Rasijski padpałkoŭnik, jakoha pałanili «vahnieraŭcy», zajaviŭ, što tyja zdali kaardynaty kadyraŭcaŭ ukraincam
Siońnia stała viadoma, što va Ukrainie byŭ paranieny blizki paplečnik kiraŭnika Čačni Ramzana Kadyrava Adam Delimchanaŭ. Kadyraŭ navat prapanoŭvaŭ ukrainskamu boku hrošy za infarmacyju pra jaho zdaroŭje. Były kamandzir 72-j motastrałkovaj bryhady Minabarony RF, padpałkoŭnik Raman Vieniavicin, jaki staŭ znakamitym tym, što trapiŭ u pałon da «vahnieraŭcaŭ», zajaviŭ, što heta «pryhožyncy» zdali kadyraŭcaŭ ukraincam.
Vieniavicin napisaŭ u svaim telehram-kanale, što «vahnieraŭcy» «adpomścili Ramzanu Kadyravu, jaki raniej pryhraziŭ raskazać pra krynicy bahaćcia Pryhožyna», što pastaŭlaje charčavańnie dla rasijskaj armii.
Pavodle rasijskaha padpałkoŭnika, «Adam Delimchanaŭ, pravaja ruka prezidenta Čačni, znachodzicca ŭ ciažkim stanie paśla prycelnaha artyleryjskaha abstrełu z boku» ŭkraincaŭ.
«Pracavali prycelna i vielmi intensiŭna», — śćviardžaje Vieniavicin.
Pavodle jaho, straty ŭ «kadyraŭcaŭ» «istotnyja».
«Dla evakuacyi vyklikali 12 bartoŭ, jakija, na ščaście, spracavali apieratyŭna. Paranienym, nakolki viedaju, dapamahajuć. Mahčyma, choć hety incydent prymusić narešcie pačać prymać usie nieabchodnyja miery ŭ dačynieńni da asabista Pryhožyna i inšych «biznesmienaŭ» z kamandnaha składu hrupy «Vahnier», jakija zaŭsiody vykarystoŭvali Rasiju vyklučna dla asabistaha ŭzbahačeńnia, nie hrebujučy navat niepasrednym supracoŭnictvam z voraham!» — napisaŭ Vieniavicin.
Adam Delimchanaŭ — stryječny brat i pravaja ruka Kadyrava — niadaŭna sam trapiŭ u publičnuju pierapałku z «pryhožyncami».
Jon nazvaŭ Pryhožyna «błohieram» i prapanavaŭ vyrašyć pytańni pry sustrečy — «jak mužčyna z mužčynam».
Pryhožyn u adkaz na zaklik Delimchanava «paznačyć čas i miesca» zajaviŭ, što jaho kantakty viadomyja ŭsim udzielnikam dyskusii.
A suzasnavalnik «Vahniera» Dźmitryj Utkin nahadaŭ «kadyraŭcam» pra 1-ju i 2-ju vajnu ŭ Čačni, kali jany vajavali pa roznyja baki.
«Adzin adnaho viedajem jašče z 1-j i 2-j vajny ŭ Čačni». Pierapałka «kadyraŭcaŭ» i «pryhožyncaŭ» vyjšła na novy ŭzrovień
«Havary miesca, dzie pabačymsia». Paplečniki Kadyrava najechali na Pryhožyna i prapanavali vyśvietlić adnosiny
«Pačvary śmiardziučyja, vy što robicie?» Pryhožyn nakinuŭsia na Minabarony Rasii
Pryhožyn zajaviŭ, što Rasija «abasrałasia», a «ŭkraincy adny z najmacniejšych u śviecie»
Prabiełaruskija łukašysty jadnajucca suprać prarasijskich11
Prabiełaruskija łukašysty jadnajucca suprać prarasijskich
«Toje, što chtości siadzić za palityku, źjaŭlajecca častkaj piejzažu». Biełaruska, jakaja naviedała radzimu paśla doŭhaha pierapynku, padzialiłasia ŭražańniami1010
Kamientary