Ježa3737

U jakoj tary piva lepš zachoŭvajecca: u plašcy ci ŭ blašancy?

Na hetaje pytańnie pasprabavali znajści adkaz amierykanskija navukoŭcy.

piva beer pivo
Fota: Nam Y Huh, AP

Daŭno viaducca sprečki pamiž amatarami piva nakont taho, jakoje piva smačniejšaje — ź blašanki ci z butelki. I dzie jano lepš zachoŭvaje svaje ŭłaścivaści z časam: u blašancy ci ŭ plašcy.

Piva źmiaščaje mnostva smakavych złučeńniaŭ, jakija vypracoŭvajucca draždžami, chmielem i inšymi inhredyjentami. Kali zachoŭvać piva doŭha, adbyvajucca chimičnyja reakcyi, u vyniku jakich adnych kampanienty raspadajucca i ŭtvarajucca inšyja, što pryvodzić da stareńnia ci čarśćvieńnia piva.

Kab dapamahčy pivavaram pradoŭžyć termin prydatnaści piva, vučonyja praviali šmat daśledavańniaŭ. Ale ŭ svajoj bolšaści jany zasiarodžvalisia na śvietłych łahierach i abmiežavanaj hrupie chimičnych rečyvaŭ. Heta tłumačycca tym, što śvietły łahier — samaje raspaŭsiudžanaje piva ŭ śviecie.

Chimiki z Kałaradskaha ŭniviersiteta (ZŠA) pasprabavali znajści adkaz na pytańnie, u jakoj tary piva lepš zachoŭvajecca — u blašancy ci šklanoj butelcy? Dla hetaha jany ŭziali takija hatunki, jak ambier-el i indyjski pejł-el, jakija byli raźlityja ŭ butelki i blašanki. Vynikami svajho daśledavańnia vučonyja padzialilisia ŭ časopisie Amierykanskaha chimičnaha tavarystva.

Probnaje piva było zvarana na brovary New Belgium Brewing Company u Fort-Kolinzie. Kamanda zachoŭvała blašanki i karyčnievyja butelki z abodvuma hatunkami piva na praciahu miesiaca ŭ chałodnych umovach (3°C), a zatym na praciahu piaci miesiacaŭ pry pakajovaj tempieratury (20°C), kab imitavać typovyja ŭmovy zachoŭvańnia.

Praz kožnyja dva tydni navukoŭcy adkarkoŭvali piva i pravodzili detalovy chimičny, śpiektrahrafičny i chramatahrafičny analizy. Usiaho analizavałasia kala siami dziasiatkaŭ chimičnych rečyvaŭ.

Vučonyja vyśvietlili, što kancentracyja niekatorych mietabalitaŭ u ambier-eli značna adroźnivałasia ŭ zaležnaści ad taho, ci było heta piva raźlita ŭ blašanku ci ŭ butelku. Ambier-el zastavaŭsia bolš śviežym u butelcy.

A voś indyjski pejł-el byŭ našmat mienš adčuvalnym da typu ŭpakoŭki. Daśledčyki miarkujuć, što heta źviazana z bolš vysokaj kancentracyjaj polifienołaŭ z chmielu. Hetyja złučeńni nie tolki praduchilajuć akiśleńnie, ale i źviazvajucca z aminakisłotami, zachoŭvajučy ich u pivie, a nie dazvalajučy im prylipać da ŭnutranaj ścienki kantejniera.

Takim čynam, kali polifienołaŭ u pivie mała (łahier, bitar, staŭt), to ŭ blašankach akiśleńnie budzie adbyvacca zaŭvažna chutčej.

Heta tłumačycca tym, što blašanki bolš usprymalnyja da pahłynańnia kisłarodu padčas raźlivu piva z-za vialikaj płoščy pavierchni adtuliny blašanaj banki da prymacavańnia nakryŭki i niemahčymaści całkam vydalić z takoj banki pavietra z dapamohaj vakuumu praź jaje kanstrukcyju.

Pry raźlivie piva ŭ šklanyja butelki technałohija dazvalaje vypampavać pavietra z dapamohaj vakuumu.

butyłka ili banka butelka ci banka can or bottle
Daśledavańnie pakazała, što indyjski bledny el mienš źmianiaje svaje ŭłaścivaści niezaležna ad tary, blašanki ci butelki, u paraŭnańni ź jantarnym elem. Fota: materyjały navukovaha artykuła

A voś toje, što butelki prapuskajuć śviatło, a blašanki — nie, na pivie amal nijak nie adbivajecca.

Vučonyja zaŭvažajuć, što typ tary ŭpłyvaje na smak piva, jaki ź ciaham času źmianiajecca. Ale ŭ hetym pytańni šmat niuansaŭ.

Čytajcie jašče:

Biełaruś zabaraniła ŭvoz litoŭskaha i polskaha piva

U biełaruskich kramach stali pradavać rasijskaje piva ŭ niezvyčajnaj upakoŭcy

Niamiecki brovar stvaryŭ pieršaje ŭ śviecie hatovaje paraškovaje piva

Kamientary37

  • Žieleznyj Drovosiek
    02.07.2023
    «chimiki z Kałaradskaha ŭnivieristeta»— dla serca biełarusa pavinna adhuknucca piaščotnaj notaj))
  • mikola
    02.07.2023
    Galandskae -Belgiiskae Piva samae lepsae ! 11-15 % ! Ciomnae.....
  • Žvir
    02.07.2023
    mikola, hetaje vašaje "samaje lepšaje" nienaturalnaj mocnaści, heta ŭvohule nijakaje nia piva, prosta piŭny napoj.

Pa čatach raspaŭsiudžvajuć navinu pra zabaronu na ŭjezd biełaruskich aŭto ŭ Polšču. Adnak heta niapraŭda2

Pa čatach raspaŭsiudžvajuć navinu pra zabaronu na ŭjezd biełaruskich aŭto ŭ Polšču. Adnak heta niapraŭda

Usie naviny →
Usie naviny

«Kali b mnie płacili — siadzieła b i čytała ludziam knihi, navat za małyja hrošy». Intervju z aktrysaj Zojaj Biełachvościk2

U voziery Śviciaź zabaranili kupacca. U čym pryčyna?1

Mercedes urezaŭsia ŭ Fiat, a paśla źbiŭ dvuch čałaviek

Tramp staŭ najstarejšym kandydatam na pasadu prezidenta ZŠA ŭ historyi5

Minsk apynuŭsia ŭ topie samych tannych haradoŭ śvietu — za žyllo treba płacić u 10 razoŭ mienš, čym u Ńju-Jorku6

Pieršyja prablemy biełarusaŭ na Alimpijadzie ŭ Paryžy. Vieślary ŭžo tam, a łodki nie prapuścili 

Topavy amierykanski časopis sprahnazavaŭ, kolki biełarusy zavajujuć miedaloŭ na Alimpijadzie. U rasijan budzie nul

Charys zaručyłasia dastatkovaj padtrymkaj dla vyłučeńnia kandydatam u prezidenty

Pucin zrabiŭ Z-śpievaka Šamana zasłužanym artystam Rasii5

bolš čytanych navin
bolš łajkanych navin

Pa čatach raspaŭsiudžvajuć navinu pra zabaronu na ŭjezd biełaruskich aŭto ŭ Polšču. Adnak heta niapraŭda2

Pa čatach raspaŭsiudžvajuć navinu pra zabaronu na ŭjezd biełaruskich aŭto ŭ Polšču. Adnak heta niapraŭda

Hałoŭnaje
Usie naviny →