Ekanomika55

Kolki kaštuje miasa ŭ Minsku. Vialiki ahlad cen z Kamaroŭki, hipiermarkietaŭ i internet-kram

Ahlad cen na roznyja vidy miasa ŭ niekalkich handlovych punktach Minska padrychtavała vydańnie Myfin.by.

Miasa na Kamaroŭcy

Na Kamaroŭskim rynku pradaŭcy raz-poraz zazyvajuć pakupnikoŭ, abiacajučy pradać jakasnaje «śviežaje» miasa. Možna znajści roznyja miasnyja pradukty — ad baraniny da kurynych trybuchoŭ.

Ceny ŭ pradaŭcoŭ mohuć adroźnivacca ŭ miežach niekalkich rubloŭ. Ale ŭ siarednim usie trymajucca prykładna adnolkavych značeńniaŭ.

Ceny za adzin kiłahram śvininy na Kamaroŭskim rynku nastupnyja:

  • šyja — 20 rubloŭ;
  • vyrazka — 20 rubloŭ;
  • palandvica — 20 rubloŭ;
  • kumpiak — 14,90 rubla;
  • łapatka — 13 rubloŭ;
  • hrudzinka — 14,50 rubla;
  • rebry — 19,90 rubla;
  • halonka — 6 rubloŭ.

Trochi daražej kaštujuć cialacina i jałavičyna. Za kiłahram file jałavičyny pryjdziecca addać 25 rubloŭ, piačonka kaštuje 20 rubloŭ, file cialaciny abydziecca pa canie kala 30—35 rubloŭ. Jazyk na Kamaroŭcy kaštuje krychu bolš za 22 rubli za kiłahram.

Baranina — daražejšaja: kiłahram file kaštuje 45 rubloŭ. Šyjnaja častka abydziecca ŭ 25 rubloŭ, a kumpiak — u 28 rubloŭ.

Ceny na kurynaje miasa vahajucca ad 18 da 20 rubloŭ za kiłahram. Miakać ściahna kurycy pradajecca za 8,50 rubla (700—800 hramaŭ). Supavy nabor z kurynaha miasa kaštuje ad 18 da 20 rubloŭ za kiłahram.

Miasa trusa na Kamaroŭcy možna kupić za 22 rubli, indyka — za 18.

Krychu daražej pradajucca kački i husi — ad 20 da 25 rubloŭ za kiłahram. Kuraniaty i pierapiołki kaštujuć ad 30 da 35 rubloŭ za kiłahram.

Miasnyja pradukty ŭ hipiermarkietach Minska

U hipiermarkietach sietak «Hipa», «Pieriekriestok», «Jeŭraopt» ciapier časta prapanujuć źnižki na miasnuju pradukcyju. Tazaściehnavuju častku śvininy možna kupić pa canie ad 11 da 18 rubloŭ. Za 12,49 rubla možna nabyć łapatačnuju častku śvininy dla zapiakańnia. Kiłahram śvinoj hrudzinki dla smažańnia kaštuje 10,99 rubla. Paŭfabrykat sa śvinoha miasa dla adbiŭnych pradajecca pa 17,99 rubla. Kiłahram šyjna-łapatačnaj častki śvininy — 9,85 rubla. Palandvica dla eskałopa — pa 17 rubloŭ.

Hrudki kuraniaci-brojlera prapanujuć pa 7 rubloŭ z kapiejkami, a miakać ściahna indyka — pa 16,99 rubla. File kuraniaci-brojlera kaštuje 11,68 rubla. Za miakać ściahna kuraniaci-brojlera pryjdziecca addać krychu mienš za 12 rubloŭ, a file indyka kaštuje kala 18 rubloŭ. Za 10,99 rubla možna kupić kiłahram kuraniaci ŭ marynadzie.

Ceny na śvinyja i jałavičnyja subpradukty: piačonku, nyrki, straŭniki — vahajucca ad 4 da 7 rubloŭ za kiłahram. Śvinyja nožki možna kupić za 4,99 rubla za takuju ž vahu praduktu.

Kiłahram baraniny ŭ supiermarkietach Minska možna znajści koštam ad 28 da 32 rubloŭ. Baranova piačonka pradajecca pa 9,3 rubla, a halonka — pa 19,3 rubla.

Internet-kramy: kolki kaštuje zamović miasa z dastaŭkaj

Zamović roznyja vidy miasa možna i z dastaŭkaj na dom. Dla hetaha nieabchodna aformić anłajn-zamovu ŭ internet-kramach.

U adnym z samych papularnych anłajn-hipiermarkietaŭ u Biełarusi na vybar pakupnikoŭ prapanujuć roznyja vidy śvininy, jałavičyny, indyka, kurycy, trusa. Možna zamović miasa jak u achałodžanym, tak i ŭ zamarožanym vyhladzie.

