«Nie moh stajać na nahach, chistaŭsia z boku ŭ bok». Pjany maršrutčyk u Mastach z 3,1 pramile vioz 12 pasažyraŭ
Uviečary 12 červienia ŭ milicyju pastupiła paviedamleńnie ad kiroŭcy fury. Jon skazaŭ, što na aŭtadarozie R41 pry sustrečnym raźjeździe z maršrutkaj «Atłas» zapadozryŭ, što kiroŭca pjany.
Pablizu ahraharadka Dubna supracoŭniki DAI spynili toj samy aŭtamabil Mercedes-Benz. U sałonie było 12 pasažyraŭ. U kiroŭcy sapraŭdy byli prykmiety ałkaholnaha apjanieńnia. Pry praviadzieńni ahladu ŭ pryjomnym adździaleńni Mastoŭskaj CRB było vyznačana 3,1 pramile ałkaholu, jak piša «Aŭtabiznes».
U dačynieńni da kiroŭcy, jaki kiravaŭ aŭtamabilem u takim stanie, skłali pratakoł. 21 červienia mužčynu pryciahnuli da administracyjnaj adkaznaści ŭ vyhladzie štrafu ŭ 7400 rubloŭ z pazbaŭleńniem prava zajmacca dziejnaściu, źviazanaj z kiravańniem transpartnymi srodkami, na 5 hadoŭ.
Dalnabojščyka, jaki paviedamiŭ pra niećviarozaha kiroŭcu maršrutki, vyklikali ŭ Mastoŭski RAUS, dzie padziakavali za nieabyjakavuju hramadzianskuju pazicyju.
Pra što dumali tyja 12 pasažyraŭ u maršrutcy, jakich vioz pjany kiroŭca? Bo kali jaho zatrymali supracoŭniki Dziaržaŭtainśpiekcyi, jon nie moh stajać na nahach, chistaŭsia z boku ŭ bok. Bačačy takoje i adčuvajučy pach ałkaholu ŭ sałonie, nichto ź ich nie patelefanavaŭ u milicyju.
Chto taja prafsajuznaja aktyvistka z MAZa, jakaja paprasiła Łukašenku razabracca ŭ jutubie z «biehłymi»?18
Kamientary
https://d3kcf2pe5t7rrb.cloudfront.net/320560