Vajna1010

«Fienamienalny vybar Pryhožyna…» Padalak — pra miaciež kiraŭnika PVK «Vahnier» i karyść ad jaho 

Daradca kiraŭnika Ofisa prezidenta Ukrainy Michaił Padalak prakamientavaŭ rašeńnie kiraŭnika PVK «Vahnier» Jaŭhiena Pryhožyna spynić vajskovy miaciež i tak zvany «marš spraviadlivaści» na Maskvu.

Pryhožyn źjazdžaje z Rastova. Fota: pres-słužba PVK «Vahnier»

«Fienamienalny vybar Pryhožyna… Ty amal abnuliŭ Pucina, uziaŭ pad kantrol centralnyja orhany ŭłady, dajšoŭ da Maskvy i raptam… zdaješ nazad. Bo adzin vielmi śpiecyfičny pasiarednik z sumnieŭnaj reputacyjaj (Łukašenka) paabiacaŭ harantyi biaśpieki ad čałavieka (Pucina), jaki ranicaj addaŭ zahad ab tvaim źniščeńni. I z-za taho strachu, jaki źviedała pucinskaja elita za apošnija 24 hadziny, hety zahad abaviazkova budzie vykanany… Chacia nie biez karyści: Pryhožyn pryniziŭ Pucina / dziaržavu i pakazaŭ, što manapolii na hvałt bolš niama», — napisaŭ pradstaŭnik Ofisa Zialenskaha ŭ tvitary.

Raniej ab miaciažy Pryhožyna ŭ svaim štoviačernim zvarocie vykazaŭsia prezident Ukrainy.

«Siońnia śviet ubačyŭ, što haspadary Rasii ničoha nie kantralujuć. Naohuł ničoha. Prosta poŭny chaos. Poŭnaja adsutnaść niejkaj pradkazalnaści. I heta na rasijskaj terytoryi, jakaja našpihavanaja zbrojaj», — skazaŭ Uładzimir Zialenski.

Jon pierajšoŭ na ruskuju movu i źviarnuŭsia da rasijan: «Čałaviek z Kramla vidavočna vielmi baicca i, napeŭna, chavajecca dzieści, nie pakazvajecca. Upeŭnieny, jon užo nie ŭ Maskvie. Telefanuje kudyści, vyprošvaje tam niešta…

Jon viedaje, čaho baicca, bo jon sam stvaryŭ hetuju pahrozu. Usio zło, usie straty, usia nianaviść — jon heta sam raspaŭsiudžvaje. I čym daŭžej jon zmoža pierabiahać pamiž svaimi bunkierami, tym bolš stracicie vy ŭsie… usie, chto źviazany z Rasijaj».

Zasnavalnik PVK «Vahnier» Jaŭhien Pryhožyn uviečary 23 červienia pačaŭ vajskovy pieravarot u Rasii, nazvaŭšy jaho «maršam spraviadlivaści».

Rankam 24 červienia najmity zachapili Rastoŭ-na-Donie i nakiravali kałonu ŭ napramku Maskvy.

Jaŭhien Pryhožyn patrabavaŭ vydać ministra abarony Siarhieja Šajhu i načalnika Hienštaba Valeryja Hierasimava, abvinavačvajučy ich u złačynnym kiravańni rasijskaj armijaj.

FSB zaviała suprać Pryhožyna kryminalnuju spravu ab vajskovym miaciažy. Uładzimir Pucin, a ŭśled za im i inšyja rasijskija aficyjnyja asoby nazvali toje, što adbyvajecca, zdradaj.

Uviečary 24 červienia pres-słužba Alaksandra Łukašenki abviaściła, što Pryhožyn padčas pieramoŭ ź im pahadziŭsia spynić najmitaŭ.

Uśled za hetym Pryhožyn paviedamiŭ, što najmity razhortvajuć svaje kałony i «adychodziać u zvarotnym kirunku ŭ palavyja łahiery zhodna z płanam».

U Kramli zajavili, što kryminalnuju spravu suprać Pryhožyna spyniać, a sam jon zjedzie ŭ Biełaruś.

Kamientary10

  • Ścikun
    25.06.2023
    Skolko toj žiźni ostałoś. Skolko užie jemu let? Umriet v bieźviestii chotia moh stať lehiendoj. A tak - prosto isčieźniet v bołotach rb kohda pojdiet za hribami. Pozoriŝie. Trus… Nu połučajetsia oni tam vsie ścikuny jeŝie tie. Obmieniał słavu na to čto by pieriekusiť jeŝie paru raz v sanatorii biełaruś pieried nieminujemoj śmierťju.
  • *
    25.06.2023
    A z čaho Padalak vyrašyŭ, što hety bandos tam niešta chacieŭ akramia babła? Skul hetyja spadzievy, dy j šmat u kaho jašče.
  • Vopros
    25.06.2023
    Ścikun, takžie nieponiatno počiemu jemu nie zvonili ukraincy. Zato vyšieł na śviaź kołchoźnik. ukraincam nie było čto priedłožiť?

Stała viadoma pra aryšt historyka Ihara Mielnikava16

Stała viadoma pra aryšt historyka Ihara Mielnikava

Usie naviny →
Usie naviny

«Kali b mnie płacili — siadzieła b i čytała ludziam knihi, navat za małyja hrošy». Intervju z aktrysaj Zojaj Biełachvościk2

U voziery Śviciaź zabaranili kupacca. U čym pryčyna?1

Mercedes urezaŭsia ŭ Fiat, a paśla źbiŭ dvuch čałaviek

Tramp staŭ najstarejšym kandydatam na pasadu prezidenta ZŠA ŭ historyi5

Minsk apynuŭsia ŭ topie samych tannych haradoŭ śvietu — za žyllo treba płacić u 10 razoŭ mienš, čym u Ńju-Jorku7

Pieršyja prablemy biełarusaŭ na Alimpijadzie ŭ Paryžy. Vieślary ŭžo tam, a łodki nie prapuścili 

Topavy amierykanski časopis sprahnazavaŭ, kolki biełarusy zavajujuć miedaloŭ na Alimpijadzie. U rasijan budzie nul

Charys zaručyłasia dastatkovaj padtrymkaj dla vyłučeńnia kandydatam u prezidenty

«50 hadzin u apošniaj dyktatury Jeŭropy». U Biełaruś pryjechali miehapapularnyja błohiery z ZŠA i Kanady — voś navošta17

bolš čytanych navin
bolš łajkanych navin

Stała viadoma pra aryšt historyka Ihara Mielnikava16

Stała viadoma pra aryšt historyka Ihara Mielnikava

Hałoŭnaje
Usie naviny →