«Dziaržsłužby pavinny vybačycca pierad viernikami» — biełaruskija piacidziasiatniki pra situacyju z «Novym žyćciom»
Abjadnańnie Chryścijan poŭnaha Jevanhiella Biełarusi vystupiła z zajavaj z nahody razbureńnia budynka carkvy «Novaje žyćcio» ŭ Minsku.
Tekst zvarotu ad asoby jepiskapa Leanida Varanienki i Rady Abjadnańnia apublikavany na sajcie Abjadnańnia.
«Hety fakt vyklikaŭ abureńnie ŭ mnohich viernikaŭ našaha Abjadnańnia i nie tolki. Hetaje dziejańnie hłyboka abraziła pačućci viernikaŭ. Dla nas niezrazumieła, jak u krainie, jakaja pazicyjanuje siabie jak zachavalnica tradycyjnych chryścijanskich kaštoŭnaściaŭ, nastolki hruba źnievažajucca tyja, chto sapraŭdy žyvie zychodziačy z tych samych dekłaravanych tradycyjnych chryścijanskich kaštoŭnaściaŭ.
(…)
My ličym, što dziaržaŭnyja słužby pavinny paprasić prabačeńnia ŭ členaŭ carkvy «Novaje žyćcio» za razbureńnie ich chrama, dać učastak ziamli dla budaŭnictva Doma Malitvy, dać u arendu pamiaškańnie dla praviadzieńnia nabaženstvaŭ carkvy ŭ pieryjad budaŭnictva i razabracca ŭ dapuščanaj biazbožnaści», — havorycca ŭ zajavie Abjadnańnia Chryścijan poŭnaha Jevanhiella.
***
21 červienia ŭłady pačali znos carkvy ŭ Minsku.
Pavodle źmien, što byli ŭniesienyja ŭ prajekt detalovaha płanavańnia Sucharava, uchvalenaha ŭ 2019 hodzie, na miescy carkvy pavinna vyraści škoła.
Cisk na viernikaŭ, jakija, na dumku haradskich uładaŭ, pavinny terminova i nazaŭždy pakinuć budynak, uzmacniŭsia ŭ pačatku 2021 hoda.
Varta adznačyć, što ŭ 2020-m pastar «Novaha žyćcia» rezka asudziŭ biezzakońnie i źvierstvy.
17 lutaha 2021 hoda sudovyja vykanaŭcy ŭvajšli ŭ carkvu ŭ supravadžeńni milicyi, apisali majomaść. U budynku ŭ toj čas išła malitva. Prychadžanie, kab paźbiehnuć aryštaŭ, vymušanyja byli pakinuć carkvu.
Vierniki doŭhi čas malilisia pobač z carkvoj.
«Jana pahražała mnie fizična, napadała seksualna». Alaksandr Rybak skardzicca na stałkierku2
Kamientary
A łukašenaŭskija tak zvanyja dziaržsłužačyja słužać nie Bohu i nie biełaruskamu narodu, a Łukavamu, jany pakłaniajucca łukpvamu, jany idałapakłońniki. U volnaj Biełarusi budzie relihijnaja svaboda i Boh błahasłavić volnuju Biełaruś.