Vajna1212

«Kali šalony dyktatar addaść zahad — kidajcie zbroju. Inakš adzinaje, što vas čakaje, — heta śmierć». Na ŭkrainska-biełaruskaj miažy prahučaŭ zvarot pałka Kalinoŭskaha da biełaruskich vajskoŭcaŭ

U telehram-kanale pałka Kalinoŭskaha apublikavany zvarot pałka, jaki siońnia, jak śćviardžajecca, tranślavaŭsia na ŭsich pamiežnych pierachodach, raźmieščanych na ŭkrainska-biełaruskaj miažy. 

Skrynšot ź videa

«Biełarusy!

Hetyja ŭłada zachapiła vašy žyćci, žyćci vašych dziaciej i ŭnukaŭ. Jany nie viedajuć, jak možna žyć inačaj, jak tolki pry dyktatury Łukašenki, a značyć — žyć u krainie, dzie panuje svaboda, a nie biaskoncaja prapahanda i chłuśnia. 

U hetaj ułady i jaje słuh niama budučyni. Mižnarodnaja izalacyja, razryŭ ekanamičnych suviaziaŭ z cyvilizavanymi krainami śvietu, zaniadbańnie i spad biełaruskaj ekanomiki. Dyktatura Łukašenki pavinna skončycca, i jana zakančvajecca. Nichto nie ŭciače ad adkaznaści. Kožny, chto maje dačynieńnie da represij biełaruskaha naroda, paniasie pakarańnie.

Połk Kastusia Kalinoŭskaha robić usie kroki dla nabližeńnia pieramohi. Sudździ, čynoŭniki, siłaviki — my viedajem imiony kožnaha, chto aśmieliŭsia adabrać svabodu ŭ biełarusaŭ, kožny paniasie pakarańnie.

Ad imia pałka Kalinoŭskaha ja chaču źviarnucca da kožnaha vajskoŭca Uzbrojenych sił Respubliki Biełaruś. Nie vykonvajcie złačynnych zahadaŭ!

Kali šalony dyktatar Łukašenka, sprabujučy choć niejak uratavać uładu, što ŭžo vypadaje ź jahonych ruk, addaść zahad ab pierasiačeńni miažy Biełarusi i nastupie na Ukrainu, kidajcie zbroju. Kidajcie ci skirujcie jaje suprać złačyncaŭ, admaŭlajciesia, biažycie, ale ni pry jakich abstavinach nie stanaviciesia saŭdzielnikami samaha vialikaha złačynstva ŭ vašym žyćci i ŭ žyćci paślavajennaj Jeŭropy. Inakš adzinaje, što vas čakaje, — heta śmierć.

200 tysiač rasiejcaŭ ličyli, što jany maršam projduć pa centry Kijeva, a ŭkraincy buduć sustrakać ich kvietkami. Hetyja 200 tysiač rasiejcaŭ ciapier miortvyja, kvietki na ich mahiły kładuć svajaki. Zrazumieła, kali ich cieły vyvieźli na Rasieju, a nie pakinuli hnić va ŭkrainskaj ziamli.

Ja kažu heta nie tamu, što bajusia biełaruskaj armii. Ja kažu heta tamu, što nie chaču zabivać biełarusaŭ.

Za plačyma bajcoŭ pałka Kalinoŭskaha — bolš za hod raźlutavanych bajoŭ va ŭmovach poŭnamaštabnaj vajny. Našy voiny prajšli mnostva kryvavych bitvaŭ, abaraniajučy Kijeŭ, Irpień, Buču, Sievieradanieck, Bachmut i mnohija inšyja harady i vioski.

U nas jość sapraŭdny vajenny dośvied va ŭmovach samaj sučasnaj vajny. Što vy možacie nam supraćpastavić?» — zaścierahaje biełaruskich vajskoŭcaŭ pradstaŭnik pałka Kalinoŭskaha.

Čytajcie taksama:

Ždanaŭ: Kali połk Kalinoŭskaha vyrašyć zajści ŭ Biełaruś, Ukraina jamu dapamoža

Jon zahinuŭ u samym kancy boju ad kuli rasijskaha snajpiera — Urbanovič pra hibiel Mirasłava Łazoŭskaha

«Jon byŭ maim kachańniem na ŭsio žyćcio». Vialikaje intervju z udavoj bajca Vasila Parfiankova

Kamientary12

  • Biełarus sa zbrojaj
    19.06.2023
    Zbroju nie treba kidać, jana nam spatrebicca. Dla vyzvaleńnia Radzimy.
  • Merci beaucoup
    19.06.2023
    Vielmi pravilny padychod. Toje samaje pavinna jści da biełaruskich vajskoŭcaŭ i z boku baćkoŭ, i z boku siabroŭ i siabrovak. Tolki j sapraŭdy, možna ž i nia kidać zbroju, a nakiravać jaje suprać režymu, razzbroiŭšy apantanych...
  • Alek. Ru
    19.06.2023
    Ja úžo nie vieru ú rozum "biełaruskaha"vojska. Biesnavaty zahadaje- pojduć va Úkrainu.Jak niekali kazaú Aleś Adamovič - ahresiúna-pasłuchmianyja

88-hadovy apalny eks-kiraŭnik Pinskdreva Arynič žyvie ŭ Biełastoku ŭ zdymnaj kvatery za košt svajakoŭ

88-hadovy apalny eks-kiraŭnik Pinskdreva Arynič žyvie ŭ Biełastoku ŭ zdymnaj kvatery za košt svajakoŭ

Usie naviny →
Usie naviny

Što adbyvajecca z klimatam? Takaja śpioka letam budzie zaŭsiody?5

Biełarusa zatrymali paśla adpačynku ŭ Italii3

«Vyjšli chłopčyki z čamadančykami». Lidar hurta RSP raskazaŭ, jak Łukašenka pryjazdžaŭ na zdymačnuju placoŭku5

Respublikanskaja partyja aficyjna vyłučyła Trampa kandydatam u prezidenty ZŠA9

U Kabardzina-Bałkaryi biełarus sarvaŭsia sa skały2

Tramp nazvaŭ svajho kandydata ŭ vice-prezidenty22

Niekatoryja biełarusy sustrakali ŭčarašni ŭrahan, kupajučysia ŭ voziery VIDEA

Źmitra Daškieviča buduć sudzić pa novaj kryminalnaj spravie ŭžo na hetym tydni7

Łatuška: Ja mahu bajacca pić vadu ci kavu ŭ hramadskich miescach14

bolš čytanych navin
bolš łajkanych navin

88-hadovy apalny eks-kiraŭnik Pinskdreva Arynič žyvie ŭ Biełastoku ŭ zdymnaj kvatery za košt svajakoŭ

88-hadovy apalny eks-kiraŭnik Pinskdreva Arynič žyvie ŭ Biełastoku ŭ zdymnaj kvatery za košt svajakoŭ

Hałoŭnaje
Usie naviny →