Taki prysud vynies Ihar Kaško pa prapanovie prakurora Mikity Myśliŭca, piša «Viasna».

Pavodle viersii abvinavačańnia, u śniežni 2021 hoda Siarhiej Kiemiež «paśla taho, jak pračytaŭ infarmacyju ŭ destruktyŭnych hrupach sacyjalnaj sietki «UKantakcie», raźmiaściŭ u dačynieńni da kamandzira adnoj z vajskovych čaściej abraźlivy kamientar».

Śćviardžajecca, što jon byŭ zarehistravany pad niesapraŭdnym imiem i vykarystoŭvaŭ VPN, ale jaho ŭsio roŭna identyfikavali.

Siarhieja Kiemieža ŭžo sudzili ŭ vieraśni 2021 hoda za toje, što 25 studzienia 2021 hoda pad navinoj ab prysudzie za abrazu kamandzira AMAP HUUS Minharvykankama, jon napisaŭ źniavažlivy kamientar pra hetaha milicyjanta. Sprava razhladałasia ŭ sudzie Pružanskaha rajona ŭ vieraśni 2021 hoda pavodle art. 369, č. 1 art. 208 KK. Sudździa Vadzim Mazol pryznačyŭ mužčynu dva hady abmiežavańnia voli z nakiravańniem u papraŭčuju ŭstanovu («chimija»), a taksama 3000 rubloŭ maralnaj škody. Abvinavacili Siarhieja Kiemieža i ŭ vymahalnictvie ŭ žonki byłoha adnahrupnika, za heta taksama prysudzili 2 hady «chimii». Ahułam mužčynu asudzili da 2 hadoŭ 6 miesiacaŭ «chimii».

U vieraśni 2022 hoda Siarhieja ŭklučyli ŭ «śpis ekstremistaŭ» z pamietkaj, što jon adbyvaje pakarańnie. Siarhiej Kiemiež adbyvaŭ termin na «chimii».

22 červienia Siarhieju spoŭniłasia 29 hadoŭ.

Padtrymajcie viaźnia: Turma №1, 230023, h. Hrodna, vuł. Kirava, 1, Siarhiej Vitaljevič Kiemiež.

Клас
0
Панылы сорам
0
Ха-ха
0
Ого
0
Сумна
0
Абуральна
4