Pryčynaj brakavańnia Bajdenam kandydatury Bena Uolesa na hiensakratara NATA stała pytańnie F-16 dla Ukrainy — miedyja
Prezident ZŠA Džo Bajden nibyta zabłakavaŭ kandydaturu ministra abarony Vialikabrytanii Bena Uolesa na pasadu hienieralnaha sakratara NATA praz toje, što Vialikabrytanija pačała prasoŭvać ideju navučańnia ŭkrainskich piłotaŭ na samalotach F-16 biez zhody Vašynhtona. Pra heta sa spasyłkaj na svaje krynicy paviedamiła The Telegraph, jak piša «Jeŭrapiejskaja praŭda».
Jak viadoma, Ben Uoles ličyŭsia adnym z hałoŭnych kandydataŭ na pasadu hienieralnaha sakratara NATA ŭ vypadku adstaŭki ciapierašniaha hiensakratara Jensa Stołtenbierha. Adnak nieaficyjna stała viadoma, što Bajden nie padtrymaŭ jaho kandydaturu, choć brytanski premjer Ryšy Sunak łabiravaŭ takoje rašeńnie.
Pryčynaj pazicyi Bajdena nibyta stała toje, što Vialikabrytanija pačała aktyŭna prasoŭvać ideju navučańnia ŭkrainskich piłotaŭ na źniščalnikach F-16 i farmavać kaalicyju ź inšymi sajuźnikami ŭ hetym pytańni, nie atrymaŭšy papiarednie zhody ZŠA.
Vydańnie adznačaje, što Łondan užo nie ŭpieršyniu zrabiŭ śmieły krok u pytańniach zbroi dla Ukrainy, spadziejučysia takim čynam padšturchnuć ZŠA. Sama ž Vialikabrytanija nie zmoža dać Ukrainie F-16, pakolki nie maje ich.
Taksama presie stała viadoma, što Bajden najbolš dobrazyčliva stavicca da kandydatury dziejnaj prezidentki Jeŭrakamisii Ursuły fon der Lajen, kadencyja jakoj na hetaj pasadzie jakraz skončycca da taho času. U aŭtorak sajuźniki aficyjna praciahnuli mandat Jensa Stołtenbierha jak hienieralnaha sakratara NATA jašče na hod, tamu što nie zmahli ŭzhadnić kandydaturu jaho pierajemnika. Stołtenbierh zajmaje hetu pasadu z vosieni 2014 hoda.
«My dla ich — miasa». Palitviazień vyjšaŭ ź miełanomaj treciaj stadyi, jon ŭskładaje vinu na načalnicu sančaści i prymusovaje haleńnie hałavy1
Kamientary
Raźnica v polotnych charaktieristikach nie vielika i nie principialna.
Hłavnoje, eto połučiť viersiju s boleje «dalnobojnym» čiem u orkov na suškach i mihach radarom!
Nu i rakiet k nim pobolšie 🤞