Hramadstva2020

Chto stvaraje dzikija vokładki «Minskaj praŭdy»?

Da 2020-ha vokładki haziety «Minskaja praŭda» ničym nie vyłučalisia siarod astatnich dziaržaŭnych vydańniaŭ. Pakul za ich nie ŭziaŭsia Dźmitryj Siniaŭski. Raskazvajem pra viarstalnika, jaki źmianiŭ dyzajn haziety i raspalvaje varažnieču na jaje staronkach.

Dźmitryj Siniaŭski pakazvaje siakieru z aŭtohrafam Łukašenki. Jon padaryŭ instrumient redakcyi na spabornictvach pa kołcy droŭ (u spabornictvach udzielničaŭ i sam Siniaŭski). Fota: minsk-region.gov.by

«Vykładčykam staŭ vypadkova»

46-hadovy Dźmitryj Siniaŭski raniej pracavaŭ u viciebskaj abłasnoj haziecie «Narodnaje słova» namieśnikam adkaznaha sakratara, byŭ načalnikam adździeła kampjutarnaj viorstki. Paśla — u Vydavieckim centry BDU, daros tam da namieśnika kiraŭnika.

Ciapier jon staršy vykładčyk kafiedry pieryjadyčnaha druku i veb-žurnalistyki na žurfaku BDU.

«Vykładčykam staŭ zusim vypadkova: žyŭ ź siamjoj u internacie ad BDU, ubačyŭ tam abjavu, maŭlaŭ, prafiesarska-vykładčyckamu składu vydajecca pazačarhovy dom.

«Ci patrebny vam vykładčyki, jakija raźbirajucca ŭ palihrafii, viorstcy, dyzajnie?» — spytaŭ tady ŭ dekana Siarhieja Dubovika i atrymaŭ dabro. U vyniku i kvateru pabudavaŭ, i dalejšy los», — raskazvaŭ u intervju Siniaŭski. 

Taksama Dźmitryj pracuje ŭ prapahandysckaj «Minskaj praŭdzie», zajmajecca viorstkaj.

Voś jak źmianiŭ dyzajn haziety Dźmitryj Siniaŭski ŭ pačatku žniŭnia 2020-ha.

Źleva — jak było, sprava — jak stała

Adna z samych rezanansnych vokładak haziety — karykatura na katalickich śviataroŭ, jakaja vyjšła ŭ vieraśni 2021-ha. Jana aburyła biełaruskich katalikoŭ.

Na vokładcy «Minskaja praŭda» raźmiaściła vyjavu z zahałoŭkam «Mutacyja viery», na jakoj byli namalavanyja katalickija śviatary z kryžami ŭ formie svastyki. Pryčynaj napadak z boku haziety stała vykanańnie ŭ kaściołach himna «Mahutny Boža», napisanaha paetkaj Natallaj Arsieńjevaj.

«Nam navošta stolki Jeŭropy?»

Dźmitryj Siniaŭski aktyŭna viadzie sacyjalnyja sietki. Publikuje ŭ siabie kožnuju novuju vokładku haziety i dzielicca svaimi razvažańniami nakont palityčnaj situacyi ŭ Biełarusi i inšych krainach. 

U 2020-m Dźmitryj zajaŭlaŭ, što jaho «ckavali i pahražali» za jaho žurnalisckuju pracu. 

«Ja čałaviek nie złapomny, ale ciapier i nie treba ŭsio pamiatać. Usie chady zapisvaje internet. Heta fota pieršaj pałasy «Minskaj praŭdy», jakuju raźmiaścili ŭ «Karnikach» za maju žurnalisckuju pracu.

Bačycie źleva ruku? Heta ruka «zmahara», jaki raźmiaściŭ tam hetaje fota, a taksama maju fatahrafiju i kantakty, paśla čaho rušyła ŭśled ckavańnie z boku «mirnych pratestoŭcaŭ». Adbitki — unikalnaja štuka. A nižej jašče i frahmient džynsaŭ. Jak dumajecie, kolki spatrebicca času śledčym i kryminalistam, kab znajści hetaha čałavieka?

Jon moh sa mnoj vitacca, a ciškom zdradžvać. Pahardžaju zdradnikami», — pisaŭ Siniaŭski ŭ sacyjalnych sietkach. 

