Hramadstva88

«My ličym, što heta prosta ździek z našaj supolnaści». Rybałovy Mahiloŭščyny aburylisia, što ich prahaniajuć z bolšaści vadajomaŭ

Mahiloŭski abłvykankam u 2022 hodzie zaćvierdziŭ pieralik vadajomaŭ, u jakich dazvalajecca zajmacca padvodnym palavańniem, a taksama łavić rybu na darožku z matornych łodak. Ciapier ža hety pieralik vynieśli na hramadskaje abmierkavańnie, kab pačuć hałasy samich rybakoŭ. I hałasy prahučali vielmi niezadavolenyja, jak piša «Mahiloŭ.Media». Vydańnie sabrała najbolš charakternyja reakcyi.

Padvodnyja palaŭničyja aburanyja tym, što dla realizacyi ichniaha zachapleńnia im vydali vadajomy, jakija nie padychodziać dla hetaha pa svaich pryrodna-bijałahičnych umovach.

Karystalnik ź nikam Buba1404 prakamientavaŭ novaŭviadzieńnie nastupnym čynam:

«Ja žyvu ŭ Babrujsku, u Babrujskim rajonie. Nam, padvodnym palaŭničym, vydzielili try vadajomy na ŭvieś rajon dla zaniatku padvodnym palavańniem! Ź ich voziera Drahičyn (bałota, u jakim nikoli nie byvaje prazrystaj vady i kudy dabracca možna tolki na viertalocie), voziera Płyvun, u jakim taksama nikoli niama prazrystaści, i voziera Snarady, u jakim prazrystaja vada byvaje raz na 3-4 hady.

U susiednich rajonach situacyja takaja ž. U Asipovickim dazvolili Asipovickaje vadaschovišča i raku Śvisłač, u jakich niama prazrystaści. U Hłuskim — raka Pcič, u jakoj štości možna ŭbačyć adzin miesiac u hodzie. I tak možna pieraličyć usie najbližejšyja rajony.

My ličym, što heta prosta ździek z našaj supolnaści padvodnych palaŭničych, jakija płaciać, u adroźnieńnie ad rybakoŭ, unioski, ale skarystacca svaim pravam nie mohuć! Uličvajučy, što nas na ŭsiu Biełaruś kala 3000 čałaviek.

Całkam padtrymlivaju varyjant viartańnia da śpisaŭ zabaronienych vadajomaŭ. A kali pakul takoj mahčymaści niama, treba raicca z supolnaściu nakont kožnaha vadajoma, jaki vy ŭnosicie ŭ śpis dazvolenych vadajomaŭ.

Na hety momant nam zajmacca padvodnym palavańniem niama dzie! A hrošy my zapłacili! Pytańnie: za što?»

«Padvodnaja rybałka (palavańnie) — vielmi składany i ciažki praces, patrabuje surjoznaj fizičnaj, maralnaj, materyjalnaj padrychtoŭki, jaki, nasupierak raspaŭsiudžanamu pamyłkovamu mierkavańniu, nie zabiaśpiečvaje vialikaha rehularnaha ŭłovu, — piša inšy karystalnik, «balorek by Mieleško». — Akramia hetaha, padvodny palaŭničy sistematyčna vyjaŭlaje sietki, u tym liku i zabytyja, žaki, i naohuł razdražniaje brakańjeraŭ.

U našych realijach zusim niezrazumiełaja matyvacyja čynoŭnikaŭ dla zabarony tych ci inšych vadajomaŭ. Zabarona nie hruntujecca ni na jakich navukovych danych, vynikach daśledavańniaŭ, a tolki na pryncypie pierakładańnia adkaznaści.

Naprykład, miascovaj administracyi Kličaŭskaha rajona zusim niecikavy los raki Olsa, ale voś padvodnaje palavańnie ŭ hetaj race jany čamuści zabaranili. Čamu? Na čym hruntujecca rašeńnie ab zabaronie padvodnaha palavańnia na hetym vadajomie? Čyhirynskaje vadaschovišča — hihancki vadajom, čamu tam zabaronienaja padvodnaja rybałka (palavańnie)?»

