Hramadstva99

Pa BT pakazali, jak žyvuć palityčnyja ŭ škłoŭskaj kałonii. Byłyja palitviaźni tłumačać, što heta nasamreč za korpus

Łukašenkaŭskija prapahandysty ŭčora vykłali film pra papraŭčuju kałoniju №17, u jakim admaŭlali isnavańnie palitviaźniaŭ i ŭschvalali ŭmovy ŭtrymańnia. Adnak byłyja palitviaźni raskryli «Našaj Nivie» tuju infarmacyju, jakuju prapahanda staranna sprabavała schavać.

Prapahandystka BT i palitviazień Dźmitryj Łukša ŭ budynku pieršaha atrada škłoŭskaj kałonii. Ckryn videa BT

Pa BT pakazali papraŭčuju kałoniju №17 u Škłovie, dzie pry tajamničych abstavinach zahinuŭ palitviazień Vitold Ašurak i adkul niadaŭna źbiehła doktarka, jakaja mahła mieć dačynieńnie da jaho śmierci. Ekskursiju pa ŭstanovie ŭziali pravieści palitviaźnia Dźmitryja Łukšu, jaki raniej byŭ viadučym na BT.

U kadry — adramantavany korpus.

Niekalki byłych viaźniaŭ škłoŭskaj kałonii pa prośbie «Našaj Nivy» aznajomilisia z prapahandysckim filmam. 

Jany źviarnuli ŭvahu, što dla demanstracyi «vydatnych umoŭ utrymańnia» asudžanych BT vykarystała pamiaškańnie pieršaha atrada kałonii, jaki znachodzicca litaralna praź dźviery ad administracyi ŭ budynku štaba i jaki nie pracuje ŭ pramysłovaj zonie.

«Pieršy atrad razam z druhim znachodziacca ŭ budynku štaba, i asudžanyja z hetaha atrada absłuhoŭvajuć i kantralujuć takija «ciopłyja» miescy ŭ kałonii, jak štab, karancin, pakoj doŭhaterminovych i karotkich spatkańniaŭ, carkvu, spartzału i inšaje. 

Jany nie viedajuć, što takoje praca na pramysłovaj zonie, u hetym atradzie žyvie asnoŭnaja častka stukačoŭ i inšych karysnych dla administracyi ludziej. U jakaści padziaki za słužbu i takija ŭmovy ŭtrymańnia», — dzielicca adzin z byłych palitviaźniaŭ.

Inšy były źniavoleny adznačaje frazu adnaho z hierojaŭ filma, što byccam by nijakaj dadatkovaj uvahi i pieraduziatych adnosin da nośbitaŭ žoŭtych birak niama i što palityčnyja razam ź inšymi asudžanymi znachodziacca ŭ adnolkavych umovach.

Na jaho dumku, administracyja škłoŭskaj kałonii i prapahandysty prymusili palitviaźniaŭ na videa skazać hetuju i inšyja farmuloŭki, a sam film ujaŭlaje saboj ništo inšaje, jak «sapraŭdny cyrk».

«Tak, žoŭtyja birki nosiać nie tolki palitviaźni, a i inšyja asudžanyja z prafulikam. Adnak pry hetym mienavita ludziam z 10-m «ekstremisckim» prafulikam, jaki jość absalutna va ŭsich palitviaźniaŭ i tolki ŭ ich, abmiažoŭvajuć naviedvańnie carkvy, sportharadka, biblijateki, čamuści mienavita nam nie davali navat zakaznych listoŭ z pryčyny «cyničnaha charaktaru» źmiestu ŭ lubym ź ich.

Składana i vielmi śmiešna było hety film hladzieć. A palityčnych, jakich tam pakazali, prosta prymusili skazać toje, što jany skazali. Paviercie, tam dla hetaha jość šmat roznych mietadaŭ», — raspavioŭ nam inšy były palitviazień.