Fota: skryn z sacyjalnych sietak
Pieršaja pałasa «Minskaj praŭdy» z manipulatyŭnym tekstam. Fota: skryn z sacyjalnych sietak

Niadaŭna Dźmitryj aburaŭsia, što ŭ prahnozie nadvorja, jaki pakazvajuć pa dziaržaŭnym telebačańni, šmat jeŭrapiejskich stalic. 

«Nam navošta stolki Jeŭropy? Chto tudy ciapier masava jeździć? Moža, lepš dadać Turcyju, Jehipiet, ludzi adpačynak płanujuć, bolš Rasii i krychu Kitaja?

Viadoma, nie dumaju, što ź pieraboram stalic ES niejki chitry namier, prosta šmat u kaho zvyčka pracavać pa zadadzienym šabłonie», — napisaŭ jon u sacyjalnych sietkach. 

Siniaŭski taksama časta publikuje dopisy sa źniavahami na adras palityčnych praciŭnikaŭ dyktatury i prosta biełaruskich nacyjanalnych simvałaŭ.

Fota: skryn z sacyjalnych sietak
Fota: skryn z sacyjalnych sietak

Paśla napadu Rasii na Ukrainie vykładčyk žurfaka horača padtrymaŭ rasijskuju armiju. Bachmut, jak i rasijskaja prapahanda, nazyvaje savieckaj nazvaj Arciomaŭsk, a ŭkraincaŭ, jakija abaraniajuć svaju ziamlu, — nacystami i dadaje: «Słava ruskamu voinu!»

Fota: skryn z sacyjalnych sietak

Nie saromiejecca ŭśled za Łukašenkam adpuskać kpiny i abrazy ŭ bok Uładzimira Zialenskaha.

Fota: skryn z sacyjalnych sietak 

A ŭ volny čas — amatar bulby. Jaje Dźmitryj Siniaŭski vyroščvaje i hatuje. I dzielicca fotazdymkami ŭradžaju. 

Fota: skryn z sacyjalnych sietak 
Fota: sacyjalnyja sietki

«U Šviecyi jon u asnoŭnym maŭčaŭ»

Jašče da 2020-ha Dźmitryj Siniaŭski časta jeździŭ u Jeŭropu. Zhodna z bazaj «Kibierpartyzanaŭ», dostup da jakoj atrymała «Naša Niva», jon byvaŭ u Polščy, Ukrainie (jak da 2014-ha, tak i paśla), Danii, Aŭstryi, Litvie, Łatvii, Hiermanii, Šviecyi. Padčas niekatorych z pajezdak, miarkujučy pa bazie, byŭ razam z byłoj dekankaj žurfaka BDU Volhaj Samusievič. 

Vypusknica žurfaka BDU, u jakoj Dźmitryj Siniaŭski byŭ kurataram hrupy, raskazała, što paśla 2020-ha jon byŭ adnoj z hałoŭnych pierson na fakultecie, adkaznych za represii suprać vykładčykaŭ.

«Nakolki viedaju, jon asabista razmaŭlaŭ z vykładčykami, prapanujučy im zvolnicca i pahražajučy kryminalnym pieraśledam (u «Našaj Nivy» taksama jość śviedčańni vykładčykaŭ, jakich jon vyciskaŭ z fakulteta i jakim pahražaŭ — NN), 

— kaža dziaŭčyna. — Čym jon zapomniŭsia? Absalutna ničym, vykonvaŭ minimalnyja arhanizacyjnyja funkcyi pa našaj hrupie. U jaho było niekalki kanfliktaŭ sa studentami z hrupy, ale jany byli nie ideałahičnyja. Jak padavałasia mnie, Siniaŭski pavodziŭ siabie nie vielmi sumlenna. 

Jon adkazvaŭ za arhanizacyju pajezdak studentaŭ žurfaka ŭ Šviecyju, na hetuju prahramu adbiraŭ ludziej. Sam prajekt finansavaŭsia šviedskim uradavym orhanam, jaki padtrymlivaje roznyja prahramy, skiravanyja na raźvićcio demakratyi, žurnalistyki. 

