Usiaho patrochu22

Nie vykidajcie łupiny bananaŭ — dla ich jość dobraje prymianieńnie

Padkormka z bananaŭ moža palepšyć rost vazonnych kvietak, harodniny i pładovych dreŭ. Čytajcie, kolki bananaŭ treba, kab pryhatavać uhnajeńnie i navošta heta rabić.

Banana peels
Fota: «Naša Niva»

Banan, viadoma, nie taki papularny, jak jabłyk, ale jaho my taksama kuplajem dastatkova časta. I bananavaja łupina nie abaviazkova pavinna stanavicca niepatrebnymi kuchonnymi adkidami. Jaje možna z pośpiecham vykarystoŭvać jak naturalnaje ŭhnajeńnie dla raślin. 

Bananavaja łupina źmiaščaje kaštoŭnyja dla raślin elemienty. Heta kremnijevaja kisłata, kalij, fosfar, kalcyj, siera i mahnij. Usie jany stanoŭča ŭpłyvajuć na stan raślin: palapšajuć nie tolki ich ćvicieńnie, ale i rost. Akramia taho, bananavaja łupina moža palepšyć smak harodniny, naprykład, pamidoraŭ.

Kremnijevaja kisłata, što jość u bananach, pavyšaje ŭstojlivaść raślin da niekatorych zachvorvańniaŭ, u pryvatnaści da tli. Takim čynam, bananavaja padkormka, jak i droždžavaja, idealnaja dla sadoŭ, dzie tla — časty hość.

Ekaŭhnajeńnie z bananaŭ padychodzić dla ŭhnajeńnia vazonnych raślin, harodniny, pładovych dreŭ i kustoŭ, a taksama dekaratyŭnych adnahadovych raślin. Asabliva jaho rajać vykarystoŭvać u pačatkovaj fazie rostu rasady i pry ŭkaranieńni.

Uhnajeńnie sa zdrobnienaj łupiny

Kab zrabić takuju padkormku, bananavuju łupinu treba razrezać na bolš drobnyja častki, a zatym vysušyć u duchoŭcy. Tempieratura pavinna być 130-140 hradusaŭ.

Takaja syravina moža vykarystoŭvacca dla padsypki ŭ raśliny abo hatavańnia suśpienzii z vadoj. Joj možna palivać pakajovyja raśliny ci pracirać ich liście.

Zdrobnienuju bananavuju łupinu taksama možna źmiašać ź ziamloj. Takaja padkormka asabliva dobra pracuje ŭ časie pasadki ci pierasadki raślin.

Łupinu ad źjedzienaj sadaviny možna źbirać i zachoŭvać u chaładzilniku. Nie turbujciesia, što jana stanovicca karyčnievaj ci čornaj: heta naturalnaja źjava. Jak źbieracie patrebnuju kolkaść łupiny, možna pačynać hatavańnie bananavaj padkormki. Nie treba rabić heta sa skurkaj ad adnaho banana.

Paliŭ ekstraktam bananavaj łupiny

Dla hatavańnia ekstraktu bananavaj łupiny spatrebicca słoik abo butelka. Kładziom u jaje skurki i zalivajem ciopłaj kipiačonaj vadoj. Takaja sumieś pavinna stajać 2-3 dni pažadana ŭ soniečnym, ciopłym miescy.

Hatovym ekstraktam možna palivać chatnija ci sadovyja raśliny. Paliŭ bananavaj padkormkaj bolš efiektyŭny, čym vykarystańnie bananavaha parašku.

Dla pakajovych raślin praporcyi mohuć być nastupnymi:

3 bananavyja łupiny na 2 litry vady.

Dla sadovych raślin nastupnyja praporcyi:

7-8 skurak na 10 litraŭ vady.

Dobra raspylać taki ekstrakt na raśliny ŭ sadzie. Pamidory i inšaja harodnina buduć udziačnyja bolš za ŭsio. Z sadovych kvietak takaja padkormka najpierš prydasca ružam, a z chatnich kvietak — paparaci, spacifłory i archidejam.

Bananavaje ŭhnajeńnie, źmiašanaje z hlebaj

Zdrobnienuju bananavuju łupinu taksama kładuć prosta ŭ hlebu. Naprykład, pry pasadcy ci pierasadcy pakajovych ci sadovych raślin. Varta zahadzia zrabić drenaž, a zatym pakłaści na jaho kavałački łupiny. Ci prosta nasypać łupiny na ziamlu. Skurka bananaŭ rujnujecca davoli pavolna, tamu vyzvaleńnie kaštoŭnych jakaściaŭ budzie doŭhim.

Kampost z bananavaj łupiny

Hety varyjant padydzie, kali ŭ vas svoj sad ci aharod.

Zrezanyja skurki zalić vadoj u zakrytaj pasudzinie, a zatym pakinuć na 2-3 tydni. Važna, kab heta było ŭ dosyć zacišnym miescy, bo łupina moža vydzialać niepryjemny pach. Budučy kampost varta štodzień pieramiešvać i padtrasać.

