Hramadstva1212

«Niabačnyja» śviedki spravy Alesia Puškina. Chto danios na mastaka

Chod spravie suprać mastaka Alesia Puškina, jaki zahinuŭ u niavoli, dali prarasijskaja aktyvistka i abłasny čynoŭnik.

Viktar Praniuk i Volha Bondarava. Fota: slonves.by, skryn ź jutub-kanała Volhi Bondaravaj

Nahodaju dla źniavoleńnia Alesia Puškina staŭ partret paślavajennaha antysavieckaha partyzana Jaŭhiena Žychara. Karcina była vystaŭlenaja ŭ hrodzienskim pryvatnym Centry haradskoha žyćcia. Na joj mastak acharaktaryzavaŭ Žychara jak čałavieka ź biełaruskaha supracivu, zmahara z balšavikami.

Raniej za prakuraturu na vystavu nakinułasia sieryjnaja skaržnica i prarasijskaja aktyvistka Volha Bondarava. Ź jaje danosu pačaŭsia pieraśled Alesia Puškina.

Pahutaryć z Bondaravaj «Našaj Nivie» nie ŭdałosia. Na telefanavańni jana nie adzyvajecca.

U kamientary namieśnik staršyni Hrodzienskaha abłvykankama Viktar Praniuk abiacaŭ, što «vypadak» budzie «staranna vyvučany i atrymaje pryncypovuju acenku».

Čynoŭnik Viktar Praniuk pachodzić z hrodzienskaj hłybinki. Jon naradziŭsia ŭ 1973 hodzie ŭ vioscy Piaski Lidskaha rajona.

Viktaru Praniuku ŭručajuć chleb i sol ad padnačalenych. Fota: region.grodno.by

U 2003 hodzie Praniuk staŭ samym maładym dyrektaram pieršaha ŭ Lidzie i rajonie liceja. Licej padavaŭsia jak ustanova adukacyi novaha typu, a kiraŭnika ličyli aŭtaram składańnia jaho humanistyčnaj kancepcyi. Navučency liceja štohod vybirajuć sabie prezidenta.

Karjera nastaŭnika dla Praniuka skončyłasia ŭ 2011 hodzie, kali jaho pryznačyli namieśnikam kiraŭnika Lidskaha rajvykankama.

U 2015 hodzie padčas prezidenckaj kampanii Praniuk dyskutavaŭ z kandydatkaj na prezidenctva Taćcianaj Karatkievič. Ź im jana sustrełasia ŭ 10-tysiačnym miastečku Biarozaŭka.

Viktar Praniuk (na piarednim płanie) i Taćciana Karatkievič. Fota: svaboda.org

Praniuku nie spadabałasia ideja Karatkievič, kab čynoŭnikaŭ vybirali.

U 2019-m, kali pieryjad libieralizacyi zaviaršaŭsia, Viktar Praniuk tłumačyŭ nieabchodnaść ustalavańnia ŭ Lidzie pomnika Hiedyminu.

U 2019 hodzie Łukašenka pryznačyŭ Viktara Praniuka namieśnikam staršyni abłvykankama. Jon kuryruje ideałohiju i sacyjalna-kulturnyja pytańni.

Na čynoŭnickuju karjeru Praniuka ŭ abłvykankamie prypała pandemija, vybary, pratesty i teror.

Tady čynoŭnikam pieradali patrabavańni ab adstaŭcy Łukašenki, kiraŭnikoŭ MUS, aryšcie siabroŭ CVK dy vyzvaleńni palityčnych źniavolenych. Kiraŭnictva harvykankama admoviłasia vyjści da pratestoŭcaŭ.

Mihranty ŭ centry «Bruzhi». Fota: BiełTA

U 2022 hodzie Praniuka pastavili kiravać praŭładnaj «Biełaj Ruśsiu». Na adnym sa schodaŭ jon zajaŭlaŭ, što abjadnańnie pavinna «ŭziać aktyŭny ŭdzieł u arhanizacyi vybarčaj kampanii» ŭ miascovyja saviety i Pałatu pradstaŭnikoŭ.

Daviedacca, jak Viktar Praniuk uspryniaŭ navinu pra śmierć źniavolenaha Alesia Puškina, nie ŭdałosia. U abłvykankamie paviedamili, što čynoŭnik da 28 lipienia ŭ vodpusku.

