Urad Niamieččyny raspracavaŭ pieršuju nacyjanalnuju stratehiju biaśpieki krainy. Kancepcyja praduhledžvaje ŭmacavańnie biaśpieki krainy pa troch hałoŭnych napramkach: abaranazdolnaści, žyćcieŭstojlivaści i ŭstojlivaści.
«Hałoŭnaja zadača našaj palityki biaśpieki — harantyja taho, što my zmožam praciahvać žyć u našaj krainie ŭ miry i svabodzie. Dla hetaha my niepachisna addanyja NATO i ES i ŭmacoŭvajem Bundeśvier dla vykanańnia jahonaj asnoŭnaj misii — abarony krainy i aljansu», — padkreślivajecca ŭ paviedamleńni.
U pryvatnaści, u dakumiencie abviaščajecca ab namiery davieści siaredni hadavy ŭzrovień vydatkaŭ na abaronu da 2 pracentaŭ VUP, Bundeśvier nazyvajecca asnovaj dla kanviencyjanalnych sił abarony ŭ Jeŭropie.
Taksama ŭ kancepcyi idzie havorka ab pašyreńni kibiernietyčnaha i kaśmičnaha patencyjału FRH, uzmacnieńni baraćby suprać špijanažu i dyviersij, umacavańni jeŭrapiejskaj technałahičnaj bazy biaśpieki i abarony.
«Ja pavinien pazvanić našamu kurataru». Jak zavozili mihrantaŭ u Biełaruś — cikavyja detali ź pierachoplenych telefonnych razmoŭ3
Kamientary