Akno spalni: chrosny baćka Azaronka pachvaliŭsia novaj kvateraj u lhotnym domie
Prapahandyst Kirył Kazakoŭ, viadomy tym, što daŭ Ryhoru Azaronku darohu na TB, zapościŭ u sacsietkach vid z akna.
«My atrymali klučy», — napisaŭ były kiraŭnik STB, a ciapier hałoŭny redaktar dziaržaŭnaj haziety «Minski kurjer», dadaŭšy hieateh Karziukoŭ. Z akna vidać šmatpałosnuju vulicu z ryžymi hazonami, usypanymi praplešynami. Na druhim boku vadaschovišča — abrysy panelnaha mikrarajona.
Karziuki — heta vulica ŭ Čyžoŭcy, rajonie na bierazie Śvisłačy na paŭdniovym uschodzie Minska, ucisnutym miž kalcavoj i zonaj vialikich zavodaŭ, ad jakoj Čyžoŭku adździalaje zaapark, Śvisłač i Čyžoŭskaje vadaschovišča na joj.
Čytajcie taksama: Pačynaŭ z «Zony Ch», daŭ darohu azaronkam, a ciapier uznačaliŭ Staličnaje telebačańnie — historyja pośpiechu Kiryła Kazakova
U Karziukach jašče ŭ 2019-m stali budavać žyllo dla prapahandystaŭ dziaržkanałaŭ pa canie 1 332 rubli za kvadrat z unutranym azdableńniem dla tych, chto ŭ čarzie. Pa takoj canie možna było pabudavać 15 kvadrataŭ na čałavieka ŭ siamji. Dalej cana była 1 980 rubloŭ. Heta našmat tańniej za rynkavy košt kvater, jaki dla panelnych damoŭ takoj łakacyi składaŭ by kala 1100 dalaraŭ za kvadratny mietr, abo pad 2500 rubloŭ.
Dakładna nieviadoma, ci ŭ pieršym «prapahandysckim domie» atrymaŭ kvateru Kazakoŭ, bo fota jon apublikavaŭ tolki ciapier, tady jak pieršy dom mielisia zdać jašče ŭ 2021-m.
44-hadovy vysokaapłatny mieniedžar dziaržaŭnych kanałaŭ, pavodle źviestak «Kibierpartyzanaŭ», tolki za 2020 hod zapłaciŭ padatkaŭ na 19 620 dalaraŭ. Ale dahetul nibyta nie mieŭ ułasnaj nieruchomaści i byŭ prapisany ŭ «dvušcy» Alony Radoŭskaj — viadoŭcy STB i svajoj ciapierašniaj žonki.
Na STB Radoŭskaja i jaje dačka ad pieršaha šlubu trapili ŭ čas dyrektarstva Kazakova.
Byłyja kalehi nazyvali hety fakt adnym z tych, jaki mieŭ značeńnie ŭ historyi sa zvalnieńniem prapahandysta z STB.
Čytajcie taksama:
Premjer Hałoŭčanka zahadaŭ, kab BT vykupiła va ŭłaśnicy kvateru ŭ domie dla žurnalistaŭ dziaržSMI
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
Bort Łukašenki z-za techničnych prablem viarnuŭsia ŭ Minsk bieź jaho16
Kamientary
ale niekatoryja nazyvajuć Čižopovka