Hramadstva22

«Jamu vielmi strašna, tamu hety dziŭny bliźniuk Miadźviedzieva praciahvaje hulać u hetuju hulniu». Padalak prakamientavaŭ jadziernyja pahrozy Łukašenki

Daradca kiraŭnika Ofisa prezidenta Ukrainy Michaił Padalak zajaviŭ, što pahrozy Łukašenki «aniekdatyčnyja».

Daradca kiraŭnika Ofisa prezidenta Ukrainy Michaił Padalak. Fota: UNIAN

Daradca kiraŭnika Ofisa prezidenta Ukrainy Michaił Padalak daŭ vialikaje intervju ŭkrainskamu «24 Kanału», u jakim palityk zakranuŭ temu rasijskaj jadziernaj zbroi ŭ Biełarusi i źviazanyja ź joj pahrozy ad Łukašenki.

Pa słovach Padalaka, usprymać surjozna lubyja pahrozy z boku Łukašenki, asabliva jadziernyja, źjaŭlajecca čymści absalutna biessensoŭnym i «aniekdatyčnym».

«Pa-pieršaje, heta taktyčnaja jadziernaja zbroja, tam niama nijakaj knopki ci čahości padobnaha. Pa-druhoje, hetaja zbroja budzie padkantrolnaja vyklučna rasijskim vojskam. Pa-treciaje, nośbity hetaj taktyčnaj jadziernaj zbroi — heta tyja ž rakiety, jakija rehularna atakujuć Ukrainu bieź jadziernych zaradaŭ i jakija mohuć lacieć na adlehłaści ad 500 da 6000 km, što robić ich raźmiaščeńnie ŭ Biełarusi absalutna biessensoŭnym», — adznačaje Padalak.

Na dumku palityka, Łukašenka sa svaimi pahrozami jość «dziŭnym bratam-bliźniukom Miadźviedzieva», jany abodva vykonvajuć funkcyju «kłoŭnskaha VIP-ahitacyjnaha ciahnika» Kramla, kab prosta choć čym-niebudź pierabić niehatyŭny paradak dnia ŭ dačynieńni da Rasii. 

«Łukašenka siońnia nie jość subjektam nie tolki hłabalnaj palityki, jon navat nie subjekt vajny va Ukrainie. Łukašenka pavodzić siabie jak dziŭnaja kopija Miadźviedzieva, jakaja musić rabić varjackija i aniekdatyčnyja zajavy, kab pierabić infarmacyjny paradak dnia. 

Voś, da prykładu, jahony «mirny płan», jaki jon nam prapanoŭvaŭ: Ukraina pavinna zdacca, adyści sa svaich ža terytoryj, nie płanavać kontrnastupleńniaŭ i admovicca ad pastavak zachodniaj zbroi. I nibyta tady ŭsio skončycca», — raspaviadaje Padalak padčas intervju.

Alaksandr Łukašenka. Krynica: Contributor Getty Images

Padalak upeŭnieny, što padobnymi pavodzinami Łukašenka demanstruje vielmi mocny strach, bo razumieje ŭsiu niebiaśpieku budučaha projhryšu Rasii ŭ vajnie suprać Ukrainy.

Palityk padkreślivaje, što biełaruskaje hramadstva ŭ bolšaści svajoj nie vybirała Łukašenku ŭ 2020 hodzie i paśla projhryšu Rasii zhadaje jamu ŭsie žorstkija represii i zabojstvy.

«Jamu vielmi strašna, tamu jon praciahvaje hulać u hetuju hulniu. Łukašenka znachodzicca ŭ padviešanym stanie i cudoŭna ŭśviedamlaje, što padzieńnie režymu Pucina adrazu ž vykliča prablemy na vulicach Biełarusi. 

Praktyčna ŭsio biełaruskaje hramadstva ličyć, što prezidenckija vybary tady byli sfalsifikavanyja. Heta byli jaho šostyja ci siomyja vybary, ale tak ci inakš jany sapraŭdy byli skradzienyja», — padahulniaje daradca kiraŭnika Ofisa prezidenta Ukrainy Michaił Padalak.

Nahadajem, što z momantu prezidenckich vybaraŭ u Biełarusi adbyłosia nie mienš za 50 tysiač palityčna matyvavanych zatrymańniaŭ i było zaviedziena bolš za 12 tysiač palityčna-kryminalnych spraŭ suprać mirnych hramadzian. Byli całkam adkinutyja bazavyja normy zakonnaści i marali.

Kamientary2

  • Čarkaškvarka
    17.06.2023
    A pierad 24 fievrala hetyja aniekdatyčnyja kłouny taksama ličyli što niama pahrozy, nie treba niedaaceńvać psichična chvorych, da taho ž złodziejau i złačyncau.
  • Jurko
    18.06.2023
    Čarkaškvarka,na žal virno! na cich adiekvatnich kłounach ležiť vieličiezna vina za vsie tie,ŝo stałosia 24.02....jim nichto ničoho nie zabudie...

Jak za 20 kiłamietraŭ ad Biełarusi prachodzić fiestyval Tutaka ŠMAT FOTA4

Jak za 20 kiłamietraŭ ad Biełarusi prachodzić fiestyval Tutaka ŠMAT FOTA

Usie naviny →
Usie naviny

«Maje aksesuary prynosiać pośpiech, upeŭnienaść u sabie i hrošy». Śpiavačka Halina Šyškova stała dyzajnierkaj4

«Akazvajecca, i na tym baku jość ludzi». Maci Ivana Padreza ŭsio ž nie vysialajuć6

Pa Mścisłaŭskim rajonie praniośsia mocny ŭrahan

U Biełarusi ŭžo +37,5°S. U siervisie dastaŭki praduktaŭ źnikła papularnaja minieralnaja vada1

51 nobieleŭski łaŭreat zaklikaŭ nieadkładna spynić vajnu va Ukrainie i kanflikt u siektary Haza13

U honar biełaruskaha bajca nazvali vulicu va ŭkrainskim Kanatopie1

Budanaŭ pra pahrozu nastupu RF z poŭnačy: Katastrofy niama, ale nie bačyć prablem nie atrymajecca2

Zaŭtra ŭ Biełarusi budzie da +35°S, ale ŭ Minsku «ŭsiaho» +30°S3

Pryncesa Kiejt Midłtan naviedaje finał Uimbłdona ŭ niadzielu1

bolš čytanych navin
bolš łajkanych navin

Jak za 20 kiłamietraŭ ad Biełarusi prachodzić fiestyval Tutaka ŠMAT FOTA4

Jak za 20 kiłamietraŭ ad Biełarusi prachodzić fiestyval Tutaka ŠMAT FOTA

Hałoŭnaje
Usie naviny →