Pra toje, što mienavita ŭ hetaj kałonii zahinuŭ Vitold Ašurak, u filmie ničoha nie skazali.

Nahadajem, što masavyja palityčnyja represii ŭ Biełarusi praciahvajucca z 2020 hoda, kali Alaksandr Łukašenka, miarkujučy pa źviestkach z učastkaŭ, dzie vybarčyja kamisii dazvolili naziralnikam sačyć za padlikam hałasoŭ, prajhraŭ Śviatłanie Cichanoŭskaj, ale nie addaŭ uładu.

Z 2022 hoda, paśla poŭnamaštabnaha napadu Rasii na Ukrainu, biełarusaŭ pačali pieraśledavać i za antyvajennyja vykazvańni abo simpatyi da Ukrainy.

Za hety čas u krainie adbyłosia nie mienš za 50 tysiač palityčna matyvavanych zatrymańniaŭ, zaviedziena nie mienš za 12 tysiač palityčna-kryminalnych spraŭ. Suviazi ź niekatorymi viaźniami niama miesiacami.

«Naša Niva» — bastyjon biełaruščyny

PADTRYMAĆ

Kamientary9

  • daviedka
    08.07.2023
    [Red. vydalena]
  • Janka
    08.07.2023
    Zvyčajnaja hiebielsaŭščyna - demanstravać, jak ŭ kanclahiery, dzie zabivajuć palitviaźniaŭ, dobra i jak jon "pierakoŭvaje" niazhodnych. Pieršym u hetym žanry byŭ aźviaronak sa svaim chłuślivym kino z Akreścina. Zaraz hetaja teleprastytutka ŭ vializarnych akularach. Spadziajusia, što abodźva ź ich jašče adkažuć na śpiecyjalnym pracesie nad prapahandystami dyktatury.
  • daviedka
    08.07.2023
    Nas tožie kak-to vo vriemia sročnoj słužby napravili v našie žie podrazdielenije v druhom horodie, hdie naš oficier skazał nam podoždať v ich "krasnom uhołkie" (leninskoj komnatie), hdie było vsio čistieńko i sijało, kak pokazušnyje pomieŝienija kołonii na kadrach BT, no užie čieriez nieskolko minut nas čuť priamo tam nie ubił tamošnij komandir, uvidievšij, čto my vzdumali tuda zajti i prisiesť na miahkije divančiki...

Stała viadoma pra aryšt historyka Ihara Mielnikava16

Stała viadoma pra aryšt historyka Ihara Mielnikava

Usie naviny →
Usie naviny

Byłaja palitźniavolenaja: Maja siamja patraciła za dva hady $10 tysiač na advakataŭ i pieradačy dla mianie1

«Kali b mnie płacili — siadzieła b i čytała ludziam knihi, navat za małyja hrošy». Intervju z aktrysaj Zojaj Biełachvościk2

U voziery Śviciaź zabaranili kupacca. U čym pryčyna?1

Mercedes urezaŭsia ŭ Fiat, a paśla źbiŭ dvuch čałaviek

Tramp staŭ najstarejšym kandydatam na pasadu prezidenta ZŠA ŭ historyi5

Minsk apynuŭsia ŭ topie samych tannych haradoŭ śvietu — za žyllo treba płacić u 10 razoŭ mienš, čym u Ńju-Jorku7

Pieršyja prablemy biełarusaŭ na Alimpijadzie ŭ Paryžy. Vieślary ŭžo tam, a łodki nie prapuścili 

Topavy amierykanski časopis sprahnazavaŭ, kolki biełarusy zavajujuć miedaloŭ na Alimpijadzie. U rasijan budzie nul

Charys zaručyłasia dastatkovaj padtrymkaj dla vyłučeńnia kandydatam u prezidenty

bolš čytanych navin
bolš łajkanych navin

Stała viadoma pra aryšt historyka Ihara Mielnikava16

Stała viadoma pra aryšt historyka Ihara Mielnikava

Hałoŭnaje
Usie naviny →