U Šviecyi jon u asnoŭnym maŭčaŭ. Nijakuju svaju pazicyju nie vykazvaŭ, uvohule było ciažka zrazumieć, ci była jana ŭ jaho».

Były supracoŭnik žurfaka BDU Dzianis Valanski raskazvaje, što pieršy raz kamunikavaŭ ź Siniaŭskim, kali pajechaŭ u jakaści studenta ŭ Šviecyju pa prahramie. 

«Tady jon nijak siabie nie prajaŭlaŭ. Zrazumieła, što ŭ nas pytalisia, jak žyviecca pry Łukašenku. My raskazvali, što nie vielmi. Tady jašče byŭ «plušavy desant». Siniaŭski tady ničoha nie kazaŭ.

U 2020-m napiaredadni vybaraŭ u mianie zakančvaŭsia kantrakt na žurfaku. Kali pačalisia pieršyja zatrymańni, ja ŭ fejsbuku publična asudziŭ hvałt z boku siłavikoŭ. Jon adreahavaŭ na moj dopis, u nas pačałasia publičnaja sprečka. Paśla jon zabłakavaŭ mianie ŭ fejsbuku. Hety kanflikt byŭ adnoj z pryčyn, čamu mnie nie praciahnuli kantrakt na žurfaku. Dekanka — Volha Samusievič — telefanavała mnie na asabisty numar i havaryła, što nielha, kab vykładčyki voś tak u publičnaj prastory svarylisia. Takija zachody byli», — raskazaŭ Dzianis Valanski.

Zrešty, ciapier Siniaŭski svaju pazicyju vykazvaje adkryta.

«Nam pašancavała! Mnohija narody chacieli b sabie takoha sapraŭdnaha prezidenta zamiest svaich kłoŭnaŭ i marazmatykaŭ», — słavić jon Łukašenku, mocna retušavanaha na jahonym kałažy.

Kamientary20

  • Kožny adkaža
    20.06.2023
    Siniaŭskamu jašče tolki 46 hod. Dačakajecca, kali naša voźmie. A potym pahavorym
  • Kastus
    20.06.2023
    Jeśli eti nieludi pamiať Chatyni vorošat, to prosto pusť poiŝut v intiernietie "V riezultatie nočnoj ataki na Kijev 1 ijunia pohibła 9-letniaja dievočka. Dieduška mnoho časov sidieł nad tiełom ubitoj rośsijskoj rakietoj vnučki." Ili eto nieudobnaja pravda, kohda vdruh sami posobnikami fašistov stali?
  • Oleh
    20.06.2023
    [Red. vydalena]

Rabotnicy suda pahražaje da 12 hadoŭ za «zakliki da sankcyj i abrazu Łukašenki»3

Rabotnicy suda pahražaje da 12 hadoŭ za «zakliki da sankcyj i abrazu Łukašenki»

Usie naviny →
Usie naviny

Hety karlikavy kot z saramlivym vyhladam staŭ novaj zorkaj sacsietak5

U hateli Banhkoka znojdzieny miortvymi šeść hramadzian Vjetnama1

Nazvany śviežy miedyjanny zarobak. I jon namnoha mienšy za siaredni

Vyśvietliłasia, što pad Maskvoj patanuŭ kiraŭnik delehacyi vajskoŭcaŭ KNDR

Rabočamu z Baranavičaŭ dali hod za łajki pad karykaturami na Łukašenku. Ciapier pahražaje jašče da 12 hadoŭ3

Zamach na Donalda Trampa płanavaŭ Iran — CNN12

Minenierha paviedamiła pra adnaŭleńnie elektrazabieśpiačeńnia Mazyra1

Mazyrskaja viertykalščyca dałažyła pra adnaŭleńnie vodazabieśpiačeńnia. U kamientarach joj piarečać

Ad siońnia Litva maje namier uvieści abmiežavańni na ŭjezd aŭto ź biełaruskimi numarami31

bolš čytanych navin
bolš łajkanych navin

Rabotnicy suda pahražaje da 12 hadoŭ za «zakliki da sankcyj i abrazu Łukašenki»3

Rabotnicy suda pahražaje da 12 hadoŭ za «zakliki da sankcyj i abrazu Łukašenki»

Hałoŭnaje
Usie naviny →