Sa studzienia pa sakavik biełarusy atrymali pieravodaŭ z-za miažy na 42 miljony dałaraŭ.
Siaredniaja suma adnaho ź ich skłała 271,48 dalara. Letaś jana pieravyšała 298 dalaraŭ, piša Blizko.by.
Ź Biełarusi za pieršy kvartał było adpraŭlena pieravodaŭ na 32,9 miljona dalaraŭ. Siaredniaja suma adnaho pieravoda — 211 dalaraŭ. U 2022 hodzie jana była roŭnaja 393,86 dalara.
Atrymlivali i adpraŭlali pieravody ŭ asnoŭnym praz servisy «Junistrym», «Załataja Karona», Money Gram, Contact abo «Śbierbank anłajn». Pry hetym ź Biełarusi hrošy pierasyłali najčaściej praź Śbierbank i «Załatuju karonu», a atrymlivali — praz usio tuju ž «Załatuju karonu» i Money Gram.
U minułym hodzie asnoŭnaj valutaj pieravodaŭ byŭ rasijski rubiel. Čaściej za ŭsio biełarusy pieravodzili hrošy adrasatam u Rasiju i Hruziju, a atrymlivali z Rasii i ZŠA.
Suma pieravodaŭ ź Biełarusi pry hetym skłała bolš za 241,8 miljona dalaraŭ, a ŭ Biełaruś — kala 296,2 miljona.
Siłaviki ŭzialisia za karystalnikaŭ tvitara — dziasiatki akaŭntaŭ zvyčajnych biełarusaŭ stali «ekstremisckimi»9
Kamientary