Śviet2020

«Baćka, rodnieńki, tolki na ciabie nadzieja». Žychary kubanskaj stanicy paprasili Łukašenku vyrašyć prablemu ź miascovym śmietnikam

Žychary stanicy Pałtaŭskaja ŭ Krasnadarskim krai Rasii adčajalisia niejak dać rady ekałahičnym prablemam, vyklikanym pracaj u ichniaj miascovasci śmiećcievaha palihona. Da miascovych uładaŭ i da Pucina jany ŭžo źviartalisia, a apošniaja dla ich nadzieja ciapier — Łukašenka.

Skrynšot ź videa

Žychary Pałtaŭskaj patrabujuć, kab hruzaviki dastaŭlali adkidy na palihon u abjezd stanicy. Daroha na śmietnik prachodzić praz usie jaje vulicy, paabapał jakich raźmieščany pryvatnyja damy, što znachodziacca ad darohi za 5-10 mietraŭ. Kruhłasutačna pa hetych vulicach jeździać śmiećciavozy z pryčepami, jakija parušajuć spakoj žycharoŭ, choć ułady abiacali zrabić abjaznuju darohu i navat ustalavali zabaranialnyja znaki dla ruchu bujnahabarytnych mašyn.

23 sakavika i 5 krasavika miascovyja aktyvisty błakavali śmiećciavozam darohu na śmietnik, ale hetyja akcyi abiarnulisia dla ich štrafami i siłavym razhonam. 18 krasavika aktyvisty źviarnulisia da hubiernatara Krasnajarskaha kraju Vienijamina Kandraćjeva, a 27 krasavika pasprabavali damahčysia asabistaj sustrečy ź im, ale pa darozie ich niekalki razoŭ spyniali siłaviki i pravodzili nadhlady.

Kandraćjeŭ tak i nie sustreŭsia z žycharami Pałtaŭskaj, i jany skardzilisia Uładzimiru Pucinu, što taksama nie mieła vynikaŭ. Ciapier zastałasia apošniaja nadzieja — 18 lipienia praz pasolstva Biełarusi ŭ Maskvie miascovyja aktyvisty źviarnulisia da Łukašenki. Padšturchnuŭ ich na hety krok rehularny prahlad prapahandysckich kanałaŭ, pa jakich pakazvali, jak Łukašenka «vyratavaŭ Rasiju» ŭ situacyi ź miaciažom PVK «Vahnier».

«U nas niama vyjścia. My ŭžo dvojčy źviartalisia da prezidenta RF z prośbaj spynić ekacyd. Pad zajavami źbirali pa 5 000 podpisaŭ, ale reakcyja nulavaja. Usio adpraŭlajecca ŭ Krasnadarski kraj, dzie ničoha nie mianiajecca. Łukašenka dapamoh Rasii ŭ zachavańni dziaržaŭnaści, jak nam raspaviali pa TB, tamu my spadziajomsia, što jon dapamoža i ŭ hetym pytańni». 

18 lipienia bolš za paŭsotni žycharoŭ stanicy sabralisia na vulicy Telmana, praź jakuju bieśpierapynnym patokam ruchajucca śmiećciavozy z roznych pasieliščaŭ kraju, i na ich fonie zapisali videazvarot da Łukašenki, jaki prykłali da piśmovaj zajavy, adpraŭlenaj u ambasadu Biełarusi ŭ Maskvie.

U zvarocie vystupajuć jak aktyvisty, tak i prostyja žychary stanicy Pałtaŭskaj. Jany adznačajuć, što Łukašenka, maŭlaŭ, dapamoh spynić PVK «Vahnier», kali jany išli na Maskvu. «A ciapier žychary stanicy Pałtaŭskaj hatovyja pajści takim ža maršam na Maskvu, bo niemahčyma tut žyć, nas prosta zabivajuć», — kažuć jany.

Adna piensijanierka ŭvohule na Łukašenku ledź nie molicca: «Baćka, rodnieńki, tolki na ciabie nadzieja, ale pieradajcie, kali łaska, prezidentu Rasii, što ludzi płačuć». 

Dapamoha ž Łukašenkava maje być u «daniasieńni da prezidenta Rasii Pucina prablemy». Toj, maŭlaŭ, ničoha nie viedaje, bo ad jaho chavajuć.

Kamientary20

  • Duraki i dorohi
    19.07.2023
    "Lubiat russkije ludi buntovať!
 Vstanut na koleni pieried barskim domom i stojat podlecy! I vied́ znajut, čto buntujut i vsio ravno stojat!"
 M.Je.Sałtykov-Ŝiedrin
  • Rubam
    19.07.2023
    Tolko HIMARS pomožiet etim rabam.
  • Vasia
    19.07.2023
    Komu ch.ło dziadźko tomu łuka baćko:))

Stała viadoma pra aryšt historyka Ihara Mielnikava16

Stała viadoma pra aryšt historyka Ihara Mielnikava

Usie naviny →
Usie naviny

«Kali b mnie płacili — siadzieła b i čytała ludziam knihi, navat za małyja hrošy». Intervju z aktrysaj Zojaj Biełachvościk2

U voziery Śviciaź zabaranili kupacca. U čym pryčyna?1

Mercedes urezaŭsia ŭ Fiat, a paśla źbiŭ dvuch čałaviek

Tramp staŭ najstarejšym kandydatam na pasadu prezidenta ZŠA ŭ historyi5

Minsk apynuŭsia ŭ topie samych tannych haradoŭ śvietu — za žyllo treba płacić u 10 razoŭ mienš, čym u Ńju-Jorku7

Pieršyja prablemy biełarusaŭ na Alimpijadzie ŭ Paryžy. Vieślary ŭžo tam, a łodki nie prapuścili 

Topavy amierykanski časopis sprahnazavaŭ, kolki biełarusy zavajujuć miedaloŭ na Alimpijadzie. U rasijan budzie nul

Charys zaručyłasia dastatkovaj padtrymkaj dla vyłučeńnia kandydatam u prezidenty

«50 hadzin u apošniaj dyktatury Jeŭropy». U Biełaruś pryjechali miehapapularnyja błohiery z ZŠA i Kanady — voś navošta17

bolš čytanych navin
bolš łajkanych navin

Stała viadoma pra aryšt historyka Ihara Mielnikava16

Stała viadoma pra aryšt historyka Ihara Mielnikava

Hałoŭnaje
Usie naviny →