Dala Hrybaŭskajcie raskazała, što moža stać samaj vialikaj pamyłkaj samitu NATO
Eks-prezidentka Litvy skieptyčna acaniła samit NATO, zaŭvažyŭšy, što budzie šmat pryhožych słoŭ i zajaŭ, ale ničoha novaha nie budzie.
Hrybaŭskajcie vystupiła na mižnarodnaj kanfierencyi, jakaja adbyłasia ŭ Vilenskim univiersitecie. «Ale čamu nas da kanca nie vysłuchoŭvajuć, kali my havorym pra sučasnaść, pra toje, što adbyvajecca, što budzie adbyvacca dalej? Moža, nas słuchajuć, ale nie čujuć. I tak, nam znoŭ nie ŭdajecca dapamahčy Ukrainie tak, jak treba», — padkreśliła eks-prezidentka, jak piša Delfi.lt.
Jana pierakananaja, što zachodnija palityki, jakija akcentujuć uvahu na tym, što na terytoryi Aljansu vajna nie idzie, nie vykonvajuć chatniaje zadańnie, nie havorać z žycharami svaich krain, nie tłumačać im.
Tamu, sa słoŭ Hrybaŭskajcie, Zachad i Rasija žyvuć u roznych vymiareńniach.
«Pryhožyja zajavy. Ci budzie zaprošanaja Ukraina? Chutčej za ŭsio, buduć pryhožyja słovy, składanyja dypłamatyčnyja vystupleńni, jakija lidary zmohuć rastłumačyć, viarnuŭšysia dadomu. Ale nie sapraŭdnaje adkrytaje zaprašeńnie. Taki moj prahnoz. Heta budzie vialikaj pamyłkaj, i my znoŭ nie zmožam strymać Rasiju».
Pa słovach Hrybaŭskajcie, usio heta ad taho, što nie mohuć zrazumieć, što «biaśpieka Ukrainy — heta naša biaśpieka. I Ukraina nam patrebnaja navat bolš, čym samoj sabie».
«Vajny ŭ śviadomaści ŭsio jašče niama. Ale Pucin robić usio, kab vajna była ŭ našych hałovach, jon nie spuścić nas z kručka, kali my nie adšturchniom jaho z usioj siłaj, jakaja jość u NATO», — skazała eks-prezidentka.
«Tamu ja pierakananaja, što siabroŭstva Ukrainy ŭ NATO i, viadoma, u ES — heta i naša harantyja biaśpieki: Litvy i Zachadu. I heta nie tolki palityčnaja vola, heta naša abaviazacielstva abaranicca, dapamahajučy Ukrainie», — reziumavała jana.
Łukašenka ŭpieršyniu źjaviŭsia na publicy razam z mamaj Koli26
Kamientary