pałavy akt połovoj akt sex sieks

Fota: Naša Niva

Mierkavanyja pieravahi roznych poz dla pałavoha akta apisany ŭ šmatlikich časopisach, knihach i na hramadskich forumach. Adnak isnuje mała navukovych daśledavańniaŭ, u jakich aceńvajecca suviaź pamiž roznymi pazicyjami pry pałavym akcie i ich zdolnaściu vyklikać žanočy arhazm.

Hetamu było pryśviečana niadaŭniaje daśledavańnie amierykanskich vučonych, vyniki jakoha apublikavanyja ŭ internet-časopisie Sciencedirect.

Vučonyja acanili najbolš raspaŭsiudžanyja pozy hieterasieksualnaha pałavoha akta z punktu hledžańnia ich zdolnaści stymulavać vobłaści žanočaha tazu, jakija ŭdzielničajuć u arhaźmie. Pry hetym asablivaja ŭvaha była nadadziena klitaru, jaki pa-biełarusku nazyvajuć jašče «łaskacień». Heta takija pozy, jak misijanierskaja, misijanierskaja z paduškaj pad jahadzicami žančyny, pazicyja vieršnicy (žančyna źvierchu), poza siedziačy i poza pa-sabačamu (kali žančyna staić na kaleniach, a mužčyna znachodzicca zzadu.) 

Daśledavańnie było arhanizavana nastupnym čynam. Paśla 10-chvilinnaha seksu ŭ pary dobraachvotnikaŭ pytalisia pra ich asabistaje samaadčuvańnie. Da i paśla pałavoha aktu z dapamohaj UZI vymiarali kryvatok u klitary.

Vyniki daśledavańnia pakazali, što misijanierskaja pazicyja z paduškaju pad jahadzicami žančyny pakazała siabie lepšaj za ŭsie astatnija. Pry hetaj pozie taz žančyny źlohku prypadniaty, što palahčaje stymulacyju łaskatnia i dazvalaje pałavomu členu hłybiej pranikać.

Inšyja pozy, akramia pozy pa-sabačamu, pakazali, što prytok kryvi da klitara taksama byŭ vysoki. Drennyja pakazčyki pozy pa-sabačamu daktary tłumačać słabym pramym kantaktam pamiž žanočym tazam i skuraju jaje partniora, što pryvodzić da niaznačnaha pavieličeńnia kryvatoku ŭ paraŭnańni z pazicyjami tvaram u tvar.

Niahledziačy na nizkuju reprezientatyŭnaść, atrymanyja vyniki supadajuć z danymi raniejšych daśledavańniaŭ. Siarod ich — praca vučonych z Čechii, praviedzienaja ŭ 2020 hodzie šlacham apytańnia zvyš 20 tysiač čałaviek. Apytańnie pakazała, što bolšaja imaviernaść žanočaha arhazmu dasiahałasia ŭ pozach, pry jakich partniory hladzieli adzin adnamu ŭ vočy. Udzielniki apytańnia najlepšaj nazvali pozu vieršnicy.

«Choć jany tłumačać pośpiech poz tvaram da tvaru ich zdolnaściu palahčać vierbalnyja i fizičnyja znosiny, našy madeli paćviardžajuć hipotezu ab tym, što pazicyi tvaram da tvaru taksama bijamiechanična maksimizujuć stymulacyju klitara i kryvaciok»,

— pišuć amierykanskija daktary. «Akramia taho, pozy, u jakich partnior lepš kantraluje cisk na klitar, z bolšaj imaviernaściu pryviaduć da arhazmu».

Žurnalisty Focus.de nazyvajuć pryčyny, jakija abumoŭlivajuć značnuju roźnicu ŭ razryvie pamiž pakazčykami ŭ dasiahnieńni arhazmu mužčynami i žynčynami. Na pieršaje miesca jany staviać niedachop viedaŭ ab žanočaj anatomii.

Druhoj pryčynaj nazyvajuć raspaŭsiudžanaść nierealistyčnych ci łžyvych (abumoŭlenych parnahrafijaj) seksualnych idejaŭ. U najbolš raspaŭsiudžanym porna hałoŭnaja ŭvaha nadajecca praniknieńniu i frykcyjam, u toj čas jak bolšaść žančyn ad hetaha arhazmu nie atrymlivajuć. Im nieabchodnaja dadatkovaja stymulacyja łaskatnia.

Značnaj prablemaj na šlachu pavieličeńnia pracentu žančyn, jakija dasiahajuć arhazmu, źjaŭlajecca soramam pierad dziejańniami, ź jakimi źviazanaje žanočaje zadavalnieńnie, uklučajučy masturbacyju. Śpiecyjalisty adznačajuć, što z dapamohaj masturbacyi žančyna lepš zrazumieje, što joj najbolš prynosić zadavalnieńnie.

U dadatak da razryvu, jaki isnuje ŭ dasiahnieńni arhazmu, takaja ž vialikaja roźnica isnuje i ŭ častacie zaniatkaŭ masturbacyjaj. Mužčyny praktykujuć ananizm u try razy čaściej, čym žančyny.

Niamieckaje vydańnie daje parady, jakija dapamohuć mieć paŭnavartasnaje seksualnaje žyćcio.

Akramia pašyreńnia viedaŭ siarod moładzi ab žanočaj anatomii, jany prapanujuć žančynam daśledavać svajo cieła i znachodzić toje, što padabajecca. Akramia hetaha, žančynie nieabchodna bolš kazać svajmu partnioru, što joj padabajecca, sumiesna šukać pozy i praktykavać seksualnyja hulni.

Važnym momantam źjaŭlajecca ŭmieńnie rassłabicca padčas pałavoha aktu, praduhledzieć čas dla praciahłaj preludyi. Heta dapamoža stymulavać žanočaje žadańnie.

Śpiecyjalisty zaklikajuć mužčyn bolš uvahi nadavać roznym sposabam stymulacyi klitara svajoj partniorki i zaŭvažajuć, što kali ŭ hieterasieksualnych parach tolki 65 % žančyn atrymlivajuć arhazm, to ŭ vypadku ź leśbijankami hety pakazčyk składaje 86%.

Vidavočna, što tut adyhryvaje rolu viedańnie žanočaha žadańnia, roznyja varyjanty stymulacyi i bolš adkrytyja znosiny.

Čytajcie jašče:

Paśla arhazmu (asabliva razam) lepš śpiš, ciapier aficyjna

«Samaj pažyłoj pacyjentcy było 77: jaje chvalavała, što źnik arhazm». Intervju z seksołaham Minzdaroŭja

Pra masturbacyju, epilacyju, doŭhija pierapynki ŭ seksie — z hiniekołaham 

Клас
93
Панылы сорам
7
Ха-ха
12
Ого
9
Сумна
12
Абуральна
16

Chočaš padzialicca važnaj infarmacyjaj ananimna i kanfidencyjna?