Hramadstva

Tadevuš Kandrusievič pra kardynała Śviontka: Heta byŭ adziny čałaviek na Pinščynie, chto prynosiŭ Boha ŭ sercy

21 lipienia vierniki Kaścioła ŭ Biełarusi ŭspaminali kardynała Kazimira Śviontka ŭ dvanaccatuju hadavinu z času jaho śmierci.

Arcybiskup Tadevuš Kandrusievič. Fota: Catholic.by

Z hetaj nahody ŭ archikafiedralnym kaściole Najśviaciejšaha Imia Maryi celebravałasia śviataja imša za spačyłaha pieršaha mitrapalita Minska-Mahiloŭskaj archidyjacezii, jakuju ŭznačaliŭ mitrapalit, arcybiskup Juzaf Stanieŭski, a hamiliju pramoviŭ arcybiskup emieryt Tadevuš Kandrusievič. U celebracyi taksama ŭziali ŭdzieł ksiondz Andrej Burak, vikaryj archikafiedralnaj parafii, i ksiondz Pavieł Ejsmant, asabisty sakratar arcybiskupa Tadevuša Kandrusieviča, piša Catholic.by.

U pramoŭlenaj hamilii arcybiskup Kandrusievič zasiarodziŭ uvahu prysutnych na tym, što spačyły kardynał Śviontak u svaim žyćci ŭvieś čas prachodziŭ praź niaprostyja vyprabavańni.

«Aryštavany i pasadžany ŭ turmu, małady śviatar tolki Božym cudam zastaŭsia ŭ žyvych, adnak vytrymaŭ turemnyja ŭmovy, zachoŭvajučy vieru ŭ sercy. Boh vybraŭ jaho, kab u časy savieckaha pieraśledu jon staŭsia dla pinskich viernikaŭ tym adzinym čałaviekam, jaki prynosić Boha ŭ sercy. I navat u pažyłym uzroście jon byŭ mocna zapatrabavany Kaściołam jak toj, chto pakaža kirunak dalejšaha jaho raźvićcia.

U 1991 hodzie Papa Jan Pavieł II pryznačyŭ 77-hadovaha Kazimira Śviontka arcybiskupam Mitrapalitam Minska-Mahiloŭskim, a potym, u 1994 hodzie, nadaŭ jamu pačesny tytuł kardynała. Uskładzienyja Kaściołam zadańni pieršy Minska-Mahiloŭski arcybiskup z hodnaściu vykanaŭ, za što my, naščadki, jamu vielmi ŭdziačnyja», — adznačyŭ arcybiskup Kandrusievič

«Kardynał Śviontak uvajšoŭ u sučasnuju historyju Kaścioła ŭ Biełarusi jak pieršy i adziny kardynał, a jašče bolš — jak niazłomny śviedka viery, vyrazam čaho stałasia ŭhanaravańnie jaho ŭ 2004 hodzie śpiecyjalnaj uznaharodaj Fidei testis — «Śviedka viery»»,— skazaŭ na zakančeńnie arcybiskup Tadevuš Kandrusievič.

Kamientary

«50 hadzin u apošniaj dyktatury Jeŭropy». U Biełaruś pryjechali miehapapularnyja błohiery z ZŠA i Kanady — voś navošta6

«50 hadzin u apošniaj dyktatury Jeŭropy». U Biełaruś pryjechali miehapapularnyja błohiery z ZŠA i Kanady — voś navošta

Usie naviny →
Usie naviny

Za «abrazu pradstaŭnika ŭłady» mastačcy z Połacka pryznačyli prymusovaje lačeńnie. Jana viarnułasia z Polščy3

«Ź lohkim vietram» i «Narešcie, bro» — što pišuć Bajdenu ŭ tvitary

Stryžak raskazaŭ, ci ŭziaŭ by miljon dalaraŭ ad Čyža6

U Biełarusi źjavicca nacyjanalny videachostynh — vidieo.bieł 10

Džej Ło pierastała nasić zaručalny piarścionak. Kaniec historyi kachańnia

Adesit za $6 tysiač źbieh ad mabilizacyi ŭ Rasiju, dzie staŭ kantraktnikam. A kali trapiŭ na front, to zdaŭsia ŭkraincam9

Čamu Bajden vyrašyŭ vyjści z honki? Voś što pra heta pišuć suśvietnyja miedyja4

Sotni busłoŭ sabralisia na adnym poli la Hrodna FOTAFAKT2

Kolkaść lehkavikoŭ na biełaruska-polskaj miažy vyrasła da hihanckich 3501

bolš čytanych navin
bolš łajkanych navin

«50 hadzin u apošniaj dyktatury Jeŭropy». U Biełaruś pryjechali miehapapularnyja błohiery z ZŠA i Kanady — voś navošta6

«50 hadzin u apošniaj dyktatury Jeŭropy». U Biełaruś pryjechali miehapapularnyja błohiery z ZŠA i Kanady — voś navošta

Hałoŭnaje
Usie naviny →