Vajna1414

Źjavilisia śviežyja spadarožnikavyja zdymki namiotavaha łahiera, jaki stavicca pad Asipovičami. Maštaby ŭražvajuć

Novyja spadarožnikavyja vyjavy byłoj vajskovaj čaści la vioski Cel u Asipovickim rajonie paćviardžajuć uźviadzieńnie novaha vajskova-palavoha łahiera. Svaimi pamierami jon pieravyšaje inšyja viadomyja palavyja łahiery ŭ Biełarusi, dzie rychtujuć da vajny z Ukrainaj mabilizavanych rasijskich sałdat. Pryznačeńnie novaha łahiera zastajecca zahadkaj, jak piša «Radyjo Svaboda», publikujučy zdymki. Ale jość abhruntavanyja padazreńni, što jon dla «vahnieraŭcaŭ».

Infarmacyja pra toje, što ŭ Biełarusi mohuć raźmiaścić tysiačy rasijskich bajevikoŭ pryvatnaj vajskovaj kampanii «Vahnier» źjaviłasia adrazu paśla vajskovaha miaciažu ŭ Rasii 25 červienia. Pavodle damoŭlenaściaŭ pamiž Kramlom, lidaram miaciežnikaŭ Jaŭhienam Pryhožynym i Alaksandram Łukašenkam, jak minimum častka bajevikoŭ moža «pa ŭłasnym žadańni» raźmiaścicca na terytoryi Biełarusi.

Pavodle miascovych žycharoŭ, ramontna-budaŭničyja raboty na terytoryi byłoj vajskovaj čaści ŭ vioscy Cel (90 km ad Minska i 20 km ad Asipovičaŭ) pačalisia ŭ červieni. Jašče 17 červienia 2023 hoda śladoŭ razhortvańnia łahiera tut nie było, nie vidać łahiera i na spadarožnikavym fota za 24 červienia. A voś na zdymkach za 27 červienia ŭžo možna razhledzieć mierkavanyja palavyja namioty i prykmiety budaŭnictva — raskapanyja katłavany i novyja abjekty.

Bolš za 300 palavych namiotaŭ

30 červienia «Svabodzie» stali dastupnyja śviežyja spadarožnikavyja vyjavy bolš vysokaj jakaści. Na ich pabudavanyja la Celi abjekty možna razhledzieć detalova.

Ahulny vyhlad vajskovaj čaści i namiotavaha łahiera ŭ vioscy Cel. 30 červienia 2023 hoda

Na fota bačnyja dziasiatki abjektaŭ prastakutnaj formy, jakija nahadvajuć palavyja namioty dla raźmiaščeńnia ludziej. Jany znachodziacca na placoŭkach pamiž starymi budynkami vajskovaj čaści. Pry hetym vajskovaj techniki na zdymkach nie zaŭvažajecca.

Vyhlad paŭnočnaj častki palavoha łahiera ŭ vioscy Cel. 30 červienia 2023 hoda

Płošča paŭnočnaj častki łahiera suvymiernaja dvum futbolnym palam (270 na 120 mietraŭ), na joj raźmieščanyja prynamsi 143 vialikija (12 na 8 mietraŭ kožny) namioty i niekalki mienšych.

Vyhlad centralnaj i ŭschodniaj častak palavoha łahiera ŭ vioscy Cel. 30 červienia 2023 hoda

Pamier centralnaj i ŭschodniaj častak abstalavanaha łahiera — 180 na 100 mietraŭ kožnaja. Na ich sumarna možna naličyć 150 vialikich namiotaŭ (12 na 8 mietraŭ kožny).

Vyhlad zachodniaj častki palavoha łahiera ŭ vioscy Cel. 30 červienia 2023 hoda

U zachodniaj častcy płoščaj kala 115 na 55 mietraŭ raźmieščanyja kala 10 vialikich namiotaŭ (12 na 8 mietraŭ kožny).

Ahułam tut možna naličyć prynamsi 303 namioty, jakija źjavilisia na terytoryi byłoj vajskovaj čaści ŭ vioscy Cel paśla 24 červienia.

Namioty na spadarožnikavych vyjavach la vioski Cel identyčnyja tym, što raniej zaŭvažalisia na fota vajskovych palihonaŭ, dzie prachodziać padrychtoŭku rasijskija vajskoŭcy pierad adpraŭkaj na terytoryju Ukrainy. Pavodle infarmacyi kampanii-vytvorcy, kožny taki namiot moža źmiaścić ad 20 da 50 čałaviek.

Zhadak pra novy abjekt na terytoryi byłoj vajskovaj čaści ŭ Celi ŭ aficyjnych krynicach u adkrytym dostupie niama, jaho pryznačeńnie zastajecca niezrazumiełym.

Adnak svaimi pamierami palavy łahier u Celi pieravyšaje inšyja viadomyja vajskova-palavyja łahiery ŭ Biełarusi, dzie rychtujuć da vajny z Ukrainaj mabilizavanych rasijskich sałdat. Bolš jak 300 palavych namiotaŭ mohuć źmiaścić, pavodle padlikaŭ «Svabody», kala 15 tysiač vajskoŭcaŭ.

Naturalna, uźnikajuć padazreńni, što hety łahier rychtujecca da raźmiaščeńnia ŭ Biełarusi najmitaŭ z PVK «Vahnier».

Kamientary14

  • naiŭnaja
    30.06.2023
    dyk a moža hena jakija ciaplicy? dla vyroščvańnia ahurkoŭ?
  • Vsio idiot v raznos
    30.06.2023
    łukašienko viediot Biełaruś k krachu i połnomu uničtožieniju, kak niezavisimoho, nacionalnoho
    hosudarstva biełorusov.
    Jemu plevať na biełorusov, na Biełaruś, dla nieho hłavnoje - tron v Kriemle, radi etoho puskajet pod nož stranu i narod živuŝij v niej
    Mołču o prielestiach sosiedstvovanija s vooružionnymi uhołovnikami, sadistami, ubijcami i nasilnikami.
  • CRU
    30.06.2023
    naiŭnaja, užo niama vam čaho prydumvać u FSB KHB ja hlažu:) ciaplicy z ahurkami.

Bajden vychodzić z prezidenckaj honki34

Bajden vychodzić z prezidenckaj honki

Usie naviny →
Usie naviny

Źjaviłasia FOTA z suda nad Ryka Kryhieram

Zamiest SMS — vyćcio siren. MNS choča pamianiać sistemu apaviaščeńnia padčas niepahadzi2

Ołaf Šolc dahetul hladzić lampavy televizar6

Słavakija i Vienhryja spyniajuć pampavać naftu praz trubapravod «Družba». Heta važna i dla Biełarusi

USU nanieśli ŭdar pa vajskovym aeradromie ŭ Rastoŭskaj vobłaści1

Niemiec, prysudžany da rasstrełu, datyčny da dyviersij? Voś što za historyja heta mahła być9

U ZŠA vyzvalili žančynu, jakaja adsiadzieła 43 hady ni za što2

Paśla ŭrahanu biełarusy padali bolš za 10 tysiač zajavak u Biełdziaržstrach1

Pad Minskam busieł kupaŭsia ŭ voziery razam ź ludźmi VIDEA5

bolš čytanych navin
bolš łajkanych navin

Bajden vychodzić z prezidenckaj honki34

Bajden vychodzić z prezidenckaj honki

Hałoŭnaje
Usie naviny →