«Vielmi doŭha ŭvodziacca dapaŭnieńni da pieraliku dazvolenych vadajomaŭ. A ciapier jašče i bajacca, ci pravilna zrabili, i prydumali abmierkavańnie. Takija dapaŭnieńni treba rabić kožny miesiac, a nie raz u hod i potym vychvalacca, što voś my vydali dakumient i prarabili vialikuju pracu.

Ludziam rybačyć ciapier niama dzie. Nieabchodna pašyrać pieralik i vielmi značna. Raniej bolš za 10 000 vadajomaŭ byli dazvolenyja, a ciapier sotni. Što pamianiałasia?

Norma łoŭli dla ŭsich sposabaŭ adnolkavaja, dyk navošta hetyja abmiežavańni ciapier? Ci raniej, na praciahu mnohich hadoŭ, niechta mocna pamylaŭsia, dazvalajučy rybačyć u takoj kolkaści vadajomaŭ? Nie, ciapier dapuścili pamyłku i, navat možna skazać, ucisk pravoŭ hramadzian. Z hetymi śpisami dazvolenych vadajomaŭ užo sutykalisia raniej, i było šmat pierahibaŭ na miescach, niekampietentnaści», — tak prakamientavaŭ dakumient karystalnik Valeryj Sinkievič.

Kamientary8

  • Michnievič
    19.06.2023
    Rabam nie pałožana
  • Alaksandar
    19.06.2023
    Jakija ž heta rybaki? Heta BRAKAŃJERY ŭ zakonie! Heta škodniki, źniščalniki vadajomaŭ!!! Vybivajuć usich samych jakasnych, pładavitych i aściarožnych rybin, jakraz tych, što padtrymlivajuć papulacyju ŭ vadajomie. Chiba ž jany na drobiaź palujuć? Nie! Na samych važnych, hałoŭnych samak. Vadajomy Biełarusi - heta łužy ŭ paraŭnańni z marami, dzie naradziŭsia hety zaniatak. PADVODNAJE PALAVAŃNIE TREBA ZABARANIĆ POŬNAŚCIU NA ŬSICH VADAJOMACH I REKACH BIEŁARUSI. Unieści ŭ śpis brakańjerstva, a nie cackacca ź imi.
  • siońnia
    20.06.2023
    "A hrošy my zapłacili! Pytańnie: za što?"

    Adkaz: za stabilnaść.

Bajden vychodzić z prezidenckaj honki46

Bajden vychodzić z prezidenckaj honki

Usie naviny →
Usie naviny

Prarasijskaja aktyvistka aburyłasia, što nie moža apublikavać fota ź bieł-čyrvona-biełym ściaham5

Na Rastoŭskaj AES adbyŭsia vybuch i Rasiju nakryła chvala radyjacyi? Pasprabavali razabracca1

Ivan Kraŭcoŭ treci raz zapar staŭ sakratarom Kaardynacyjnaj rady40

Śledam za krasnadarcami vyjšli patrabavać elektryčnaści i žychary Anapy1

«25 litraŭ za 2 hadziny». Hrybnyja trafiei ź lasoŭ stali bolš raznastajnymi3

«Minskija Patryki? Nie, Bikini Botam». Najlepšyja tvity tydnia4

Źjaviłasia FOTA z suda nad Ryka Kryhieram

Zamiest SMS — vyćcio siren. MNS choča pamianiać sistemu apaviaščeńnia padčas niepahadzi2

Ołaf Šolc dahetul hladzić lampavy televizar6

bolš čytanych navin
bolš łajkanych navin

Bajden vychodzić z prezidenckaj honki46

Bajden vychodzić z prezidenckaj honki

Hałoŭnaje
Usie naviny →