Śvinina. Katletnaje miasa «Fiermierskaje» kaštuje 12,92 rubla za 1 kh. Achałodžany śviny paŭfabrykat «Stejk z šyi» kaštuje 12,23 rubla za 1 kh. Śvinyja rabrynki Grill možna nabyć pa 21,70 rubla za 1 kh. Śvinaja šyja dla zapiakańnia «pa-chatniamu» pradajecca pa 16,99 rubla sa źnižkaj. Śvinoj halonkaj možna pałasavacca pa canie ad 8 da 11 rubloŭ u zaležnaści ad vidu miasa. U dyjapazonie 13—14 rubloŭ za 1 kiłahram — tazaściehnavaja častka śvininy, a za łapatačnuju častku pryjdziecca zapłacić krychu bolš — ad 16 rubloŭ za 1 kiłahram. Zamarožanyja śvinyja nohi možna kupić usiaho pa 2,33 rubla za kiłahram, a śviny nabor dla supu abydziecca ŭ 4,40 rubla za kiłahram. Amatary śvinoj piačonki mohuć kupić kiłahram paŭfabrykatu za 4,55 rubla.

Miasa ptuški. Achałodžanyja kurynyja ściahno i hrudka kaštujuć kala 8 rubloŭ za kiłahram. Stolki ž kurynaha file možna kupić za 10,70 rubla. Za miasa indyka pryjdziecca zapłacić bolš — 15 rubloŭ za halonku, 22 — za stejk ź indyka i 23 — za miakać ściahna indyka. Tuška kuraniaci-brojlera biez patrachoŭ kaštuje ad 8 da 11 rubloŭ za kiłahram. Samaja tannaja častka kuraniaci — halonka, jana kaštuje ad 5 rubloŭ za kiłahram. Prykładna za takuju ž sumu možna kupić šyju indyka — jana kaštuje 6,49 rubla za kiłahram na akcyi. U dyjapazonie 10—13 rubloŭ kaštuje kačania biez trybuchoŭ. Pa 6 rubloŭ možna nabyć pierapiołku, a pievień prapanujecca pa 13 rubloŭ za kiłahram.

Miasa z dadatkami kaštuje daražej. Naprykład, zamarožanaje file kačaniaci z trufielem pradajecca pa 55,99 za kiłahram. Kiłahram prypraŭlenaj paŭtuški kačaniaci ŭ marynadzie kaštuje 22,45 rubla.

Kurynyja piačonka, straŭniki i sercy kaštujuć ad 4 da 7 rubloŭ, a piačonka kački — kala 10 rubloŭ. Piečań i serca indykoŭ prapanujecca pakupnikam pa 22—23 rubli za kiłahram.

Jałavičyna. Karpača ź jałavičyny (90 h) pradajecca pa 8,25 rubla. Ceny na stejki ź jałavičyny, u tym liku z marmurovaj, vahajucca ad 16 da 46 rubloŭ za kiłahram. Zamarožany supavy nabor ź jałavičyny kaštuje 3,88 rubla za kiłahram. File i miakać ściahna jałavičyny abyducca ad 19 da 35 rubloŭ za takuju ž vahu.

Kamientary5

  • Nohiš łoŭnk
    17.06.2023
    mikola,
    Što ty bzduru honiš))) kłoŭn)))
  • mikola
    17.06.2023
    Nohiš łoŭnk, // Sam ty KLOUN ! Ja ceny vedaiu ! Sto u Warszawe sto u Brusseli ! Tolki u Nederlandah tannei !
  • Zojka nie zajka
    17.06.2023
    Nikoli tak smačna ni jeli jak pri noniešnim prezidencie,
    niezdarma da nas eurapiejcy jeduć prysmaki pakaštavać.
    Miasa tannaje i śviežaje ,nie jak chimičnaje u hetych zahranicach.

Niemiec, prysudžany da rasstrełu, datyčny da dyviersij? Voś što za historyja heta mahła być6

Niemiec, prysudžany da rasstrełu, datyčny da dyviersij? Voś što za historyja heta mahła być

Usie naviny →
Usie naviny

Stary paplečnik Łukašenki paraŭnaŭ jaho z ajatałoj Chamiejni. Paraŭnańnie tak sabie2

Na Miency raskapali ŭžo try rady hakavych draŭlanych kanstrukcyj FOTA3

16-hadovaja biełaruska ŭpała z šostaha paviercha ŭ Varšavie

Iryna Abielskaja stała zasłužanaj doktarkaj16

Połk Kalinoŭskaha aficyjna paćvierdziŭ zamienu svajho kamandzira i zajaviŭ pra refarmavańnie18

Polšča raspačała palavańnie na kampanii, jakija abychodziać sankcyi suprać Biełarusi i Rasii1

Łukašenka zahadaŭ adpraŭlać na likvidacyju nastupstvaŭ urahanu palitźniavolenych18

«Pa vychadnych navat čerhi». U Minsku adkryłasia «kaśmičnaja» zona adpačynku ź biaspłatnym viarovačnym haradkom

U Lvovie stralali ŭ palityka Irynu Faryjon. Jana ŭ krytyčnym stanie18

bolš čytanych navin
bolš łajkanych navin

Niemiec, prysudžany da rasstrełu, datyčny da dyviersij? Voś što za historyja heta mahła być6

Niemiec, prysudžany da rasstrełu, datyčny da dyviersij? Voś što za historyja heta mahła być

Hałoŭnaje
Usie naviny →