Hramadstva44

Chranałohija kanfliktu ŭ «Bajpole» — što za čym adbyłosia

Koratka pierakazvajem asnoŭnaje z kanfliktu, jaki razhareŭsia ŭ «Bajpole» — abjadnańni byłych siłavikoŭ, stvoranym u 2020 hodzie.

Alaksandr Azaraŭ i Maćviej Kuprejčyk. Fota: «Naša Niva» i skryn jutub-kanała «Kraina dla žyćcia»

Dostup da sacsietak «Bajpoła» Alaksandr Azaraŭ, imavierna, straciŭ try dni tamu. U aŭtorak, 6 červienia, svoj zvarot jon apublikavaŭ u telehram-kanale «Maja kraina Biełaruś». Tam Azaraŭ skazaŭ, što nie ŭsie supracoŭniki zhodnyja rehularna prachodzić palihraf i paprasiŭ hramadskaść vykazacca na hety kont: ci abaviazkova prachodzić palityčnym i hramadskim lidaram detektar chłuśni?

U čaćvier źjaviłasia novaje videa ad Azarava. Jon zajaviŭ, što supracoŭnik «Bajpoła» Maćviej Kuprejčyk, jaki raniej razam «z hrupaj asob» admoviŭsia prajści pravierku na palihrafie, byŭ zvolnieny, ale pakinuŭ sabie dostup da sacsietak arhanizacyi.

Skryn zvarotu

Paźniej uviečary svaju viersiju ŭ telehram-kanale «Bajpoła» apublikavaŭ Kuprejčyk. Jon paćvierdziŭ raskoł u arhanizacyi, ale pryčyny nazvaŭ inšyja. Pavodle viersii Kuprejčyka, u častki bajpołaŭcaŭ uźnikli pytańni da Azarava nakont prazrystaści finansavaj dziejnaści fondu «Bajpoł». Azaraŭ nibyta ŭchiliŭsia ad adkazaŭ i čatyry dni chavaŭsia ad kaleh. Tyja ŭ vyniku (pa słovach Kuprejčyka, u apazicyi da Azarava 80% kalektyvu) vyklučyli jaho i Stanisłava Łupanosava z abjadnańnia «Bajpoł» i zajavili, što jon naohuł nie stajaŭ la vytokaŭ abjadnańnia.

Kuprejčyk paźniej patłumačyć, što raniej dvojčy prachodziŭ palihraf, a ciapierašniaje patrabavańnie Azarava prajści jaho znoŭ ličyć nadumanym i nie daviaraje jamu.

Potym z zajavaj vystupiŭ Abjadnany pierachodny kabiniet, jaki paviedamiŭ, što pačaŭ pravierku pa hetaj situacyi. Pryjarytetam u Kabiniecie nazvali biaśpiečnaje zachavańnie ŭsioj infarmacyi, atrymanaj «Bajpołam» u pracesie dziejnaści.

U piatnicu, 9 červienia, u telehram-kanale «Bajpoła» źjaviŭsia zvarot śpiecpadraździaleńnia «Atam», stvoranaha «Bajpołam».

Skryn videazvarotu «Atama»

«Bolšaja častka padraździaleńnia ciapier na bajavych pazicyjach. Moj pazyŭny «Nił». My patrabujem ad užo byłoha pradstaŭnika «Bajpoła» Alaksandra Azarava spynić raspaŭsiudžvańnie ŭ ŚMI chłuśni ŭ dačynieńni da supracoŭnikaŭ Abjadnańnia siłavikoŭ Biełarusi «Bajpoł», a taksama nieadkładna vydać usiu finansavuju dakumientacyju ab dziejnaści arhanizacyi i kampiensavać pryčynienuju škodu», — havorycca ŭ videazvarocie.

