«Vyrašyŭ prademanstravać ukraincam, da jakoj stupieni apuścilisia ich miedyja». Delimchanaŭ znajšoŭsia, i Kadyraŭ «pieraabuŭsia»
Kiraŭnik Čačni Ramzan Kadyraŭ napisaŭ u telehramie novy post, u jakim paviedamlaje, što ź jahonym «bratam» Adamam Delimchanavym usio, maŭlaŭ, u paradku, a raniejšy post, dzie jon za jaho tryvožyŭsia i prapanoŭvaŭ hrošy ŭkrainskaj raźviedcy — elemient dezynfarmacyjnaj śpiecapieracyi.
«Adam Sułtanavič žyvy i zdarovy, navat nie paranieny. Ja heta viedaŭ z samaha pačatku fejkavaha ŭkidu, ale vyrašyŭ prademanstravać usim, u pieršuju čarhu ŭkraincam, da jakoj stupieni apuścilisia ich miedyja. Heta nakolki treba nie pavažać svaju aŭdytoryju, kab nachabna chłusić, zahadzia viedajučy, što chłuśniu mohuć abvierhnuć. A kali ja padliŭ aleju ŭ ahoń, užo i aŭtary fejku sami pavieryli ŭ svaju kazku», — piša Kadyraŭ.
Taksama Kadyraŭ apublikavaŭ fota, na jakim jany razam z Delimchanavym (treci źleva) i jašče dvuma čačencami siadziać pierad niejkaj kartaj.
Pierad hetym ukrainskija telehram-kanały napisali, što paplečnik Kadyrava byŭ zabity ŭkrainskimi Siłami śpiecyjalnych apieracyj u Prymorsku Zaparožskaj vobłaści, a taksama što tam trapiŭ pad abstreł ceły kartež kadyraŭcaŭ, až da 200 adzinak.
Rasijski padpałkoŭnik, jakoha pałanili «vahnieraŭcy», zajaviŭ, što tyja zdali kaardynaty kadyraŭcaŭ ukraincam
«Adzin adnaho viedajem jašče z 1-j i 2-j vajny ŭ Čačni». Pierapałka «kadyraŭcaŭ» i «pryhožyncaŭ» vyjšła na novy ŭzrovień
«Havary miesca, dzie pabačymsia». Paplečniki Kadyrava najechali na Pryhožyna i prapanavali vyśvietlić adnosiny
Kadyraŭ zrabiŭ šou z sustrečy kania i dadaŭ jašče bolš fantastyčnaści ŭ viersiju pra jaho viartańnie
Šmatdzietnaja maci Volha Załatar vyjšła na svabodu, całkam adbyŭšy čatyrochhadovy termin1
Kamientary