Śviet66

«Dyk PVK «Vahnier» nie isnuje! Prosta nie isnuje!» Pucin raspavioŭ, pra što razmaŭlaŭ z Pryhožynym

Karespandent «Kommiersanta» Andrej Kaleśnikaŭ daviedaŭsia va Uładzimira Pucina padrabiaznaści jaho sustrečy z kamandzirami PVK «Vahnier» u Kramli 29 červienia. Sustreča doŭžyłasia try hadziny.

Fota: Alexander Kazakov / Pool Sputnik Kremlin / AP

Razmova adbyłasia praź piać dzion paśla niaŭdałaj sproby buntu. 10 lipienia pra jaje raspavioŭ pres-sakratar kiraŭnika rasijskaj dziaržavy Dźmitryj Piaskoŭ.

«Adzinaje, što my možam skazać, što prezident daŭ acenku dziejańniam kampanii na froncie ŭ čas SVA (tak rasijskaja i biełaruskaja prapahanda nazyvajuć vajnu va Ukrainie. — «NN»), a taksama padziejam 24 červienia. Pucin vysłuchaŭ tłumačeńni kamandziraŭ i prapanavaŭ im dalejšyja varyjanty pracaŭładkavańnia»,— kazaŭ tady Piaskoŭ.

Učora Pucin raskryŭ niekatoryja padrabiaznaści mierapryjemstva. Kaleśnikaŭ spytaŭ pra charaktar sustrečy, jakaja jaje viersija ŭ rasijskaha kiraŭnika. Voś jak letapisiec Pucina apisaŭ hety dyjałoh (nižej vytrymka z «Kommiersanta»).

— Jakaja ŭ mianie moža być viersija? — pierapytaŭ Uładzimir Pucin. — U mianie nie viersija. U mianie — toje, što adbyvałasia nasamreč. Heta ŭ vas ci ŭ NATA moža być viersija.

— Raskažycie tady, što adbyvałasia nasamreč,— prapanavaŭ Kaleśnikaŭ.

— A što adbyvałasia nasamreč? — znoŭ pierapytaŭ Uładzimir Pucin. — Usio vielmi prosta i vidavočna dla rasijskaha hramadstva. Šarahovyja bajcy «Vahniera» vajavali hodna, tak… Toje, što jany akazalisia ŭciahnutyja ŭ hetyja padziei, vyklikaje škadavańnie… Ja skažu tak, vielmi akuratna…

Pucin, viadoma, chacieŭ sustrecca mienavita ź imi, z kamandzirami PVK, čyje bajcy vajavali hodna. Nie ź Jaŭhienam Pryhožynym, a ź imi pierš za ŭsio.

Vidać było, što jon i praŭda chacieŭ vykazacca akuratna.

— Z adnaho boku, ja na sustrečy ź imi daŭ acenku tamu, što jany zrabili na poli boju, a z druhoha boku — tamu, što jany zrabili padčas padziej 24 červienia. Treciaje — pakazaŭ mahčymyja varyjanty dalejšaha prachodžańnia imi słužby, u tym liku i bajavoha prymianieńnia. Voś i ŭsio.

I jany ŭkłalisia ŭ try hadziny.

— Možna mierkavać, — spytaŭ Kaleśnikaŭ, — što PVK «Vahnier» zachavajecca jak bajavaja adzinka?

— Nu, dyk PVK «Vahnier» nie isnuje! — uskliknuŭ Uładzimir Pucin. — U nas ža niama zakona ab pryvatnych vajskovych arhanizacyjach! Prosta nie isnuje!

Takim čynam, kali niama zakona, to niama i PVK.

A što ž heta tady ŭsio było?

— Takoj jurydyčnaj asoby niama, — rastłumačyŭ Uładzimir Pucin.

Tut jon, mabyć, kazaŭ jak juryst.

Heta było zrazumieła.

