Ekanomika

Bujnyja handlovyja sietki — fabryka stvareńnia adkidaŭ. I jany ŭparciacca

Novaja tema hramadskaj dyskusii ŭ Hiermanii: papularnyja handlovyja sietki hetaj krainy nie iduć na toje, kab pierajści ad adnarazovaj da šmatrazovaj upakoŭki dla praduktaŭ.

Mandaryny Mandariny Tangerines
Supiermarkiety i dyskaŭntary stvarajuć ilvinuju dolu ŭpakovačnych adkidaŭ. Fota: GettyImages

Adkidy ŭpakoŭki ŭ Hiermanii apošnimi hadami majuć tendencyju da pavieličeńnia. Pavodle danych Fiederalnaha ahienctva pa achovie navakolnaha asiarodździa (Umweltbundesamt), u 2020 hodzie było stvorana kala 18,8 miljonaŭ ton takich adkidaŭ. Dziesiaćciu hadami raniej hety pakazčyk składaŭ 16 miljonaŭ ton. U raźliku na dušu nasielnictva kožny žychar Hiermanii ciapier vykarystoŭvaje 225,8 kh upakoŭki.

Papiera i roznyja vidy kardonu składajuć bolš za 8,3 miljona ton usich upakovačnych adkidaŭ u Hiermanii. U 2020 hodzie ŭtvaryłasia kala 3,22 młn ton adkidaŭ płastyku, a adkidaŭ škła — bolš za try miljony ton. Asabliva ŭražvaje rost vytvorčaści aluminijevaj tary z 90,6 tysiač ton u 2010 hodzie da amal 140 tysiač ton u 2020-m.

«Dola chatnich haspadarak, jakija składajucca z adnaho i dvuch čałaviek, a taksama pažyłych ludziej, pavialičvajecca. I toje, i druhoje pryvodzić da taho, što kuplajucca ŭpakoŭki mienšaha pamieru i/abo parcyjonna, što, u svaju čarhu, akazvaje ŭsio bolšy ŭpłyŭ na spažyvańnie ŭpakoŭki», —

adznačajecca na sajcie Fiederalnaha ahienctva pa achovie navakolnaha asiarodździa.

Akramia taho, adznačajecca ŭ materyjale ahienctva, na rost vykarystańnia ŭpakoŭki akazali ŭpłyŭ źmieny zvyčak u charčavańni i spažyvańni. Fast-fud, pradukty na vynas i hatovyja stravy praciahvajuć karystacca vialikaj papularnaściu.

Jak adznačajecca ŭ materyjale niamieckaha infarmacyjnaha servisu Tagesschau.de, pakupki ŭ supiermarkiecie abo dyskaŭntary chutka pryvodziać da ŭtvareńnia vialikaj kolkaści ŭpakovačnych adkidaŭ. Adnak, pavodle danych Niamieckaj asacyjacyi pa achovie navakolnaha asiarodździa Deutschen Umwelthilfe (DUH), heta nie źviazana z rašeńniami spažyŭcoŭ.

Pavodle danych asacyjacyi, zanadta šmat tavaraŭ pa-raniejšamu prapanujecca va ŭpakoŭcy i adnarazovaj tary. U «praviercy ŭpakoŭki» DUH pastaviła supiermarkietam i dyskaŭntaram Hiermanii amal usie drennyja adznaki.

Jak paviedamlaje asacyjacyja, šmatrazovaja ŭpakoŭka dla małočnych praduktaŭ i johurtaŭ nie prapanoŭvałasia ŭ piaci handlovych sietkach. A ŭ adnoj z handlovych sietak hety pakazčyk skłaŭ 97%.

U paraŭnańni z vynikami pieršaj pravierki, jakuju DUH praviała ŭ pačatku 2022, dola ŭpakavanaj sadaviny i aharodniny maje tendencyju da niekatoraha źnižeńnia, ale tolki na niekalki pracentnych punktaŭ.

Asabliva rezkaj była krytyka handlovych sietak Aldi Nord i Süd, a taksama Lidl. U ich DUH nie znajšoŭ šmatrazovych upakovak ni na małočnych palicach, ni ŭ asartymiencie napojaŭ. U pačatku 2022 hoda ŭsio vyhladała hetak ža.

«Našyja vizity z pravierkami pakazvajuć zanadta vialikuju kolkaść adnarazovych pradmietaŭ, zanadta šmat płastyku i adkidaŭ. Navat standartnyja pradukty, takija jak morkva, jabłyki abo pierac, čaściej prapanujucca ŭ adnarazovaj upakoŭcy, čym bieź jaje. Kali my nie chočam dalejšaha abvastreńnia płastykavaha kryzisu, nam treba skaracić udvaja da 2027 hoda adkidy ŭpakoŭki i ŭvieści dadatkovuju płatu ŭ pamiery nie mienšym za 20 centaŭ za adnarazovyja płastykavyja butelki, słoiki i tetrapaki dla napojaŭ», —

cytuje Tagesschau.de zajavu fiederalnaha kiraŭničaha dyrektara DUH Barbary Miec (Barbara Metz).

