U Francyi druhuju noč bušujuć biesparadki, vyklikanyja zabojstvam junaka
Sama mieniej 77 čałaviek aryštavanyja ŭ Francyi za druhuju noč biesparadkaŭ, vyklikanych zabojstvam palicyjaj 17-hadovaha kiroŭcy, paviedamlaje BBC.
17-hadovy chłopiec Nael M., pavodle papiarednich źviestak, ałžyrac pa pachodžańni, u aŭtorak byŭ spynieny palicejskim patrulom za rulom aŭtamabila praz parušeńnie praviłaŭ i zastreleny.
Palicyjanty spačatku zajavili, što Nael sprabavaŭ źbić ich, ale na apublikavanym paźniej i vieryfikavanym ahienctvam AFP videa zdareńnie vyhladaje inakš.
Paśla hetaha ŭ noč na sieradu ŭ pryharadach Paryža ŭspychnuli biesparadki.
Aburanyja dziejańniami palicyi pratestoŭcy budavali barykady, stralali pa palicejskich fiejervierkami i spalili niekalki dziasiatkaŭ aŭtamabilaŭ. Palicyja adkazvała ślezaciečnym hazam.
Na videa, apublikavanych u sacyjalnych sietkach, vidać, jak u sieradu pa ŭsim Paryžy padpalvali aŭtamabili i rabavali kramy.
U noč na čaćvier biesparadki praciahnulisia. Pa paviedamleńni AFP, unačy kala 20 maładych ludziej, uzbrojenych fiejervierkami, napali na turmu ŭ Freśnie.
U Nantery, paryžskim pryharadzie, dzie naradziŭsia Nael, palicyja była vymušanaja adstupić pad naporam pratestoŭcaŭ, jak paviedamlaje Le Monde.
Unačy pratestoŭcy pa ŭsim Paryžy napadali na palicejskija ŭčastki, zakidvajučy ich fiejervierkami.
Asabliva vostraj była situacyja vakoł rajona Pabła Pikaso, dzie maładyja ludzi vyjšli na vulicy paśla zachadu sonca i ŭstupili ŭ sutyknieńni z palicyjaj.
Sutyknieńni demanstrantaŭ z palicyjaj adbylisia taksama ŭ Lili. Na kadrach, raźmieščanych u sacsietkach, vidać, jak ludzi ŭ ratušy pryharada Mons-an-Bareul padpalvajuć papiery i kresły.
U horadzie Ren kala 300 čałaviek sabralisia, kab ušanavać pamiać junaka, niekatoryja ź ich zapalili vohniščy, ale byli razahnanyja palicyjaj.
Hajdukievič paraiŭ biełarusam, jakija nie ździajśniali złačynstvaŭ, «adsiedzieć i žyć dalej»15
Kamientary
Kali nie tak, to ŭsie hetyja błmščyki złačyncy, jakija ciahnuć zdabytki cyvilizacyi nazad u džunhli, ź biaskoncymi vojnami plemia na plemia.
"A mnie kažietsia, siła v nich. Jesť čto-to piervobytnoje, čto-to životnoje, to, čto my davno potieriali, poetomu oni silnieje." Brat2