Zakryć płaciež za 2022 hod treba da 15 listapada. Hety čas abyšoŭsia biez pavyšeńnia padatkovaha zboru, a voś za 2023-i suma ŭžo budzie inšaja.
Uładalnikam kvater stali prychodzić paviedamleńni ab padatku na nieruchomaść. Ministerstva padatkaŭ i zboraŭ dasyłaje papiarovyja listy, ale čytačy Tochka.by padkazali, što sumu možna daviedacca i anłajn u sistemie raźliku ARIP.
U MPZ patłumačyli, što padatak zaležyć ad raźlikovaha koštu kvadratnaha mietra i płoščy kvatery.
Jak raźličvajuć padatak na kvateru
Staŭka padatku — 0,1%, tamu formuła padliku vyhladaje tak: padatak na nieruchomaść za kvateru = płošča kvatery * raźlikovy košt 1 m2 * 0,1%.
Na 2022 hod raźlikovy košt 1 m2 składaje 810 rubloŭ. Dla prykładu voźmiem adnapakajoŭku płoščaj 42 m2. Za takuju kvateru padatak za hod vychodzić Br34,02.
Jon płacicca ŭ dva etapy: avansavy płaciež byŭ da 15 listapada 2022-ha, dapłata — da 15 listapada 2023-ha.
Kab dabracca da płaciažu ŭ ARIP, treba vybrać punkty «padatki, vaš horad ci rajon, inśpiekcyja Ministerstva pa padatkach i zborach pa miescy rehistracyi fizasoby, na jakuju zarehistravanaja kvatera, padatak na nieruchomaść, ulikovy numar padatkapłacielščyka». Apošni možna ŭdakładnić na sajcie padatkovaha viedamstva.
Kali pavysiać padatak
Raźlikovy košt kvadratnaha mietra źmianiŭsia z 2023 hoda. Jon pavysiŭsia na 10-11%, dla Minska — ad Br810 da Br900, paviedamili ŭ viedamstvie.
Adpaviedna, i padatak na kvateru za 2023 hod pavysicca. Za tuju ž adnapakajoŭku jon budzie 37 rubloŭ 80 kapiejek.
«Zašmat u vas dziaciej». Jak žyvie siamja ź siamiu dziećmi, jakoj daviałosia vyjechać ź Biełarusi3
Kamientary