Pytańni, jakija pakul zastajucca biez adkazu, — u čyich ža rukach danyja ludziej, jaki źviartalisia ŭ arhanizacyju, ci abaronienyja danyja tych, chto pisaŭ u čat-bot płana «Pieramoha»? «Naša Niva» źviartałasia z hetymi pytańniami da abodvuch bakoŭ kanfliktu, ale pakul nie atrymała ŭciamnaha adkazu.

Hetamu raskołu ŭžo paśpieła paradavacca łukašenkaŭskaja prapahanda i takija čalcy apazicyi, jak Valer Capkała i Dźmitryj Bałkuniec. Jany prapanoŭvajuć svaje viersii i namiakajuć, što ŭ «Bajpole» jość ahienty (praŭda, kamu hetu rolu prypisać, pakul adnadušna nie vyznačylisia).

Kamientary4

  • daviedka
    09.06.2023
    My znajem, čto v «Bajpoł» byvšije prokurory, opierativniki milicii, sotrudniki HUBOPiK, nieskolko śledovatielej SK i znajem, kto oni konkrietno, no Timanovskaja na polskom tielevidienii rasskazała o svojom kontaktie s niekim byvšim sotrudnikom KHB v BYPOL, o kotorom my vsie do sich por ničieho nie znajem...
  • daviedka
    09.06.2023
    Iz konflikta v BYPOL iźviestno, čto boleje-mienieje kompjutierom umiejut polzovaťsia dvoje: Kupriejčik i Łuponosov.
  • Bolš nijakaha davieru.
    09.06.2023
    Biełaruskija siłaviki - jany i ú apazicyi siłaviki. Paśla takoha hrandyjeznaha kanfliktu u Bajpoł, nastupstvy jakoha nieviadomyja, a pierad hetym - hrandyjezny pravał z hubašlepikam jaki kiravaú ČKB i pasadziu šmat ludzie -- bolš u mianie davieou da usich hetych "zamiežnych" "biełaruskich" "siłavikou" niama. Bolš nikudy nichto svaje dadzienyja nie pierašle. I davier prydziecca uznaulać vielmi douha. Douhija hady!!!

Šachiedy pačali adzin za adnym źbivacca z kursu i viartacca ŭ Biełaruś. Siońnia z-za bieśpiłotnika znoŭ padniali bajavuju avijacyju

Šachiedy pačali adzin za adnym źbivacca z kursu i viartacca ŭ Biełaruś. Siońnia z-za bieśpiłotnika znoŭ padniali bajavuju avijacyju

Usie naviny →
Usie naviny

Viačorka: Łukašenka abvieścić datu svaich vybaraŭ, tolki kali skončacca amierykanskija5

Pamior mastak Valeryj Čajka. Jon afarmlaŭ minskaje mietro

Zialenski pra zajavu Budanava pra nastup Rasii z poŭnačy: Jaho nie tak zrazumieli1

Ralf Šumachier ździejśniŭ kaminh-aŭt16

Jakimi buduć vybary 2025 hoda? Razvažajuć Viačorka, Łatuška i Šrajbman51

Jak vyhladaje čarha pa vadu ŭ Mazyry6

Jašče adna achviara ŭrahanu: u Śvietłahorsku dreva zabiła 90-hadovaha mužčynu

Ukraincaŭ spytali, ci pryjšoŭ čas pačynać pieramovy z Rasijaj — vyniki sacapytańnia1

«Paśpieli raźvitacca z žyćciom». Vidavočcy raskazali pra śmiarotny ŭrahan na Vilejskim vadaschoviščy5

bolš čytanych navin
bolš łajkanych navin

Šachiedy pačali adzin za adnym źbivacca z kursu i viartacca ŭ Biełaruś. Siońnia z-za bieśpiłotnika znoŭ padniali bajavuju avijacyju

Šachiedy pačali adzin za adnym źbivacca z kursu i viartacca ŭ Biełaruś. Siońnia z-za bieśpiłotnika znoŭ padniali bajavuju avijacyju

Hałoŭnaje
Usie naviny →