«Vajna patrebnaja była, kab kupka žyviolin papijaryłasia». Pryhožyn daŭ rezanansnaje intervju, u jakim padvioŭ hrunt pad spynieńnie vajny
Kiraŭnik PVK «Vahnier» Jaŭhien Pryhožyn apublikavaŭ intervju, u jakim vykazaŭ mierkavańnie, čamu RF «zhańbiłasia» ŭ vajnie z Ukrainaj, kamu i navošta vajna była patrebnaja, a taksama skazaŭ, što Ukraina nie «bambiła Danbasa». Pryhožyn abvinavaciŭ u tym, što adbyłosia, Šajhu, aliharchaŭ, ale nie Pucina. Na jaho dumku, «Pucina padmanuli». Voś niekatoryja cytaty.
Pavodle Pryhožyna, z 2014 pa 2022 hod Danbas «raśpiłoŭvali» ludzi z Administracyi prezidenta Rasii, śpiecsłužby i aliharchi.
«Na 24 lutaha [2022 hoda, kali Rasija napała na Ukrainu] ničoha zvyšardynarnaha nie było.
Minabarony sprabuje padmanuć prezidenta, hramadskaść i raskazać, što z boku Ukrainy była varjackaja ahresija i jany źbiralisia razam z usim błokam NATO na nas napaści. Śpiecapieracyju pačali zusim ź inšych pryčyn».
«Vajna była patrebnaja, kab Šajhu atrymaŭ maršała. Kab nie viarnuć u naša ŭłońnie rasijskich hramadzian. I nie dla taho, kab demilitaryzavać i denacyfikavać Ukrainu.
Jana była patrebnaja dziela adnoj zorki z dadatkovaj vyšyŭkaj, kab kali adzin čałaviek, psichična chvory, laža ŭ trunu, na padušcy prynieśli hetuju zorku», — skazaŭ Pryhožyn pra ministra abarony RF Šajhu.
«Vajna patrebnaja była aliharcham. Tamu kłanu, jaki siońnia faktyčna kiruje Rasijaj. Dyk voś, druhaja zadača apieracyi — pryznačeńnie niejkim prezidentam Ukrainy Miedźviedčuka. Zadača była ŭ materyjalnych aktyvach, jakija nieabchodna było padzialić na Ukrainie. Krali na Danbasie pačkami, ale zachaciełasia bolš».
«Vajna była patrebnaja tolki dla taho, kab kupka žyviolin prosta paśviatkavała i papijaryłasia», — jašče jaho cytata.
«Usia apieracyja [pačatak vajny 24 lutaha 2022 hoda] trymałasia ŭ sakrecie. Usie kamandarmy nie ŭ kursie byli, što adbyvajecca. Pieramožnyja karty, jak u časy Vialikaj Ajčynnaj, z pryhoža namalavanymi strełačkami, chadzili, nasili Šajhu tyja, chto nikoli ŭ žyćci zbroi ŭ rukach nie trymaŭ. I atrymałasia toje, što atrymałasia», — havoryć Pryhožyn.
«Biazdarna spłanavanaja apieracyja. Čamuści kupka prydurkaŭ vyrašyła, što jany nastolki chitražopyja, što nichto nie zrazumieje, čym jany zajmajucca padčas «vučeńniaŭ» [napiaredadni 24 lutaha 2022 hoda], i nichto nie spynić ich, kali jany pojduć u Kijeŭ.
I nichto b nie spyniŭ, kali b hetyja dehienieraty nie vybudavali daŭžeznyja kałony <…> i nie adpravili b hołych i bosych sałdat u bok Kijeva i na inšyja ŭčastki».
«Dajšli da Kijeva, pataptalisia. U Šajhu prosta jajek nie chapiła. Jon bajaźliva siadzieŭ u svaim kabiniecie i ŭ kancy pieršaha dnia vielmi mocna ździviŭsia, čamu vojski nie mohuć prasunucca.
Dalej — biaźlitasnaje zakidvańnie PDV pad Hastomiel. Chłopcy, jakija prylacieli i zahinuli, jany nie viedali, jakija jany vykonvajuć zadačy. U pieršyja dni vajny Šajhu zahubiŭ tysiačy rasijskich sałdat, samuju bajazdolnuju častku armii».
«Psichična chvoryja padonki vyrašyli: ničoha strašnaha, my kiniem «na miasa» jašče niekalki tysiač ruskich chłopcaŭ, jany zdochnuć pad ahniom artyleryi, ale my svajho damožamsia. Tak taksama možna rabić, kali ty hatovy adkazvać za svaje słovy — idzi napierad da kanca. Ale jany nie hatovyja. Im chočacca žyć u kamforcie. Tamu vajna zajšła ŭ zaciažny charaktar».
«U siaredzinie sakavika [2022-ha] «Vahniera» paklikali na vajnu. Šajhu schavaŭsia, jaho było nie vidać. Heta byŭ dryhotki dziadok, jaki dumaŭ pra toje, jak by jamu vyjści z hetaj situacyi. U hety momant jaho treba było vykinuć na śmietnik historyi, sudzić i pakarać za toje, što ŭžo ŭ toj čas zahublenyja dziasiatki tysiač žyćciaŭ dzieciukoŭ».
Pryhožyn havoryć, što napiaredadni vajny z Ukrainaj možna było damaŭlacca.
«Pryhožaja historyja demilitaryzacyi i denacyfikacyi Ukrainy była b mahčymaja, kali b za try dni byŭ by źmienieny režym. Choć, nakolki ja pahružany ŭ hetuju historyju, Zialenski, kali staŭ prezidentam, hatovy byŭ da lubych damoŭlenaściaŭ. Usio, što treba było zrabić, heta źleźci z Alimpa, pajści i damovicca», — kaža kiraŭnik PVK.
Pryhožyn napisaŭ, što heta pieršaja častka jaho intervju.
«Možam zastacca biez armii i biez Rasii». Pryhožyn zajaviŭ, što rasijskija vojski adstupajuć i niasuć vializnyja straty, ale hetaja infarmacyja chavajecca
U Pryhožyna chočuć adabrać «vahnieraŭcaŭ»
My na siońnia prajhrajom vajnu. Dzie našy kłoŭny?» Pryhožyn znoŭ prajšoŭsia pa Šajhu i Hierasimavie i prapanavaŭ ich rasstralać
«Pačvary śmiardziučyja, vy što robicie?» Pryhožyn nakinuŭsia na Minabarony Rasii
Kamientary