Kachańnie i seks33

Paśla arhazmu (asabliva razam) lepš śpiš, ciapier aficyjna

Choć daśviedčanyja ludzi mohuć skazać, što heta było zrazumieła i biez navukovych prac, ale daśledčyki ź Niderłandaŭ vyrašyli pravieści admysłovaje daśledavańnie z dapamohaj 250 dobraachvotnikaŭ.

Fota: vecteezy

Papiarednija daśledavańni pakazali, što dobry seks dapamahaje ludziam lahčej zasynać. Naprykład, apytańnie žycharoŭ Narviehii, apublikavanaje ŭ kancy 2019 hoda, vyjaviła takuju ​​zakanamiernaść. Ale hetyja daśledavańni ŭ asnoŭnym byli kros-siekcyjnymi i retraśpiektyŭnymi. Heta aznačaje, što jany prosiać ludziej uspomnić svaje seksualnyja zvyčki i zvyčki snu ŭ adzin momant času, što moža pryvieści da mienš dakładnych abo pieraduziatych adkazaŭ. Tamu dla svajho novaha daśledavańnia navukoŭcy z Univiersiteta Hroninhiena ŭ Niderłandach chacieli likvidavać niekatoryja z hetych niedachopaŭ.

Jany nabrali bolš za 250 dobraachvotnikaŭ. U pačatku ŭdzielniki zapoŭnili ankietu, anałahičnuju inšym kros-siekcyjnym daśledavańniam, ale potym jany taksama viali dziońnik z padrabiaznym apisańniem svajho snu i lubych seksualnych dziejańniaŭ na praciahu nastupnych dvuch tydniaŭ — heta nazyvajecca padoŭžanym daśledavańniem.

Hruntujučysia na pieršapačatkovych adkazach apytańnia, daśledčyki vyjavili vidavočnuju suviaź pamiž lepšym snom i seksam (z łahičnym zaviaršeńniem u vyhladzie arhazmu) abo masturbacyjaj z takoj ža kancoŭkaj. Palapšeńni ŭklučali lepšuju jakaść snu pa ŭłasnych acenkach i mienšy čas, nieabchodny dla zasynańnia. Dadatkovy analiz dziońnikaŭ paddoślednych vyjaviŭ, adnak, što tolki seks z arhazmam byŭ źviazany ź lepšym snom. Vysnovy byli apublikavanyja ŭ Journal of Sleep Research.

Daśledčyki śćviardžajuć, što apošnija vyniki mohuć trochi supiarečyć minułym daśledavańniam, jakija śćviardžajuć, što i masturbacyja sama pa sabie moža spryjać dobramu snu. Choć ludzi pa-raniejšamu paviedamlali, što paśla masturbacyi spali lepš, kali ich prasili ŭspomnić svoj vopyt, moža być tak, što seks značna bolš upłyvaje na son, što potym i adlustroŭvajecca ŭ adkazach ludziej u dziońniku ŭ režymie realnaha času. Vierahodna, heta tak, bo nie tolki arhazm dapamahaje ludziam lahčej pahruzicca ŭ son, ale i dadatkovaja blizkaść i kamfort, jaki zabiaśpiečvaje partnior, miarkujuć daśledčyki.

Gizmodo adznačaje, što aŭtary nie vyjavili nijakich hiendernych adroźnieńniaŭ u stanoŭčym upłyvie seksu na son. Cikava pry hetym, adnak, što z kros-siekcyjnych danych vynikała, što seks abo masturbacyja biez arhazmu byli źviazanyja z paharšeńniem snu (pryčym hetyja niehatyŭnyja nastupstvy byli bolš mocnymi pa acency mužčyn). Miž tym z padoŭžanych danych vynikała, što seks abo masturbacyja biez arhazmu, zdavałasia, nie akazvajuć surjoznaha ŭpłyvu na son ludziej u toj ci inšaj miery.

Hetaje daśledavańnie maje da taho ž i svaje ahavorki. A mienavita, bolšaść dobraachvotnikaŭ byli studentami vyšejšych navučalnych ustanoŭ. Takim čynam, možna było b pravieści dadatkovyja daśledavańni dla vyvučeńnia bolš šyrokaha koła nasielnictva ŭ inšych častkach śvietu.

Adnak, uličvajučy ahulnyja dokazy, całkam vierahodna, što seks sapraŭdy spryjaje lepšamu nastroju, snu i, takim čynam, ahulnamu zdaroŭju, asabliva kali heta adbyvajecca z partnioram ci partniorkaj, kažuć aŭtary. Tamu ciapier, hruntujučysia na navukovych danych, navat dla skieptykaŭ zaaščadzić na snatvornych preparatach moža stać lahčej.

Kamientary3

  • Michałyč
    04.07.2023
    Dyk što, ciapier možna z arhazmam?
    Łaryska, a ja tabie što havaryŭ?
  • mikola
    04.07.2023
    Adkryli Ameryku ! Geta ja vedau 50 god tamu... Spish  jak zabity...
  • Čałaviek
    25.09.2023
    Žančynam dakładna lohka paśla arhazmu, čym bieź jaho. Dzika ŭjavić, jak niechta nie skančaje i jašče paśla hetaha spakojna śpić. Nijakaj palohki, a vyčvarenstva niejkaje.

Jak za 20 kiłamietraŭ ad Biełarusi prachodzić fiestyval Tutaka ŠMAT FOTA6

Jak za 20 kiłamietraŭ ad Biełarusi prachodzić fiestyval Tutaka ŠMAT FOTA

Usie naviny →
Usie naviny

Aŭstryjski palitołah sprahnazavaŭ, što pačatku vajny Rasii z NATA moža papiaredničać paŭstańnie palakaŭ u Biełarusi. A čamu nie bunt reptyłoidaŭ?10

«Maje aksesuary prynosiać pośpiech, upeŭnienaść u sabie i hrošy». Śpiavačka Halina Šyškova stała dyzajnierkaj5

«Akazvajecca, i na tym baku jość ludzi». Maci Ivana Padreza ŭsio ž nie vysialajuć6

Pa Mścisłaŭskim rajonie praniośsia mocny ŭrahan

U Biełarusi ŭžo +37,5°S. U siervisie dastaŭki praduktaŭ źnikła papularnaja minieralnaja vada1

51 nobieleŭski łaŭreat zaklikaŭ nieadkładna spynić vajnu va Ukrainie i kanflikt u siektary Haza13

U honar biełaruskaha bajca nazvali vulicu va ŭkrainskim Kanatopie1

Budanaŭ pra pahrozu nastupu RF z poŭnačy: Katastrofy niama, ale nie bačyć prablem nie atrymajecca2

Zaŭtra ŭ Biełarusi budzie da +35°S, ale ŭ Minsku «ŭsiaho» +30°S3

bolš čytanych navin
bolš łajkanych navin

Jak za 20 kiłamietraŭ ad Biełarusi prachodzić fiestyval Tutaka ŠMAT FOTA6

Jak za 20 kiłamietraŭ ad Biełarusi prachodzić fiestyval Tutaka ŠMAT FOTA

Hałoŭnaje
Usie naviny →