U vioscy Abrova Ivacevickaha rajona vysach dvuchsothadovy dub-vołat. Jon mieŭ vybitnuju asablivaść
Fotazdymak pamierłaha duba apublikavaŭ u fejsbuku fatohraf Siarhiej Płytkievič.
Dub na mohiłkach u vioscy Abrova. Fota: Siarhiej Płytkievič / Facebook
«Siońnia pa darozie ŭ Pinski rajon nie moh nie zaskočyć u viosku Abrova. Dub pamior kančatkova», — napisaŭ Płytkievič.
Dub uražvaje nie tolki svajoj vieličču. Na im było šeść buślanak.
«Taki typ hniezdavańnia ŭ cełym nie charakterny dla biełaruskaj papulacyi», — padkreślivajuć u supołcy «Kraina zamkaŭ. Razam — pa Biełarusi!».
Z šaści buślanak try akazalisia žyłymi, jak napisaŭ Płytkievič.
Viek duba-vołata na mohiłkach vioski Abrova — bolš za 200 hadoŭ.
Jaho pryznali bataničnym pomnikam pryrody, dub — pad achovaj dziaržavy.
Kamientary