«Pakinuŭ bolš za dźvie tysiačy ekstremisckich paviedamleńniaŭ». U Minsku pačynajuć sudzić žychara Bresta
U Minskim abłasnym sudzie ŭ zakrytym režymie 20 červienia pačnuć sudzić žychara Bresta Andreja Caluka, jakoha abvinavačvajuć pa vaśmi kryminalnych artykułach. Spravu razhladaje sudździa Anžalika Daniłava, piša «Viasna».
Raniej u praŭładnych telehram-kanałach paviedamlałasia pra zatrymańnie Andreja Caluka. Na videa siłavikoŭ chłopiec kaža, što byŭ zatrymany za raspaŭsiud asabistych danych supracoŭnikaŭ milicyi, sudździaŭ i za toje, što zaklikaŭ ludziej da hvałtoŭnych dziejańniaŭ.
Taksama paviedamlajecca, što mužčyna «pakinuŭ bolš jak dźvie tysiačy ekstremisckich paviedamleńniaŭ, ź jakich minimum 100 źmiaščajuć u sabie prykmiety parušeńnia zakanadaŭstva».
Abvinavačvajecca Andrej Caluk pavodle nastupnych artykułaŭ:
- č. 1 art. 130 — raspalvańnie rasavaj, nacyjanalnaj ci inšaj sacyjalnaj varožaści ci varažniečy;
- č. 3 art. 203-1 — niezakonnyja dziejańni ŭ adnosinach da infarmacyi ab pryvatnym žyćci i piersanalnaj infarmacyi;
- art. 188 — paklop;
- č. 1 art. 368 — abraza Łukašenki;
- č. 2 art. 367 — paklop u dačynieńni da Łukašenki;
- art. 369 — abraza pradstaŭnika ŭłady;
- art. 391 — abraza sudździ ci narodnaha zasiadaciela;
- art. 370 — ździek ź dziaržaŭnych simvałaŭ.
8 žniŭnia 2022 hoda ŭ sudzie Maskoŭskaha rajona Bresta nad Calukom adbyŭsia sud. Sudździa Raman Karaban pryznačyŭ jamu 10 sutak administracyjnaha aryštu z kanfiskacyjaj telefona pa č. 2 art. 19.11 KaAP. Adnak na volu paśla aryštu jon užo nie vyjšaŭ. Da suda Andrej Caluk utrymlivaŭsia ŭ SIZA №1 u Minsku.
Viarnuŭsia z vajny, uładkavaŭsia ŭ Varšavie, pasvaryŭsia z usimi — i źnik. Pryjacieli pra eks-kalinoŭca Maksima Ralko, jakoha zatrymali ŭ Biełarusi2020
Kamientary
JAO v dannom słučaje označajet Jajca Otsochli. Kohda tiebie i tvoim dietkam kušať niečieho budiet,to ili sdochnieš ili nakoniec zieńki otkroješ i pojmieš čto k čiemu.