Lehijon «Svaboda Rasii» anansavaŭ jašče adzin rejd na terytoryju RF
Lehijon «Svaboda Rasii» płanuje jašče adzin rejd na terytoryju RF ciaham najbližejšaha miesiaca ci kala taho. Pra heta skazaŭ kamandzir lehijona z pazyŭnym «Cezar» u intervju vydańniu The Observer, jak piša «Ukrainskaja praŭda».
«Na praciahu nastupnaha miesiaca abo kala taho budzie jašče adzin siurpryz. Heta budzie naša treciaja apieracyja. Paśla jaje budzie čaćviortaja, zatym piataja. U nas ambicyjnyja płany. My chočam vyzvalić usiu našu terytoryju», — skazaŭ «Cezar».
Niadaŭniuju apieracyju bajcoŭ lehijona i rasijskaha Dobraachvotnickaha korpusa kala horada Šabiekina ŭ Rasii «Cezar» akreśliŭ jak «łakalny rejd i vyviedvalnuju apieracyju».
Jak piša vydańnie, sapraŭdnaje imia «Cezara», 49-hadovaha byłoha treniera pa fitnesie z Sočy i Sankt-Pieciarburha, Maksimiljan Androńnikaŭ. Jon pryznaŭ, što jahonaje apałčeńnie moža funkcyjanavać tolki z dapamohaj ukrainskich vajskoŭcaŭ, ale zajaviŭ, što, apynuŭšysia na terytoryi Rasii, jany prymajuć ułasnyja niezaležnyja rašeńni. Braniatechnika lehijona, pavodle jaho, u asnoŭnym była ŭziataja z rasijskich składoŭ, zachoplenych va Ukrainie.
Kamandzir dadaŭ, što paviedamleńni Kramla pra vialikija straty siarod jahonych bajcoŭ śmiešnyja i pierabolšanyja: «Jany pieraapranajuć trupy va ŭkrainskuju formu i pakazvajuć pa televizary. Našy vyhladajuć inakš. Heta ŭsio była tupaja chłuśnia».
«Cezar» miarkuje, što paŭstańnie Pryhožyna asłabiła Pucina. Jon taksama ličyć, što pucinski režym budzie zrynuty da kanca 2024 hoda.
«My ŭžo blizka». Lehijon «Svaboda Rasii» źviarnuŭsia da žycharoŭ Kryma
Lehijon «Svaboda Rasii» prapanavaŭ Pryhožynu abmianiać pałonnaha vahnieraŭcami padpałkoŭnika na pałonnych rasijan, uziatych dobraachvotnikami
Ruski dobraachvotnicki korpus i lehijon «Svaboda Rasii» znoŭ zajavili pra praniknieńnie na terytoryju Rasii
Zdajuć u arendu katedž zahinułaha chakieista Cypłakova ŭ Drazdach. Voś interjery FOTY19
Kamientary