Prajekt Dogen City — «razumny» horad na vadzie z ułasnaj sistemaj abarony ad pryrodnych kataklizmaŭ. Fota: N-Ark

Prajekt Dogen City — «razumny» horad na vadzie z ułasnaj sistemaj abarony ad pryrodnych kataklizmaŭ. Fota: N-Ark

Japonskaja kampanija N-Ark 12 červienia raskryła padrabiaznaści svajho hrandyjoznaha prajekta pa budaŭnictvie «razumnaha» horada na vadzie, jaki budzie całkam aŭtanomny i vysokatechnałahičny ŭ płanie miedycyny i robatatechniki.

Prajekt pad nazvaj Dogen City raspracavali takim čynam, kab vytrymać lubyja źmieny klimatu i nadvorja. Płavajučy horad budzie zdolny zabiaśpiečvać elektraenierhijaj, ježaj i vadoj nie tolki 10 tysiač pastajannych žycharoŭ, ale i 30 tysiač dadatkovych turystaŭ.

Akramia hetaha, horad budzie mieć kruhłuju formu i ŭbudavanuju dambu, što, pa słovach raspracoŭščykaŭ, dapamoža jamu ŭstajać padčas cunami.

«Horad budzie mieć kala 4 kiłamietraŭ terytoryi ŭ formie akružnaści. Tam buduć turystyčnyja, miedycynskija, ofisnyja abjekty i navat placoŭka dla zapusku kaśmičnych rakiet. Sam horad budzie padzieleny na try asobnyja zony:

  • žyłaja zona (damy, hateli, parki, škoły, balnicy i h. d.),
  • płavajučy fundamient, na jakim usio budzie trymacca i jaki budzie ŭklučać u siabie štučnuju kruhłuju aharodžu-dambu suprać cunami,
  • padvodny centr apracoŭki źviestak, jaki budzie naturalnym čynam astudžacca vadoj i zabiaśpiečvać pracu apieracyjnaj sistemy «razumnaha» horada.

Akramia taho, horad budzie całkam usiejany vialikaj kolkaściu soniečnych panelaŭ i budzie całkam aŭtanomny ŭ płanie funkcyjanavańnia», — raskazvaje japonskaja kampanija N-Ark.

Prajekt płavajučaha aŭtanomnaha horada Dogen City ad japonskaj kampanii N-Ark. Fota: N-Ark

Prajekt płavajučaha aŭtanomnaha horada Dogen City ad japonskaj kampanii N-Ark. Fota: N-Ark

Prajekt płavajučaha aŭtanomnaha horada Dogen City ad japonskaj kampanii N-Ark. Fota: N-Ark

Prajekt płavajučaha aŭtanomnaha horada Dogen City ad japonskaj kampanii N-Ark. Fota: N-Ark

Taksama kampanija N-Ark padličyła, što kožny hod horadu buduć patrebnyja 2 miljony litraŭ vady. Ježa pry hetym budzie vyrablacca aŭtanomna ŭ kolkaści kala 7 tysiač ton u hod, a enierhija — bolš za 22 miljony kVt. Śmiećcie ž štohod budzie ŭtylizavacca ŭ masie amal 3300 ton.

Pakul što dadatkovych padrabiaznaściaŭ ab tym, jak usio heta budzie funkcyjanavać, niama, adnak sam horad płanujuć pabudavać da 2030 hoda.

Čytajcie taksama:

Hetaje vynachodnictva dazvolić čałaviectvu žyć viečna. Raskazvajem, jak jaho pabudavać

U Jeŭropie raspracoŭvajuć hipierhukavy samalot, jaki źmienić pasažyrskuju avijacyju

U Saudaŭskaj Aravii źjavicca vysokatechnałahičny chmaračos u formie kuba 

Клас
23
Панылы сорам
0
Ха-ха
2
Ого
4
Сумна
2
Абуральна
1

Chočaš padzialicca važnaj infarmacyjaj ananimna i kanfidencyjna?