizkaści ad miažy, my bačym, nakolki važny ŭžo pabudavany płot. Tamu razam ź inšymi ŭstanovami my za karotki čas zrabili šmat dla mabilizacyi resursaŭ i paskareńnia budaŭnictva płota na ŭčastkach, uklučanych u druhi etap», — padkreślivaje Hryškievičs.
Na pieršym učastku ŭžo pabudavana 78 pracentaŭ płota, raboty płanujecca zaviaršyć vosieńniu hetaha hoda, a ŭładkavać infrastrukturu — da kanca hoda. Budaŭnictva na druhim učastku płanujecca zaviaršyć da kanca 2024 hoda.
U cełym prajekt praduhledžvaje budaŭnictva 173-kiłamietrovaj łatvijska-biełaruskaj pamiežnaj pałasy. Raniej padobnuju ścianu pabudavała Polšča, viaducca anałahičnyja raboty i ŭ Litvie.
A moža, usio ž varta, kab Łukašenka ŭdzielničaŭ u pieramovach pa Ukrainie?45
Kamientary
A hdie protivotankovyje tietrapody?