Kožnaja sustreča z pradstaŭnikami rasijskich rehijonaŭ vyjaŭlaje novyja punkty rostu. Pra heta paśla sustrečy z delehacyjaj Ałtajskaha kraju ŭ Hrodnie zajaviŭ žurnalistam staršynia abłvykankama Uładzimir Karanik.
«My dosyć aktyŭna ciapier pravodzim sustrečy z pradstaŭnikami rasijskich rehijonaŭ, naša delehacyja była za miežami Hrodzienskaj vobłaści, i my z radaściu sustrakajemsia z delehacyjami roznych rehijonaŭ Rasijskaj Fiederacyi. Kožnaja sustreča vyjaŭlaje novyja punkty rostu. Kožnaja sustreča jašče raz paćviardžaje, što ŭ nas vielmi vialiki i nie da kanca vykarystany patencyjał raźvićcia supracoŭnictva», — cytuje eks-ministra achovy zdaroŭja BiełTA.
Jon dadaŭ: «Vyniki ŭzajemadziejańnia jakraz z Ałtajskim krajem najbolš uražvajuć. Za minuły hod tavaraabarot vyras u 6 razoŭ. Heta śviedčańnie taho, što, moža być, my troški niedapracoŭvali ŭ papiarednija hady, ale zachavańnie dynamiki i sioleta (za 4 miesiacy jość dalejšy rost) pakazvaje, što nam jość što prapanavać adno adnamu, u nas dobryja pierśpiektyvy ŭzajemavyhadnaha supracoŭnictva na karyść našych rehijonaŭ i na karyść našych narodaŭ».
Kažučy pra pierśpiektyvy supracoŭnictva, kiraŭnik vobłaści paznačyŭ šerah napramkaŭ. «Heta abmien technałohijami ŭ žyviołahadoŭli, pakolki taksama Ałtajski kraj vielmi daloka prasunuŭsia, heta pryznany lidar Rasijskaj Fiederacyi ŭ hetym kirunku. Abmien najlepšymi praktykami, z majho punktu hledžańnia, daść sinierhietyčny efiekt. Heta i pierapracoŭka, i mašynabudavańnie, heta vypusk naviasnoha abstalavańnia samachodnaj sielhastechniki. 6 młn ha sielhasuhodździaŭ patrabujuć apracoŭki, uličvajučy sibirskija abšary, akurat šyrokazachopnaja mahutnaja technika, jakaja ŭ tym liku vypuskajecca našymi vytvorcami, tam budzie najbolš zapatrabavanaja», — adznačyŭ Uładzimir Karanik.
Jon taksama vykazaŭ nadzieju na aktyvizacyju supracoŭnictva ŭ sacyjalnaj, humanitarnaj śfiery. «Heta i ŭzajemadziejańnie pamiž univiersitetami, heta i raźvićcio turyzmu, i, naturalna, sumiesnyja kulturnyja mierapryjemstvy», — reziumavaŭ staršynia Hrodzienskaha abłvykankama.
Paśla danosu Bondaravaj raptoŭna admianili vystavu ŭ muziei Janki Kupały. Ciapier jana patrabuje na muziei šyldy pa-rusku29
Paśla danosu Bondaravaj raptoŭna admianili vystavu ŭ muziei Janki Kupały. Ciapier jana patrabuje na muziei šyldy pa-rusku
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu55
Kamientary
pracavała niekali ŭ budynku, dzie mieściłasia niejkaja s/h biblijateka. adnojčy staryja stełažy ź jaje vystavili na kalidor, i ja sa ździŭleńniem pračytała paznaki na palicach - "dalnieje zarubiežje" - strany Pribałtiki, Polša..., "bližnieje zarubiežje" - Dalnij Vostok i t.d.
heta byŭ 2011 hod...
hod 2023... i što bačym? dla staršyni abłvykankama Hrodna bližej Ałtaj, čym Polša
žieleznyj zanavies