Viadomy biełaruski mastak, žyvapisiec-nonkanfarmist, pierformier spačatku pakarańnie adbyvaŭ u ivacevickaj kałonii, a potym byŭ pieraviedzieny na turemny režym u Hrodna. Palitviazień pamior u noč na 11 lipienia ŭ špitali, kudy jaho dastavili ŭ nieprytomnym stanie.

«Naša Niva» — bastyjon biełaruščyny

PADTRYMAĆ

«Šancaŭ na vyratavańnie nie było». Padrabiaznaści śmierci mastaka Alesia Puškina

«Jaho tvorčaść była ŭvasableńniem niazłomnaha duchu biełaruskaha naroda» — Cichanoŭskaja pra Puškina

Chto takija vambaty? Jak łukašystaŭ padzialiła na dva łahiery adno pytańnie

Kamientary12

  • Brest siła
    12.07.2023
    Namieśnik staršyni abłvykankama pa ideałohii - heta nie prosta vincik. Heta čałaviek, jaki kankretna davodzić staršyniam vybarčych kamisij, jaki pracent treba napisać. Niepasredny ŭdzielnik falsifikacyi vybaraŭ i ŭzurpacyi ŭłady. Za toje i dajuć siniekuru ŭ "Saviecie Respubliki". U jaho na rukach kroŭ našych dziaciej, i ŭkrainskich dziaciej taksama.
  • Paliašuk
    12.07.2023
    Vola Bo. usioj svajoj burlivaj dziejnaściu zasłuhoŭvaje sustreć hodnaha kavalera - aficera-padvodnika, amatara biehu z paŭdniovaha horada, kab chadzić ź im na kancerty - naprykład, Kabejna ci Merkjury, a mo bolš patriotično - Zykinaj. Zaležyć ad hustu. Kab užo nie hublała siły na nas, "sapsavanych palakami iskonno russkich", a kab znajšła svajo miesca kančatkovaj prypiski dy supakoiłasia.
  • Ŭ
    12.07.2023
    C bondarievoj-to vsie poniatno, a vot etot činovnik, čto samoje intieriesnoje, proizvodit vpołnie normalnoje vpiečatlenije - vpołnie kompietientnyj, nie złobnyj, biez lišnich zaskokov i t.d., diełajet svoju rabotu naviernoje niepłocho v ramkach dołžnostnych instrukcij, a čto i etoho vychodit - nie jeho razumienija dieło... Vot imienno ob etom i hovoritsia - "banalnosť zła". Takoj svojeho roda Ejchman-łajt-łajt, i eto mnie kažietsia samoje strašnoje. V obŝiem-to nie tak mnoho šahov ostałoś i do hazovych kamier, s čiem nas i pozdravlajem. Alesiu Puškinu ziemla puchom i viečnaja pamiať...

Stała viadoma pra aryšt historyka Ihara Mielnikava16

Stała viadoma pra aryšt historyka Ihara Mielnikava

Usie naviny →
Usie naviny

Byłaja palitźniavolenaja: Maja siamja patraciła za dva hady $10 tysiač na advakataŭ i pieradačy dla mianie1

«Kali b mnie płacili — siadzieła b i čytała ludziam knihi, navat za małyja hrošy». Intervju z aktrysaj Zojaj Biełachvościk2

U voziery Śviciaź zabaranili kupacca. U čym pryčyna?1

Mercedes urezaŭsia ŭ Fiat, a paśla źbiŭ dvuch čałaviek

Tramp staŭ najstarejšym kandydatam na pasadu prezidenta ZŠA ŭ historyi5

Minsk apynuŭsia ŭ topie samych tannych haradoŭ śvietu — za žyllo treba płacić u 10 razoŭ mienš, čym u Ńju-Jorku7

Pieršyja prablemy biełarusaŭ na Alimpijadzie ŭ Paryžy. Vieślary ŭžo tam, a łodki nie prapuścili 

Topavy amierykanski časopis sprahnazavaŭ, kolki biełarusy zavajujuć miedaloŭ na Alimpijadzie. U rasijan budzie nul

Charys zaručyłasia dastatkovaj padtrymkaj dla vyłučeńnia kandydatam u prezidenty

bolš čytanych navin
bolš łajkanych navin

Stała viadoma pra aryšt historyka Ihara Mielnikava16

Stała viadoma pra aryšt historyka Ihara Mielnikava

Hałoŭnaje
Usie naviny →