U Hrodnie byłoha siłavika buduć sudzić za razhałošvańnie tajamnicy
Pasiadžeńnie projdzie ŭ Hrodzienskim abłasnym sudzie 12 červienia. Siarhieja Cichaha sudziać pa č. 1 art. 375 KK («Naŭmysnaje razhałošvańnie słužbovaj tajamnicy») i č. 2 art. 373 KK («Naŭmysnaje razhałošvańnie dziaržaŭnaj tajamnicy»), paviedamlaje Hrodna.life.

Sudovy praces budzie vieści sudździa Alaksandr Kozieł. Abstaviny spravy nieviadomyja.
Vierahodna, Siarhiej Cichi — heta były načalnik adździaleńnia narkakantrolu i supraćdziejańnia handlu ludźmi Hrodzienskaha RAUS.
Siarhiej Cichi raniej patrapiŭ u telehram-kanał «Doška hańby Respubliki Biełaruś». Tam śćviardžali, što jon «fabrykavaŭ spravy pa artykule 328 KK», «ździekavaŭsia z zatrymanych, prykoŭvaŭ da batarei».
Kamientary