«Pakul nie fiksujem». Ukrainskija pamiežniki abviarhajuć infarmacyju pra budaŭnictva łahieraŭ dla «vahnieraŭcaŭ» u Biełarusi
Tym nie mienš biełaruski kirunak zastajecca napružanym, jak padkreślivajuć u Dziaržaŭnaj pamiežnaj słužbie Ukrainy.
Dziaržaŭnaja pamiežnaja słužba Ukrainy abviarhaje infarmacyju pra pačatak budaŭnictva łahieraŭ dla raźmiaščeńnia bajevikoŭ PVK «Vahnier» u Biełarusi. Pra heta zajaviŭ śpikier DPSU Andrej Dziemčanka ŭ kamientary «Ukrainskaj praŭdzie».
«Adnosna źjaŭleńnia infarmacyi pra mahčymaje budaŭnictva baz dla rasijskich najmitaŭ na terytoryi Biełarusi: na hety momant takich rabot my nie fiksujem. Adnak vyklučać hetaha nielha. Za situacyjaj u Biełarusi aktyŭna sočyć raźviedka, u tym liku Dziaržaŭnaj pamiežnaj słužby», — skazaŭ Dziemčanka.
Pa jaho słovach, pakul taksama nie zafiksavali źjaŭleńnia na terytoryi Biełarusi hrupoŭki «vahnieraŭcaŭ».
Da 2000 rasijskich vajskoŭcaŭ, jakija, pavodle źviestak DPSU, ciapier znachodziacca ŭ krainie, zadziejničanyja ŭ vučeńniach i padrychtoŭcy na biełaruskich palihonach.
Hety kirunak zaŭsiody zastajecca napružanym, bo Biełaruś praciahvaje padtrymlivać ahresara, jak kaža Dziemčanka.
«Choć pakul situacyja nie źmianiłasia, pamiežniki nie fiksujuć pablizu miažy niejkaha pieramiaščeńnia techniki abo žyvoj siły jak rasijskich padraździaleńniaŭ, tak i biełaruskich, a RF nie maje dastatkova sił ažyćciavić paŭtornaje ŭvarvańnie na hetym kirunku, siły abarony praciahvajuć umacoŭvać liniju miažy i ŭmacoŭvać pamiežža ź Biełaruśsiu, pamiatajučy pra vierałomstva voraha. My dobra razumiejem vierałomstva Rasijskaj Fiederacyi, i Respubliki Biełaruś, jakaja padtrymlivaje dziaržavu-ahresara», — skazaŭ Dziemčanka.
Za kamientary i ŭdzieł u pratestach zatrymali brata palitviaźnia. Jon niadaŭna viarnuŭsia z Polščy2
Kamientary