«Viasna» adkryła virtualnuju halereju-archiŭ malunkaŭ palitviaźniaŭ. I prosić dasyłać tvory palitźniavolenych
Napiaredadni Dnia salidarnaści z palitźniavolenymi ŭ Biełarusi Pravaabarončy centr «Viasna» zapuściŭ sajt, na jakim sabranyja malunki palitźniavolenych, što byli stvoranyja u SIZA, kałonijach, turmach dy na «chimii».
Tvorčaść za kratami dapamahaje ludziam pieraklučycca z turemnaha pobytu i pieražyvać nialohki dośvied źniavoleńnia, dakranacca da rodnych i blizkich praz vyjavy, navat padbadziorvać tych, chto na voli. Zachavać malunki palitviaźniaŭ važna i tamu, što jany jość častkaj historyi baraćby biełarusaŭ za svabodu, demakratyju i pravy čałavieka.
«Viasnoŭcy» pastaralisia sabrać maksimalnuju kolkaść vyjavaŭ, ale kali ŭ vas jość tvory palitźniavolenych, jakich niama na sajcie, dasyłajcie ich na [email protected].
Kamientary