U svajoj spravazdačy DUH adznačaje, što ekałahičnaść praduktaŭ zjaŭlajecca važnym arhumientam na karyść mnohich klijentaŭ. Adnak, kab jany mieli mahčymaść zrabić svoj uniosak u achovu navakolnaha asiarodździa, nieabchodnaja adpaviednaja prapanova ŭ śfiery roźničnaha handlu praduktami charčavańnia. Pakul što na rynku Hiermanii dola kramaŭ, jakija dajuć mahčymaść ździajśnieńnia pakupak biez pavieličeńnia adkidaŭ upakoŭki, davoli nievialikaja.

Niamieckaja asacyjacyja roźničnaha handlu (Handelsverband Deutschland, HDE) paviedamiła, što handal charčovymi tavarami ŭžo aktyŭna pracuje nad skaračeńniem kolkaści ŭpakovačnych adkidaŭ. Usie bujnyja charčovyja kramy ŭviali šmatrazovyja sietki dla sadaviny i aharodniny.

Taksama adbyłosia źnižeńnie kolkaści materyjału, jaki vykarystoŭvajecca va ŭpakoŭcy pad ułasnaj handlovaj markaj, za košt vykarystańnia bolš tankaściennaj tary dla małaka abo butelek dla napojaŭ. Heta taksama spryjaje tamu, što ŭ abaračeńni apynajecca mienš upakoŭki. Akramia taho, vysokuju efiektyŭnaść pakazvaje sistema zboru adnarazovaj tary dla napojaŭ, jakaja maje zakładny košt.

Sa studzienia ŭ Hiermanii dziejničaje novy zakon ab upakoŭcy, pavodle jakoha šmatlikija restaratary pavinny prapanoŭvać šmatrazovuju ŭpakoŭku dla ježy na vynas. Ale pakul nie ŭsio idzie hładka, tamu ŭ siaredzinie maja fiederalnaja ministarka navakolnaha asiarodździa Štefi Lemkie (Steffi Lemke) zaklikała da pastražeńnia kantrolu.

Inšaj važnaj prablemaj, jakuju taksama nieabchodna vyrašać, jak adznačaje Tagesschau.de, zjaŭlajucca pradukty charčavańnia, jakija taksama traplajuć u śmiećcievyja baki.

U Hiermanii ich utvarajecca kala adzinaccaci miljonaŭ ton na hod. Amal 60% hetych adkidaŭ prypadaje na chatnija haspadarki, što adpaviadaje amal 80 kiłahramam na čałavieka na hod.

Čytajcie jašče:

Hiermanija pieravodzić žytło na centralizavanaje ciepłazabieśpiačeńnie

Niemcy nie padtrymlivajuć čatyrochdzionny pracoŭny tydzień

Niamieččyna doryć kožnamu na paŭnalećcie pa 200 jeŭra. Navat mihrantam 

Niamieččyna ŭpieršyniu pryniała Nacyjanalnuju stratehiju biaśpieki

Kamientary

Rabotnicy suda pahražaje da 12 hadoŭ za «zakliki da sankcyj i abrazu Łukašenki»

Rabotnicy suda pahražaje da 12 hadoŭ za «zakliki da sankcyj i abrazu Łukašenki»

Usie naviny →
Usie naviny

Hety karlikavy kot z saramlivym vyhladam staŭ novaj zorkaj sacsietak5

U hateli Banhkoka znojdzieny miortvymi šeść hramadzian Vjetnama1

Nazvany śviežy miedyjanny zarobak. I jon namnoha mienšy za siaredni

Vyśvietliłasia, što pad Maskvoj patanuŭ kiraŭnik delehacyi vajskoŭcaŭ KNDR

Rabočamu z Baranavičaŭ dali hod za łajki pad karykaturami na Łukašenku. Ciapier pahražaje jašče da 12 hadoŭ2

Zamach na Donalda Trampa płanavaŭ Iran — CNN11

Minenierha paviedamiła pra adnaŭleńnie elektrazabieśpiačeńnia Mazyra1

Mazyrskaja viertykalščyca dałažyła pra adnaŭleńnie vodazabieśpiačeńnia. U kamientarach joj piarečać

Ad siońnia Litva maje namier uvieści abmiežavańni na ŭjezd aŭto ź biełaruskimi numarami30

bolš čytanych navin
bolš łajkanych navin

Rabotnicy suda pahražaje da 12 hadoŭ za «zakliki da sankcyj i abrazu Łukašenki»

Rabotnicy suda pahražaje da 12 hadoŭ za «zakliki da sankcyj i abrazu Łukašenki»

Hałoŭnaje
Usie naviny →