— Hrupa jość, ale jurydyčna nie isnuje! — paŭtaryŭ Pucin. — Heta asobnaje pytańnie, źviazanaje z realnaj lehalizacyjaj. Ale heta pytańnie, jakoje pavinna abmiarkoŭvacca ŭ Dziaržaŭnaj dumie, va ŭradzie. Niaprostaje pytańnie.

Paźniej Uładzimir Pucin padzialiŭsia adnoj historyjaj z hetaj sustrečy. Na joj jon prapanavaŭ kamandziram «Vahniera», jakich, jak paćvierdziŭ prezident Rasii, na sustrečy było 35 čałaviek («Nu voś, vy ŭ Kramli»,— skazaŭ jon im), niekalki varyjantaŭ pracaŭładkavańnia, i ŭ tym liku — pad kiraŭnictvam ich niepasrednaha kamandzira z pazyŭnym Sivy. Heta značyć čałavieka, pad kiraŭnictvam jakoha bajcy «Vahniera» i słužyli apošnija 16 miesiacaŭ.

— Usie jany mahli sabracca ŭ adnym miescy i praciahvać słužyć,— skazaŭ Uładzimir Pucin. — I dla ich ničoha b nie źmianiłasia. Imi kiravaŭ by toj ža čałaviek, jaki byŭ ich realnym kamandziram uvieś hety čas.

— I što ž?

— Mnohija kivali, kali ja heta kazaŭ, — praciahnuŭ Uładzimir Pucin. — A Pryhožyn, jaki siadzieŭ napieradzie i nie bačyŭ hetaha, skazaŭ, vysłuchaŭšy:

— Nie, chłopcy nie zhodnyja z takim rašeńniem.

Historyja z PVK «Vahnier», biez sumnievu, začapiła Uładzimira Pucina, navat kali jon z hetym nie pahodzicca, reziumuje Kaleśnikaŭ.

Kamientary6

  • Bhagawan
    14.07.2023
    Dupa jość, a słova niama....
  • rom
    14.07.2023
    Nikakoj vstrieči niebyło. Pridumali čtob vyhladieť hierojaiem razrulivšim miatiež
  • Supovoj pakietik
    14.07.2023
    rom, aha, i ČVK "Vahnier" tožie nie było... Dyk vied́, vdumajemsia chorošo, i vojny-to niet - jesť SVO[łočizm spłošnoj]... Rielativizm v fiłosofii živiet i pobieždajet!

Stryžak raskazaŭ, jak jaho vierbavali śpiecsłužby18

Stryžak raskazaŭ, jak jaho vierbavali śpiecsłužby

Usie naviny →
Usie naviny

«Pa kodavym słovie «Barysaŭna» vykinuła ŭ akno €760 tysiač». 16-hadovy kurjer zabraŭ u dvaich piensijanieraŭ 2,7 młn rubloŭ14

Što adbudziecca, kali Bajden vyjdzie z prezidenckaj honki?1

Ukrainski front na Danbasie pasypaŭsia ŭ niekalkich miescach — analityk Bild10

Biełaruski ajcišnik pierajechaŭ u Aŭstraliju i trapiŭ pad skaračeńni. I zadaŭsia adviečnym pytańniem «Što rabić»?14

U Lidzie zatrymali ŭładalnika kaviarni «Tutaka»

Z-kanał: Imavierna, Kryhier arhanizoŭvaŭ dyviersii ŭ Branskaj vobłaści5

Raiła bić nahoj u skivicu kožnamu maskvarotamu, nazyvała akupacyju Maryupala karmaj — chto takaja Iryna Faryjon, jakuju zabili ŭ Lvovie37

U Vilejskim rajonie kiroŭca pahruzčyka ledź nie ŭrezaŭsia ŭ pachavalnuju pracesiju

Ukraina śpiašajecca stvaryć vajennyja bieśpiłotniki sa štučnym intelektam1

bolš čytanych navin
bolš łajkanych navin

Stryžak raskazaŭ, jak jaho vierbavali śpiecsłužby18

Stryžak raskazaŭ, jak jaho vierbavali śpiecsłužby

Hałoŭnaje
Usie naviny →