Taki vadki bananavy hnoj padychodzić dla palivu raślin paśla raźviadzieńnia jaho vadoj u praporcyi 1:10. Jon efiektyŭna adpudžvaje tlu i inšych škodnikaŭ.

Mulčavańnie raślin bananavaj łupinaj

Kali ŭ vas vielmi šmat bananavaj łupiny, vy možacie vykarystoŭvać jaje dla mulčavańnia. Kab heta mieła sens, płast mulčy pavinien być nie mienšym za 2 sm.

Prosta narežcie bananavuju łupinu i vysušycie jaje.

Mulča dapamoža ŭ baraćbie z pustaziellem, abmiažuje vypareńnie vady z hleby i padsiłkuje raśliny. Jana asabliva rekamiendujecca dla vielmi lohkich, vodapranikalnych abo piasčanych hleb u sadzie.

Ekabanany lepš padychodziać dla taho, kab rabić ź ich uhnajeńnie, bo zvyčajnyja banany časta apyrskvajuć padčas vyroščvańnia i prodažu. Adnak kali ŭ vas niama ekabananaŭ, to možna vykarystoŭvać i zvyčajnyja, pamyŭšy ich u ciopłaj vadzie: heta niejtralizuje mnohija škodnyja rečyvy.

Čytajcie jašče:

Raim dobry sposab palivu raślin — jon padydzie na čas śpioki i adjezdu

Robat-hazonakasiłka — novy pamočnik na prysiadzibnym učastku

Piać sposabaŭ vykarystać lišniuju kavavuju hušču

Kamientary2

  • JANKA
    02.07.2023
    ŁUPIŃNIEM BY PA ŁUPACH!
    🍌 Voś heta karysny matarjał! A jašče łupiny ad bananaŭ mohuć vyratavać ad pieraśledu. Kali vy zaŭvažyli, što chtości niaŭmolna za vami kročyć — vy naleva (Nie ad žonki, a naŭprost naleva!), dyk i tej naleva; vy pravaruč, i jon taksama — to kińcie pad nohi pieraśledniku achapak henaha łupińnia, jon paśliźniecca, i vy apynieciesia ŭ niebiaśpiecy.
    🥞 Hałoŭnaje, spadarstva, biazhłuzda nia treba ničoha vykidać. Bo, jak vučyć hety sajt, navat abhortka masła budzie vam, vojo-joj, jakoj karysnaj dla nastupnaj vypiečki.
    🧟‍♂️ Dy j skarystanyja adnarazóvyja pakunački z zavarkaj treba kłaści sabie (ci źnianacku kamuści inšamu) na vočy, kab pazbaŭlacca stomy. Prykmiečana, što ŭ taho, inšaha, jana źniknie adrazu.
    💦 Znošanuju ž da dzirak cyratavuju torbu, možna vykarystać zamiest šapki ŭ doždž, a ź plastykavych butelek niabłaha rabić tapački ci kubki. Navat da niemahu zmyleny abmyłak pažadana kidać nie ŭ čarupu ci ŭ śmietnicu, a niepryjatalu ŭ sup. A kroški sa stała tre' źmiatać u słoik i trymać na čorny dzień.
    •🔻•
    Čytajcie jašče: Nie vykidajcie šałupińnie ad časnaku! Voś dla čaho jano moža prydacca
  • Nasta
    03.07.2023
    Važnaja infa. Raniej biazdumna vykidała łupiny, ciapier budu sušyć.

Niemiec, prysudžany da rasstrełu, datyčny da dyviersij? Voś što za historyja heta mahła być1

Niemiec, prysudžany da rasstrełu, datyčny da dyviersij? Voś što za historyja heta mahła być

Usie naviny →
Usie naviny

U Lvovie stralali ŭ palityka Irynu Faryjon. Jana ŭ krytyčnym stanie18

MZS Hiermanii paćvierdziŭ infarmacyju pra śmiarotny prysud svajmu hramadzianinu ŭ Biełarusi5

Kiraŭnik «Biełsata» adkazaŭ na abvinavačańni ŭ finansavych złoŭžyvańniach na kanale

Zasnavalnik Jandeksa daŭ pieršaje intervju paśla ŭciokaŭ z Rasii. Pryznaŭ svaje pamyłki10

U Vaŭkavysku zatrymali maci i ciotku anarchista Franckieviča. Jany pryvieźli palitviaźniu pieradaču4

Pra što maŭčaŭ Piotra Sierhijevič2

U Minsku ŭčora zatapiła sałon pryhažości. Jon całkam syšoŭ pad vadu VIDEA1

Andreju Kudziku ź Vilejki dali jašče čatyry hady kałonii1

U Dniapry ŭ rybie zavioŭsia strašny parazit. Pierachodzić na čałavieka!1

bolš čytanych navin
bolš łajkanych navin

Niemiec, prysudžany da rasstrełu, datyčny da dyviersij? Voś što za historyja heta mahła być1

Niemiec, prysudžany da rasstrełu, datyčny da dyviersij? Voś što za historyja heta mahła być

Hałoŭnaje
Usie naviny →