Hramadstva1616

Zatrymany ŭ Ivacevičach rasijski kantraktnik viarnuŭsia ŭ vajskovuju čaść — «Lusterka»

Rasijskaha vajskoŭca Alaksandra Bykava, jakoha zatrymlivali ŭ Ivacevičach 17 červienia, aštrafavali i ŭžo adpuścili, heta vyśvietliła «Lusterka».

Rasijanin, jaki nazvaŭsia Alaksandram Bykavym (źleva) padčas zatrymańnia ŭ Ivacevičach. Bresckaja vobłaść, 17 červienia 2023 hoda. Fota: «Hancavicki čas»

Žurnalistka vydańnia, pradstaviŭšysia svajačkaj Bykava, patelefanała ŭ kancylaryju Ivacevickaha suda, dzie joj skazali, što materyjały spravy na takoha čałavieka nie pastupali. U raskładzie sudovych pasiadžeńniaŭ takoha proźvišča taksama nie było.

U Ivacevickim RAUS žurnalistcy adkazali, što Alaksandr Bykaŭ znachodzicca ŭ svajoj vajskovaj čaści.

«Pryjechali jaho kamandziry, zabrali i advieźli ŭ vajskovuju čaść. Usio narmalna, žyvy-zdarovy. Možacie žoncy jaho patelefanavać, jana źjechała dadomu», — skazali ŭ RAUS.

Sudzić Bykava nie buduć, ale jamu vypisali štraf, jaki apłaciła jahonaja žonka. Štraf, pavodle načalnika miascovaj milicyi, nievialiki.

Viečaram 17 červienia ŭ Ivacevičach skrucili dvaich rasijan, jakija jechali na aŭto ź litaraj Z na škle.

Paśla źjaŭleńnia videa ŭ siecivie ananimny telehram-kanał, źviazany ź biełaruskimi siłavikami, raskazaŭ padrabiaznaści zatrymańnia. Pavodle jaho infarmacyi, siamja ŭžyvała ałkahol, a z hulanki vyrašyła pajechać na svaim aŭto.

Mašynu spynili supracoŭniki DAI. Rasijanie nie reahavali na papiaredžańni i «atrymali pa poŭnaj prahramie pratakoły nie tolki za pieradaču styrna i pjanuju jazdu, ale i za niepadparadkavańnie». 

Paźniej stała viadoma, što adzin z zatrymanych rasijan, Alaksandr Bykaŭ — kantraktnik rasijskaj armii i słužyć strałkom u bataljonie 283-ha pałka 144-j hvardziejskaj motastrałkovaj dyvizii. Heta złučeńnie ŭvachodzić u skład 20-j hvardziejskaj ahulnavajskovaj armii Zachodniaj vajennaj akruhi.

Kamientary16

  • Josik
    19.06.2023
    Štraf nievialiki? Heta pjanamu za styrnom dali nievialiki štraf? Ja na parkoŭcy trošku začapiŭ dźviery stajačaha aŭto, dyk dali 10 b.v. A tutaka, razumieju, 0,5 b.v., dy jašče vybačalisia. U jakoje haŭno ty, łukašenka, krainu abmaknuŭ. Jak na hetyja zalacańni pierad rasiejcami brydka hladzieć. To samachod z rakietaj, to pjany kiroŭca, to papy, źbirajučyja hrošy dla rasiejskich zabojcaŭ słavianskaha narodu. Jakaja poskudź adbyvajecca ŭ Biełarusi, žach.
  • Mafkees
    19.06.2023
    Kali ty pjany sieŭ za styrno, ciabie nie vyratuje nijakaja nalepka na škle

    Łukašenkovskije blustitieli, vy kłouny
  • 43
    19.06.2023
    Što, mienty, ucierlisia? Rychtujciesia da zvalnieńnia

18-hadovaha chłopca z Bychava sudziać za «zdradu dziaržavie»6

18-hadovaha chłopca z Bychava sudziać za «zdradu dziaržavie»

Usie naviny →
Usie naviny

U załatoj bucy na Jeŭra-2024 adrazu niekalki ŭładalnikaŭ

Jak adroźnivajucca ŭmovy pracy dla IP u Biełarusi i Litvie? 1

Anioł Śmierci. Historyja biełaruski, jakaja paviedamlaje rodnym zahinułych kalinoŭcaŭ pra ich hibiel1

Arhiencina vyjhrała Kubak Amieryki pa futbole — i heta taksama rekord

Jak adrazu paśla zamachu na Trampa sacsietki zapoŭnili teoryi zmovy i pry čym tut Iłan Mask22

U Breście zakansiervujuć ruiny 400-hadovaha klaštara. Heta adzinaje zbudavańnie, što zastałosia ad histaryčnaha Bieraścia4

Nazvanyja najlepšyja hulcy Jeŭra-2024, małady futbalist i hulec finału

Pamior biełaruski kampazitar Leanid Hucin

Ispanija čaćvierty raz u historyi vyjhrała Jeŭra — i heta rekord VIDEA6

bolš čytanych navin
bolš łajkanych navin

18-hadovaha chłopca z Bychava sudziać za «zdradu dziaržavie»6

18-hadovaha chłopca z Bychava sudziać za «zdradu dziaržavie»

Hałoŭnaje
Usie naviny →