Hramadstva1818

«Rychtujemsia da najhoršaha». U Asipovickim rajonie nieviadoma dla kaho ramantujuć kinuty vajskovy haradok

U Asipovickim rajonie bahata kinutych vajskovych abjektaŭ. Adzin ź ich u pasiołku Cel. Paśla rastyražavanaj naviny pra mahčymy łahier «vahnieraŭcaŭ» žychary zaniepakojenyja: ci nie da ich pryjeduć?

U pasiołku Cel, kali tam byli vajskoŭcy. Da ich pryvozili na ekskursii školnikaŭ. Ilustracyjnaje fota: cherikov.edu.by

Pa słovach žycharoŭ rajona, u Celi prybirajuć terytoryju byłoj vajskovaj čaści. Za pracu ŭzialisia ŭ pieršych čysłach červienia.

«Asipovičy huduć razmovami pra aktyŭny ramont pamiaškańniaŭ u Celi», — kaža žychar rajcentra.

Što tam budzie, nieviadoma, ale rastyražavanaja navina pra toje, što ŭ Asipovickim rajonie mohuć raźmiaścić «vahnieraŭcaŭ», zaniepakoiła žycharoŭ rajona. Raniej rasijski miedyjaprajekt «Viorstka» paviedamiŭ, što adzin z łahieraŭ, płoščaj 24 tysiačy m², raźličany na 8 tysiač łožkaŭ, raźmieściać u Asipovickim rajonie.

«Dymu biez ahniu nie byvaje. Rychtujemsia da najhoršaha», — adznačyŭ jašče adzin surazmoŭca «Našaj Nivy».

Biełaruskija rakietčyki ŭ Celi. Ilustracyjnaje fota: cherikov.edu.by

Raniej u pasiołku Cel dysłakavałasia 465-ja rakietnaja bryhada. Jana ličyłasia najmienšaj vajskovaj čaściu Asipovickaha harnizona. Pa słovach miascovych žycharoŭ, u joj słužyli mieniej za 200 vajskoŭcaŭ.

U 2018 hodzie rakietčykaŭ pierakinuli ŭ Asipovičy. Mnohija abjekty vajskovaj infrastruktury zakansiervavali. Niekatoryja prystasavali pad patreby pasiołka.

Jašče adzin surazmoŭca, jaki nazvaŭsia žycharom pasiołka, kaža, što z vajskovaha haradka kamunalniki vyvozili śmiećcie, a ciapier viartajuć «da žyćcia» kazarmy, haražy, majsterni.

«Spačatku roznyja načalniki namiakali žycharam, što ŭ haradku raźmieściać vajskoŭcaŭ, jakija buduć pryhladać za rakietami z Rasii, — adznačaje jon. —

Ciapier pajšła pahałoska, što kazarmy zasielać nie rakietčykami, a kimści inšym».

U pasiołku žyvie blizu adnoj tysiačy čałaviek. Značnaja ich častka — piensijaniery. Mnohija z maładziejšaha nasielnictva jeździać na pracu ŭ Minsk, da jakoha 90 kiłamietraŭ. Da Asipovičaŭ dva dziasiatki.

Źniknieńnie z Celi vajskovaj čaści dla žycharoŭ stała trahiedyjaj. Pa ich słovach, pasiołak staŭ zaniepadać. Ułada pierastała kłapacicca pra jaho, jak toje było pry vajskoŭcach.

Budynki vajskovaha haradka rajvykankam vystaŭlaŭ na aŭkcyjon. Ilustracyjnaje fota: osipovichi.gov.by

Abjekty infrastruktury vajskovaha haradka, u tym liku kazarmy, jak niezapatrabavanuju majomaść vystaŭlali na aŭkcyjon, ale achvotnych kupić ich nie znajšłosia, jak kažuć žychary pasiołka.

U Asipovickim rajvykankamie śćviardžajuć, što nie vałodajuć infarmacyjaj pra toje, što adbyvajecca ŭ Celi. Pa słovach čynoŭnikaŭ, takim pytańniem ich dajmajuć žurnalisty.

Damy dla siemjaŭ aficeraŭ u Celi ŭzvodzili ŭ saviecki čas. Ilustracyjnaje fota: orda.of.by

U Asipovickim rajonie z savieckich časoŭ zastałosia niamała vajskovych abjektaŭ. Ciapier tam dysłakujucca rakietčyki i artylerysty. Za 16 kiłamietraŭ ad rajcentra znachodzicca palihon. Na im biełaruskija instruktary rychtavali da vajny va Ukrainie rasijskich navabrancaŭ.

U pamiać ab savieckich časach zastaŭsia i pomnik. Ilustracyjnaje fota: sb.by

Pra toje, što ŭ «vahnieraŭcaŭ» jość varyjant pierabracca ŭ Biełaruś, zajaviŭ Uładzimir Pucin u svaim zvarocie 26 červienia. Hetak ža jon pazbaviŭsia i ad kiraŭnika PVK «Vahnier» Jaŭhiena Pryhožyna paśla taho, jak toj uźniaŭ uzbrojeny miaciež.

