Hramadstva2020

«Pryhožyn na zvanki Łukašenki adkazvać nie chacieŭ». Rasijskaja prapahanda źniapraŭdziła viersiju Łukašenki ab pieramovach z Pryhožynym

Rasijski prapahandyst Dźmitryj Kisialoŭ u prahramie «Viesti niedieli» zajaviŭ, što kiraŭnik PVK «Vahnier» Jaŭhien Pryhožyn chacieŭ razmaŭlać z Pucinym, a nie z Łukašenkam. Trubku dla razmovy z Łukašenkam Pryhožyn uziaŭ tolki paśla papieradžalnych udaraŭ pobač z vahnieraŭskaju kałonaju.

Fota: Getty Images

Frahmient prahramy «Viesti niedieli» ŭ svaim kanale apublikavaŭ žurnalist Ilja Šapielin.

«U Pryhožyna źniesła dach ad vialikich hrošaj, adčuvańnia ŭsiodazvolenaści, što źjavilisia ŭžo daŭno — z časoŭ apieracyj u Siryi, Afrycy, a ŭmacavałasia paśla ŭziaćcia Saladara i Arciomaŭska. Jamu zdałosia, što jon moža supraćpastavić siabie i Ministerstvu abarony, i samoj dziaržavie, i asabista prezidentu», — skazaŭ Kisialoŭ.

Prapahandyst raspavioŭ, što Pucin i ŭsie datyčnyja da situacyi struktury ŭ noč na 24 červienia nie prylehli ni na chvilinu. Za hety čas, pavodle jaho, na podstupach da Maskvy byli stvorany try linii abarony.

Adna ź ich pa race Ace. «Prajści ich u Pryhožyna nie było nijakich šancaŭ», — kaža Kisialoŭ.

Pavodle Kisialova, Pryhožyn sam zapytaŭ razmovu z Pucinym, ale toj «sa zdradnikam razmaŭlać admoviŭsia».

«U hety momant inicyjatyvu prajaviŭ lidar Biełarusi Łukašenka. Pa ŭzhadnieńni z Pucinym jon sprabavaŭ datelefanavacca da Pryhožyna, ale toj na zvanki Łukašenki adkazvać nie chacieŭ», — raspaviadaje takuju historyju Kisialoŭ.

«Tady ŭ pavietra padniałasia šturmavaja i frantavaja avijacyja i stała nanosić papieradžalnyja bombavyja ŭdary, pakul nie pa kałonie, ale pobač, typu, alo, Jaŭhien Viktaravič, vaźmicie trubačku, kali łaska. Tak Łukašenka i datelefanavaŭsia», — havoryć Kisialoŭ.

Kab paźbiehnuć vialikaha krovapralićcia, kryminalnaja sprava ab uzbrojenym miaciažy była prypynienaja, jak kaža Kisialoŭ.

«Ale Pryhožyn pavinien vyjechać u Biełaruś — na hetych umovach prezident Rasii pamiłavaŭ jaho», — padkreśliŭ jon.

«Ad prava ŭdziełu ŭ SVA Pryhožyn adchileny», — skazaŭ Kisialoŭ.

Raniej Łukašenka raspavioŭ svaju viersiju taho, jak adbyvalisia pieramovy z kiraŭnikom PVK «Vahnier». Pucin nibyta kazaŭ Łukašenku, što zvanić Pryhožynu niama sensu, toj nie biare trubku, razmaŭlać ni z kim nie choča.

Jak śćviardžaŭ Łukašenka, jamu ŭdałosia znajści try kanały kamunikacyi z Rastovam. Jon dazvaniŭsia da namieśnika ministra abarony Junus-Bieka Jaŭkurava, jaki ŭ toj momant byŭ u Rastovie pobač z Pryhožynym. Jaŭkuraŭ nibyta spytaŭ u Pryhožyna: «Voś, prezident Biełarusi telefanuje, budzieš razmaŭlać?» Na heta, pavodle Łukašenki, Pryhožyn adkazaŭ: «Z Alaksandram Ryhoravičam? Budu!»

Vynikaje, što zhodna z novymi rasijskimi mietadyčkami šturmavoj avijacyi pryjšłosia stralać, kab prymusić Pryhožyna pahavaryć z Łukašenkam.

Kamientary20

  • mikola
    02.07.2023
    Nihai adkazvae na zvanki.....Ci edze u svaiu Afryku !
  • CRU
    02.07.2023
    Takim čynam łukašenka vykonvaje zadańnie pucina pa pierakidańniu ŭ Biełaruś 25 tysiač terarystaŭ. Dla čaho, chutka daviedajemsia.
  • Juryj
    02.07.2023
    Čieriez miesiac pojavitsia novaja viersija, čto Łukašienko spas Rośsiju, Jevropu ot zachvata Pryhožynym atomnoho oružija. i tomu podobnoje...

Vyjšaŭ na volu staršynia AHP Mikałaj Kazłoŭ4

Hramadstvaabnoŭlena4

Vyjšaŭ na volu staršynia AHP Mikałaj Kazłoŭ

Usie naviny →
Usie naviny

Stryžak pra Pratasieviča: Sa mnoj takoha adbycca nie mahło20

Bolš za sotniu viosak Homielščyny ŭsio jašče čakajuć adnaŭleńnia elektrazabieśpiačeńnia

U Italii ŭkrainka ŭpała sa skały i 6 hadzin maliła svajho mužčynu-rasijanina ab dapamozie. Jon tak i nie dapamoh25

Biełarusy akazalisia najlepšymi ŭ matematycy ŭ Jeŭropie27

Ci šmat u śviecie zastałosia kiraŭnikoŭ dziaržaŭ, jakija pryjšli da ŭłady raniej za Łukašenku?7

«Ludziam patrebna praca prafiesijanałaŭ». Cichanoŭskaja adreahavała na słovy Łukašenki pryciahnuć palitviaźniaŭ da likvidacyi zavałaŭ10

Kruty: Boh pasłaŭ urahan, kab prezident paradavaŭsia, što stvoranaja im sistema vystajała35

Borys Džonsan: Tramp moža vyratavać Ukrainu8

Minski zaapark zaklikaŭ biełarusaŭ padzialicca z žyviołami liškami ŭradžaju

bolš čytanych navin
bolš łajkanych navin

Vyjšaŭ na volu staršynia AHP Mikałaj Kazłoŭ4

Hramadstvaabnoŭlena4

Vyjšaŭ na volu staršynia AHP Mikałaj Kazłoŭ

Hałoŭnaje
Usie naviny →