«Nieabchodnaści ŭ ich funkcyjanavańni niama». U Minsku likvidujuć dva licei
«Siońnia stvorany ŭmovy dla atrymańnia profilnaj adukacyi na treciaj stupieni va ŭsich škołach i himnazijach. U nas sapraŭdy vialikaja sietka profilnych kłasaŭ», — davodziać u Minharvykankamie.
«My ŭvachodzim u novy navučalny hod ź niekalkimi pieraŭtvareńniami. U nas madernizujecca sietka adukacyjnych ustanoŭ. Likvidujucca dva licei — № 1 u Maskoŭskim rajonie, № 2 — u Leninskim», — skazaŭ «Minsk-Navinam» staršynia kamiteta pa adukacyi Andrej Stryhielski.
Jon kaža, što rašeńnie prymałasia zahadzia. Letaś licei nie ažyćciaŭlali naboru dziaciej u 10-ja kłasy, u hetym vypuścili apošnija 11-ja kłasy.
«I faktyčna licei likvidujucca. Minsk — kampaktny horad. Siońnia stvorany ŭmovy dla atrymańnia profilnaj adukacyi na treciaj stupieni va ŭsich škołach i himnazijach. U nas sapraŭdy vialikaja sietka profilnych kłasaŭ. I siońnia niama nieabchodnaści ŭ takim vyhladzie ŭstanovy, jak ahulnaadukacyjny licej», — kaža A. Stryhielski.
Pavodle słoŭ staršyni kamiteta pa adukacyi, budynki, jakija vyzvalilisia, zachoŭvajucca ŭ sistemie adukacyi stalicy. Na miescy byłoha liceja № 2 ź vieraśnia budzie funkcyjanavać korpus Minskaha haradskoha piedahahičnaha kaledža. «Heta dazvolić nam vyrašyć zadaču pa pavieličeńni naboru navučencaŭ na piedahahičnyja śpiecyjalnaści. Zmožam papaŭniać kadravyja resursy nastaŭnikami pačatkovaj škoły, vychavacielami daškolnaj adukacyi. Siońnia jość u ich patreba», — adznačyŭ A.Stryhielski.
Budynak ža liceja № 1 pieradajecca najbližejšaj siaredniaj škole.
-
Dziadula ź Viciebska zapościŭ fota sa skrynkaj ad televizara i staŭ zorkaj tyktoku. A jaho siabar pieratvaryŭsia ŭ miem
-
«Nie jem paśla šostaj i kožny dzień rablu «nažnicy». Sakrety badzioraści i historyja žyćcia 99-hadovych siaścior-bliźniatak z Vaŭkavyska
-
Skončyła žyćcio samahubstvam Śviatłana Krucikava ź Pinska, jakuju nieadnarazova sudzili za «ekstremizm»
Skončyła žyćcio samahubstvam Śviatłana Krucikava ź Pinska, jakuju nieadnarazova sudzili za «ekstremizm»9
Kamientary