27 červienia Łukašenka paćvierdziŭ, što Pryhožyn užo ŭ Biełarusi. Jon dadaŭ, što łahieraŭ dla «vahnieraŭcaŭ» nie budujecca, ale biełaruskija ŭłady hatovyja raźmiaścić u siabie najmitaŭ.

«Vahnieraŭcy» ŭžo byvali ŭ Biełarusi i raniej. U 2020 hodzie try dziasiatki bajevikoŭ byli zatrymanyja pa padazreńni ŭ padrychtoŭcy biesparadkaŭ. Kali paśla vybaraŭ pačalisia pratesty, ich pieradali Rasii.

PVK «Vahnier» u demakratyčnym śviecie ličycca terarystyčnaj arhanizacyjaj, jakaja viadomaja vajennymi złačynstvami va Ukrainie. U jaje šerahach vajujuć kryminalniki, jakich zavierbavali ŭ rasijskich turmach. Prasłavilisia «vahnieraŭcy» svaimi złačynstvami i ŭ inšych krainach, pieradusim afrykanskich.

«Naša Niva» — bastyjon biełaruščyny

PADTRYMAĆ

Hladzicie taksama:

Jadziernaja hulnia Pucina i Łukašenki: u čym ža budzie rola biełarusaŭ i jakija mohuć być jaje nastupstvy?

Ci moža Pryhožyn pierabazavacca ŭ Afryku? Voś što ŭjaŭlaje saboj afrykanskaja sietka PVK «Vahnier»

«Fienamienalny vybar Pryhožyna…» Padalak — pra miaciež kiraŭnika PVK «Vahnier» i karyść ad jaho

«Cełaja bryhada hatovaja była». Łukašenka zajaviŭ, što byŭ hatovy pasłać vojski ŭ Rasiju dla padaŭleńnia miaciažu

NATA razhladaje varyjant raźmiaścić kala miežaŭ z Rasijaj da 300 tysiač svaich vajskoŭcaŭ

Kamientary18

  • Čarkaškvarka
    27.06.2023
    Vajna u dom. Łukašenka prynios vam vajnu.
  • Oleh
    27.06.2023
    Ja by naprimier nie skidyvał zabastovki kak sposob boŕby s riežimom. Prosto zabastovočnyje triebovanija vystavlał takije po kotorom jesť obŝienacionalnyj konsiensus. Naprimier jabaťki protiv raźmieŝienija jadiernoho i oppozicionno nastrojennyje tožie. Vot piervoje zabastovočnoje triebovanije vyvod jao s tierritorii Biełarusi. Proviesti oprosy po samym raznym voprosam i vydvihať triebovanija. Naprimier vo vriemia zabastovki čto by było na čto žiť brať kriedit i žiť na nieho miesiaca 3 i iz etich dienieh vypłačivať piervyje vznosy.
  • Oleh
    27.06.2023
    Naprimier političieskoje triebovanije čiestnyje vybory. S Łukašienko. Čto by i ja baťki poddieržali. Jeśli on proihrajet i jeho ariestujut nikto nie vinovat .Hieopalitičieskoje budujuŝieje Biełarusi riešiť na riefieriendumie i t.d

«50 hadzin u apošniaj dyktatury Jeŭropy». U Biełaruś pryjechali miehapapularnyja błohiery z ZŠA i Kanady — voś navošta7

«50 hadzin u apošniaj dyktatury Jeŭropy». U Biełaruś pryjechali miehapapularnyja błohiery z ZŠA i Kanady — voś navošta

Usie naviny →
Usie naviny

Borys Džonsan raskazaŭ, u čym źmiest mirnaha płana Donalda Trampa pa Ukrainie7

Łukašenka: My «kinuli jakar» u Rasii i Kitai, ale treba znachodzić šlachi supracoŭnictva i ź ES4

«U Biełaruś Kryhier zajechaŭ turystam». Źjavilisia novyja padrabiaznaści pra niemca, prysudžanaha da rasstrełu12

Namieśnik kiraŭnika MZS Polščy nazvaŭ try ŭmovy narmalizacyi adnosin ź Minskam9

Za «abrazu pradstaŭnika ŭłady» mastačcy z Połacka pryznačyli prymusovaje lačeńnie. Jana viarnułasia z Polščy3

«Ź lohkim vietram» i «Narešcie, bro» — što pišuć Bajdenu ŭ tvitary

Stryžak raskazaŭ, ci ŭziaŭ by miljon dalaraŭ ad Čyža6

U Biełarusi źjavicca nacyjanalny videachostynh — vidieo.bieł 10

Džej Ło pierastała nasić zaručalny piarścionak. Kaniec historyi kachańnia

bolš čytanych navin
bolš łajkanych navin

«50 hadzin u apošniaj dyktatury Jeŭropy». U Biełaruś pryjechali miehapapularnyja błohiery z ZŠA i Kanady — voś navošta7

«50 hadzin u apošniaj dyktatury Jeŭropy». U Biełaruś pryjechali miehapapularnyja błohiery z ZŠA i Kanady — voś navošta

Hałoŭnaje
Usie naviny →