Zasnavalnika hrodzienskaj etnakramy «Cudoŭnia» Andreja Nieściaroviča asudzili na minułym tydni ŭ sudzie Leninskaha rajona Hrodna. Pavodle infarmacyi Hrodna.life, jaho asudzili na hod «chatniaj chimii» albo na pakarańnie z adterminoŭkaj vykanańnia.
Mužčynu sudzili pavodle art. 295 č. 2 KK «Niezakonnyja dziejańni ŭ dačynieńni da ahniastrelnaj zbroi, bojeprypasaŭ i vybuchovych rečyvaŭ». Abstaviny spravy nieviadomyja.
Hrodzienskaha biznesmiena Andreja Nieściaroviča zatrymali 14 krasavika i padvierhli administracyjnamu aryštu na 10 sutak za raspaŭsiud «ekstremisckich» materyjałaŭ pa art. 19.11 KaAP. Paźniej jaho aryštavali na troje sutak u ramkach kryminalnaj spravy. Pa jakim artykule jaje zaviali, nie paviedamlali. Potym jon vyjšaŭ na volu.
Etnakrama «Cudoŭnia» pracuje ŭ Hrodnie z 2015 hoda. Padčas i paśla vybaraŭ 2020 hoda krama sutyknułasia z represijami: jaje štrafavali i pazbaŭlali pamiaškańnia. Andrej Nieściarovič vyrašyŭ zastavacca ŭ Biełarusi, kab raźvivać miascovuju kulturu i ramiostvy.
Kali asudžany, u dačynieńni da jakoha vykanańnie pakarańnia adterminavana, nie vykonvaje ŭskładzienyja na jaho sudom abaviazki albo nieadnarazova parušyŭ hramadski paradak, albo ździejśniŭ administracyjnaje pravaparušeńnie, sud moža admianić adterminoŭku vykanańnia pakarańnia i nakiravać asudžanaha dla adbyćcia pakarańnia, pryznačanaha sudom.
Čały: Čym daŭžej Łukašenka marudzić z vybarami, tym bolš arhumientaŭ, kab jamu nie iści15
Kamientary